మామతో అక్రమ సంబంధం.. కోడలు ఆత్మహత్య!

కూతురితో సమానంగా చూసుకోవాల్సిన కోడలితో అక్రమ సంబంధం పెట్టుకున్నాడో మామ. ఆ విషయం కాస్తా ఇంట్లో తెలియడంతో ఇద్దరూ ఆత్మహత్యకు పాల్పడగా కోడలు మృతి చెందింది. ఖమ్మం జిల్లా బోనకల్లు మండలం ఎర్రవోడు గ్రామానికి చెందిన బానోతు వీరన్న (40) తన కోడలు అనిత (25)తో వివాహేతర సంబంధం పెట్టుకున్నాడు. రెండు నెలల కిందట వీరిద్దరూ.. ఎవ్వరికీ తెలియకుండా ఇంట్లో నుంచి రూ. 2 లక్షల నగదు, బంగారం తీసుకుని చెన్నై చెక్కేశారు. కుటుంబ సభ్యులు పోలీసులను ఆశ్రయించడంతో వాళ్లు కేసు విచారిస్తున్నారు. ఇదిలా ఉండగా.. ఆ మామా కోడలు శుక్రవారం (జూన్ 30) తిరిగి ఖమ్మం వచ్చారు. వారి కోసం పోలీసులు వెతుకుతున్న సమాచారం చెవిన పడింది.

ఇంటికి వెళితే పట్టుబడతామనే ఆందోళనతో వాళ్లు అటు నుంచి అటే రఘునాథపాలెం మండలం మంచుగొండకు వెళ్లారు. అక్కడ ఇద్దరూ ఎలుకల మందు తాగి, చేతులు కోసుకొని ఆత్మహత్యాయత్నం చేశారు. స్థానికులు గుర్తించి వాళ్లను ఖమ్మం ప్రభుత్వ ఆస్పత్రికి తరలించారు. అక్కడ చికిత్స పొందుతూ అనిత శనివారం మృతి చెందింది.