అన్నా ఆశీర్వదించు: జగన్ సమక్షంలో రోజా పెళ్లిరోజు

సినీ నటి, వైసీపీ ఎమ్మెల్యే రోజా తన 15వ వివాహ వార్షికోత్సవం వేడుకను నంద్యాలలో తమ పార్టీ అధినేత జగన్ సమక్షంలో ఘనంగా జరుపుకున్నారు. ఈ సందర్భంగా రోజా-సెల్వమణి దంపతులు కేక్ కట్‌ చేసి ఒకరికొకరు తినిపించుకున్నారు. అనంతరం జగన్మోహన్ రెడ్డి.. రోజా-సెల్వమణి దంపతులకు స్వీట్ తినిపించి శుభాకాంక్షలు తెలియజేశారు. ఈ సందర్భంగా జగన్‌తో తమ దంపతులిద్దరూ దిగిన ఫొటోతో పాటు పెళ్లినాటి ఫొటోలను కూడా సోషల్‌మీడియాలో రోజా షేర్ చేశారు. ఆఫోటోలు సోషల్ మీడియాలో విపరీతంగా షేర్ చేస్తున్నారు రోజా అభిమానులు.




ఇదిలాఉంటే ఉపఎన్నికలో భాగంగా నంద్యాల ప్రచారంలో పాల్గొన్న రోజా తొలిరోజు నుండీ తనదైన శైలిలో మాటలతూటాలను పేల్చారు. ముఖ్యమంత్రి చంద్రబాబునుండి మంత్రులు, ఎమ్మెల్యేలు వరకూ ఎవర్నీ వదలకుండా తనదైన శైలిలో పవర్‌ఫుల్ పంచ్‌లు వదులుతూ ప్రచారంలో తన ఫైర్ బ్రాండ్‌ వాడి వేడిని మరోసారి చూపించారు. జగన్‌తో పాటు విస్తృతంగా ప్రచారం చేసి అధికార పార్టీపై ఘాటైన విమర్శలు చేస్తూ ప్రచారంలో రోజా సంచలన ఆరోపణలు చేస్తూ నంద్యాల ఉపఎన్నిక ప్రచారంలో హాట్ టాపిక్ అయ్యారు.