గద్వాల ఎమ్మెల్యే డీకే అరుణ పదవికి రాజీనామా ప్రకటించారు. చారిత్రిక నేపథ్యమున్న గద్వాలను జిల్లాగా చేయాల్సిందేనని ఆమె ప్రభుత్వాన్ని డిమాండ్ చేశారు. వనపర్తి జిల్లాలో గద్వాలను కలపడాన్ని ప్రజలతోపాటు తాను వ్యతిరేకిస్తున్నానని ఆమె అన్నారు. గద్వాల ప్రజల ఆకాంక్షలను గౌరవించి జిల్లాగా ఏర్పాటు చేయాలని ఆమె ప్రభుత్వాన్ని కోరారు. తాను కాంగ్రెస్ పార్టీలో ఎమ్మెల్యేగా ఉంటూ అధికార టీఆర్ఎస్ ను ప్రశ్నిస్తున్నందు వల్లే గద్వాలను జిల్లాగా చేయడం లేదని ఆమె ఆరోపించారు. తన రాజీనామా పత్రాన్ని సీఎం కేసీఆర్ కు పంపిస్తున్నానని, ఆమోదం తెలపాలని ఆమె అన్నారు. గద్వాలను జిల్లాగా ప్రకటించకపోతే అక్కడి ప్రాంత ప్రజలతో భవిష్యత్ ప్రణాళికను ప్రకటిస్తానని అరుణ్ తెలిపారు.
రాజీ లేదు, రాజీనామే: ఎమ్మెల్యే డీకే అరుణ
గద్వాల ఎమ్మెల్యే డీకే అరుణ పదవికి రాజీనామా ప్రకటించారు.
Samayam Telugu 1 Oct 2016, 2:21 pm