హిజ్రా ఇంట్లో యువకుడి ఆత్మహత్య!

విశాఖ జిల్లా చోడవరంలోని వెంకన్నపాలెం గ్రామంలో ఓ యువకుడు హిజ్రా ఇంట్లో ఫ్యాన్‌కి ఉరివేసుకుని మృతి చెందాడు. సంగం సురేష్ కుమార్ (18) అనే యువకుడు తల్లి వదిలేయడంతో పెద్దమ్మ కర్రి సూరమ్మ ఇంట్లో పెరిగాడు. పాన్‌షాప్‌లో పనిచేస్తున్న సురేష్‌కు ఇటీవల లోవ అనే హిజ్రాతో స్నేహం ఏర్పడింది. దీంతో సురేష్ తరచు ఆమె ఇంటికి వెళ్లేవాడు.

శుక్రవారం రాత్రి లోవా తన ఇంటికి వెళ్లగా తలుపు లోపల నుంచి గడియ పెట్టి ఉంది. తలుపు ఎంత తట్టినా ఫలితం లేకపోయేసరికి కిటికీలో నుంచి చూడగా.. సురేష్ ఫ్యాన్‌కు ఉరివేసుకుని కనిపించాడు. దీంతో సురేష్ కుటుంబ సభ్యులకు సమాచారం అందించింది. పోలీసులు కేసు నమోదు చేసుకుని దర్యాప్తు చేస్తున్నారు. లోవా, సురేష్‌లకు విభేదాలు వచ్చాయని, ఆ బాధతోనే అతడు ఆత్మహత్యకు పాల్పడి ఉండొచ్చని స్థానికులు తెలుపుతున్నారు.