ఏపీ స్పీకర్ కోడెలకు జగన్ బహిరంగ లేఖ

వైఎస్ఆర్ కాంగ్రెస్ పార్టీ అధినేత, ప్రతిపక్ష నేత వైఎస్ జగన్మోహన్ రెడ్డి ఆంధ్రప్రదేశ్ అసెంబ్లీ స్పీకర్ కోడెల శివ ప్రసాదరావుకు బహిరంగ లేఖ రాశారు. వైసీపీ గుర్తుపై గెలిచిన టీడీపీలో చేరిన 21 మంది ఎమ్మెల్యేలపై పార్టీ ఫిరాయింపుల చట్టం ప్రకారం అనర్హులుగా ప్రకటించాలని ఆయన లేఖలో కోరారు.

తెలంగాణలో ఎమ్మెల్యేలను కొనుగోలు చేస్తూ సీఎం అడ్డంగా దొరికిపోవడం వల్లే హడావుడిగా అసెంబ్లీని అమరావతికి మార్చుతున్నారని జగన్ ఆరోపించారు. 21 మంది ఎమ్మెల్యేలను అనర్హులుగా ప్రకటించాలని తాను ఏనాడో కోరానని..స్పీకర్ ఇంతవరకు నిర్ణయం తీసుకోవడం లేదని జగన్ గుర్తు చేశారు.

జగన్ రాసిన లేఖను..వైసీపీ ఎమ్మెల్యేలు వై.విశ్వేశ్వర్ రెడ్డి, ఆదిమూలపు సురేష్ లు హైదరాబాద్ పార్టీలో ఆఫీసులో మీడియాకు చూపించారు.