బాబుకు 'రిటర్న్ గిఫ్ట్' బెంగ పట్టుకుంది: విజయసాయి

టీడీపీ సర్కార్, చంద్రబాబు టార్గెట్‌గా విమర్శనాస్త్రాలు సంధిస్తున్నారు వైసీపీ ఎంపీ విజయసాయిరెడ్డి. ప్రభుత్వ తీరును ఎండగడుతూనే.. పొలిటికల్ సెటైర్లు పేలుస్తున్నారు. రోజూ ట్విట్టర్ వేదికగా సైరా పంచ్‌ల పేరుతో వరుస ట్వీట్లు చేస్తున్నారు. కొత్త ఏడాది రోజునా చంద్రబాబుపై నిప్పులు చెరిగారు విజయసాయి రెడ్డి. వరుస ట్వీట్లతో విమర్శల వేడి పెంచారు.

‘అయిదేళ్ళు ఆంధ్ర రాష్ట్ర ప్రజానీకాన్ని అష్టకష్టాలు పెట్టి, పీల్చిపిప్పి చేసిన ప్రజా కంటకుడు కట్టప్ప నాయుడు. రిటర్న్‌ గిఫ్ట్‌తో కట్టప్ప రాజకీయ కెరీర్‌కు అదిరిపోయే ముగింపు పలకాలన్నది ఆంధ్ర రాష్ట్ర ప్రజల న్యూఇయర్‌ సంకల్పం’అన్నారు విజయసాయి. అలాగే చంద్రబాబు గోబెల్స్ మళ్లీ పుట్టాడా అన్న రేంజ్‌లో అబద్ధాలను ప్రచారం చేస్తున్నారంటూ వీడియోను ట్వీట్ చేశారు.
‘'రిటర్న్‌ గిఫ్ట్‌' ఆఫర్‌ పీడకలగా మారి లోలోపల కుంగిపోతున్నా, ఏయ్! భయపడతానా? ఖబడ్దార్‌ అంటూ మీడియా ముందు కట్టప్ప:నాయుడు గాండ్రింపులు కామెడీ షోను మించిపోతున్నాయి. దగాబాబుని ఎన్టీఆర్ తనకన్నా గొప్ప నటుడు అన్నారు కానీ చీప్ కమెడియన్ అయ్యారు’అంటూ పంచ్ పేల్చారు.
‘'రిటర్న్‌ గిఫ్ట్‌' డిక్లేర్‌ ఆయిన క్షణం నుంచి అది ఏ రూపంలో, ఎలా ఉంటుందో, ఎప్పుడు డెలివరీ అవుతుందోనన్న ఆతృత, ఆదుర్దాతో మా కట్టప్ప నాయుడికి కునుకు కరువైందని పచ్చ తమ్ముళ్ళకు తెగ బెంగెట్టేసుకున్నారు’అన్నారు.
‘అసలే ఆయన కట్టప్ప నాయుడు. 40సం: అనుభవం వున్న సీనియర్‌మోస్ట్‌ డర్టీ పొలిటీషియన్‌ రేంజ్‌కి తగ్గట్టుగా 'రిటర్న్ గిఫ్ట్' లేకపోతే "మహా కూటమి స్వయం ప్రకటిత మేస్త్రీకి " నామోషీ, తలవంపులు కాదా!’అని ప్రశ్నించారు.