లెనొవో నుంచి 'ఎ6600' 4జీ స్మార్ట్‌ఫోన్‌

ప్రముఖ ఎలక్ట్రానిక్ ఉత్పత్తుల సంస్థ లెనోవో తాజాగా 'ఎ6600' మరియు 'ఎ6600 ప్లస్' పేర్లతో రెండు సరికొత్త స్మార్ట్‌ఫోన్‌లను భారత మార్కెట్లో విడుదల చేసింది. ఈ ఫోన్లతో రిలయన్స్ జియో సర్వీసులను కూడా అందిస్తున్నట్లు లెనొవో సంస్థ పేర్కొంది. వచ్చే వారం నుంచి అన్ని రీటైల్ స్టోర్లలో ఈ ఫోన్లు వినియోగదారులకు అందుబాటులో ఉండనున్నాయి.

లెనోవో ఎ6600 స్మార్ట్‌ఫోన్‌ ఫీచర్లు...

5 అంగుళాల టచ్ స్క్రీన్, 720x1280 రెసల్యూషన్
1 గిగాహెడ్జ్ క్వాడ్ కోర్ మీడియాటెక్ MT6735P ప్రాసెసర్, 4జీ సపోర్ట్
2 మెగాపిక్సెల్ సెల్ఫీ కెమెరా, 8 మెగాపిక్సెల్ వెనక కెమెరా
1 జీబి ర్యామ్, 16 జీబి అంతర్గత స్టోరేజ్ సామర్థ్యం
అండ్రాయిడ్ 6.0 మార్ష్ మాలో ఆపరేటింగ్ సిస్టమ్
2300mAh బ్యాటరీ సామర్థ్యం
ధర: రూ. 6,999/-

లెనోవో 'ఎ6600 ప్లస్' స్మార్ట్‌ఫోన్‌లో కూడా మొత్తం ఇవే ఫీచర్లు ఉండి, ర్యామ్ 2 జీబీ ఇచ్చారు. అయితే ఈ ఫోన్ ధరను మాత్రం ఇంకా వెల్లడించలేదు.