జుట్టు సంరక్షణకు ఐదు పద్ధతులు

మనం ఉన్న ప్రదేశాల్లోని వాతావరణం బట్టీ కూడా జుట్టు రాలిపోతుంది. ఉద్యోగాలకు వెళ్లే వారు ఇతరత్రా పనులపై వెళ్లే మహిళల జుట్టుపై వాతావరణ ప్రభావం పడుతుంది. దీనిపై కేర్ తీసుకోకపోతే చుండ్రు ఏర్పడి వెంట్రుకలు రాలిపోయే ప్రమాదం ఉంది. మీరు కొన్ని జాగ్రత్తలు పాటిస్తే చాలు ఈ సమస్య నుంచి బయటపడొచ్చు.
ఉసిరి : జుట్టు రాలే సమస్యతో పాటు చుండ్రుని నివారించడంలో ఉసిరి ఎంతో మేలు చేస్తోంది. ఉసిరి కాయలను ముందుగా ఎండబెట్టాలి. తర్వాత వాటిని కొబ్బరినూనెలో వేసి కాస్త స్టౌ పెట్టి వేడి చేయాలి. అది చల్లగయ్యాక జుట్టుకు రుద్దుకోవాలి. దీని వల్ల మంచి ఫలితం ఉంటుంది.
కొబ్బరి పాలతో మసాజ్ : పచ్చి కొబ్బరిని తురిమి, మిక్సీలో వేసి గ్రైండ్ చేసి పాలు తీయాలి. ఈ పాల మిశ్రమాన్ని తలకు, జుట్టంతా పట్టించి మసాజ్ చేయాలి. 15-20 నిమిషాల పాటు అలాగే ఉంచాలి. తర్వాత నీటితో స్నానం చేయాలి. దీనివల్ల జుట్టు మృదువుగా, కాంతివంతంగా మారుతుంది. జుట్టురాలడం, పొడి బారడం, తలంతా దురదపెట్టడం వంటి సమస్యలూ తలెత్తవు.
పెరుగు, నిమ్మ : ఇంట్లో ఎప్పుడు అందుబాటులో వుండే పెరుగు, నిమ్మకాయలు జుట్టుకు ఎంతో మేలు చేస్తాయి. ఒక కప్పు పెరుగులో కాస్త నిమ్మరసం కలపండి. తర్వాత మిశ్రమాన్ని తలకు పట్టించాలి. అరగంట తర్వాత షాంపూతో కడిగివేయాలి. నిమ్మరసం చుండ్రును తగ్గించటానికి , పెరుగు జుట్టు మృదుత్వం, మెరుపుదనం కోసం చక్కగా ఉపయోగపడతాయి.
తేనె ఆలివ్ ఆయిల్ మసాజ్: ఒక గిన్నెలో తేనె, ఆలివ్ నూనెలను సమపాళల్లో పోయండి. ఇందులో కాస్త దాల్చిన చెక్క పొడి వేయండి. ఈ మిశ్రమాన్ని క్రమం తప్పకుండా జుట్టుకు అప్లై చేస్తూ ఉండండి. దీంతో జుట్టు ఆరోగ్యంగా తయారవుతుంది.
కలబంద రసం: కలబంద రసం (అలోవెర జెల్) సహజసిద్ధమైన హెయిర్ కండీషనర్ గా పని చేస్తుంది. దీనిని మీ జుట్టుకు, తలకు బాగా పట్టించి కొద్దిసేపయ్యాక తలస్నానం చేయండి. దీనివల్ల హెయిర్ ఫోలిసెల్స్ ఓపెన్ అవుతాయి. అవి జుట్టును బాగా సంరక్షిస్తాయి.