చలికాలంలో ఆరు ట్రిక్స్ పాటించండి

చలికాలంలో వాతావరణం కారణంగా మన చర్మం పగిలిపోవడం, పెళుసుబారడం, మంటపెట్టడం, చిటపటలాడటం, దురదపెట్టడం, లాంటి సమస్యలు తలెత్తుతాయి. వీటి పరిష్కారం కోసం ఒక ఆరు జాగ్రత్తలు పాటిస్తే చాలు. మీరు ఎలాంటి ఇబ్బందిపడకుండా ఉంటారు.
1. చలికాలంలో మీ ముఖాన్ని లేదా బాడీని శుభ్రం చేసుకోవడానికి సబ్బులు వాడకండి. చర్మ సౌందర్యానికి సంబంధించిన లిక్విడ్స్ ఎక్కువగా ఉపయోగించండి.
2. బయట ప్రయాణం చేసేటప్పుడు స్వెట్టర్ వాడడం మంచిది. బైక్ పై ప్రయాణం అయితే చేతికి గ్లౌజులు, కాళ్లకు సాక్సులు వేసుకోవాలి.

3. పెదాలకు వెన్న, తేనే రాసుకుంటే మృదువుగా ఉంటాయి. లిప్‌బామ్ కూడా వెంటపెట్టుకుంటే మంచిది. వీటన్నిటితో పాటు నీళ్లు ఎక్కువగా తాగడం మరచిపోవద్దు.
4. ప్రతి రోజూ స్నానం చేసిన వెంటనే మాయిశ్చరైజర్ రాసుకోవాలి. సాయంత్రం కూడా పడుకునే ముందు మాయిశ్చరైజర్‌తో కాసేపు మసాజ్ చేసుకుంటే చక్కటి ఫలితం ఉంటుంది.

5. చర్మాన్ని రక్షించడంలో అలోవెరా ముందుంటుంది. స్నానం చేసిన తర్వాత ఒక చిన్న అలోవెరా ముక్కను తీసుకుని అందులో ఉన్న జెల్‌ని తీసి ముఖానికి, చేతులకు, కాళ్లకు రాసుకోవాలి.
6. పాలలో కొన్ని చుక్కల రోజ్‌వాటర్, నిమ్మరసం కలిపి ముఖానికి, శరీరానికి పట్టించి అర్ధగంట తర్వాత చల్లని నీటితో స్నానం చేయాలి. ఇలా రోజుకి రెండుసార్లు చేస్తే పొడి చర్మం మృదువుగా మారుతుంది.