కాఫీతో అందం.. ఎలాగో చూద్దామా

ఒక కప్పు కాఫీ మనం కాస్త రిలాక్స్ అవుతాం. రీఫ్రెష్‌గా వర్క్ చేసుకుంటాం. కాఫీ కేవలం అలసటను తీర్చడానికే కాదు అందంపెంచడానికి ఉపయోగపడుతుంది. కాఫీ పౌడర్‌తో చాలా ఉపయోగాలున్నాయి. టీ స్పూన్ తేనె, కాఫీ పౌడర్, నిమ్మరసం కలిపి ముఖానికి అప్లై చేయాలి. 15 నిమిషాల పాటు ఉంచి ముఖాన్ని కడుక్కుంటే రక్త ప్రసరణ బాగా జరుగుతుంది. ఇందులో ఉన్న విటమిన్ సి వల్ల మరింత ఫ్రెష్‌గా కనిపిస్తారు. కొంచెం కాఫీ పౌడర్, పెరుగు, ఓట్‌మీల్ పౌడర్, తేనె కలిపి మెడకు, ముఖానికి రాసుకొని ఓ అరగంట పాటు ఉంచుకోవాలి. దీంతో మీ స్కిన్ మృదువుగా మారుతుంది. ఆలివ్ ఆయిల్, కాఫీ పౌడర్ మిక్స్‌ను ముఖానికి రాసుకొని ఓ పదినిమిషాల పాటు ఉంచి కడిగితే చర్మం పొడిబారదు.

టీ స్పూన్ కాఫీ పౌడర్, కొంచెం కోకో పౌడర్, తేనె కలిపిన ప్యాక్‌ను ముఖానికి రాసి తర్వాత చల్లని నీళ్లతో కడుక్కుంటే ముఖంపై పేరుకున్న మృతకణాలను తొలిగిపోతాయి. అలాగే కాఫీని ఐస్‌క్యూబ్స్‌లో వేసి ఫ్రిజ్‌లో పెట్టండి. అవసరమైనప్పుడు ఆ క్యూబ్స్‌ తీసుకుని ముఖంపై మర్దనా చేసుకోండి. దీనివల్ల బ్లడ్‌ సర్క్యులేషన్‌ పెరుగుతుంది. ఫ్రెష్‌ లుక్‌ వస్తుంది. కండిషనర్‌లో రెండు టీస్పూన్ల గ్రౌండ్‌ కాఫీని కలిపి జుట్టుకు పూసుకోవాలి. కొద్దిసేపు తర్వాత తర్వాత కడిగేసుకోవాలి. తర్వాత మీరు ఏ స్టయిల్‌లో కావాలంటే ఆ స్టయిల్‌లో జుట్టు దువ్వుకోవచ్చు.