ఉల్లిపాయ రసం..
ఉల్లిలో ఉండే జింక్‌, సల్ఫర్‌, ఫోలిక్‌యాసిడ్‌, బి విటమిన్‌, పొటాషియం జుట్టును ఆరోగ్యంగా ఉంచుతాయి. ఉల్లిపాయ రసంలోని సల్పర్‌ కొల్లాజెన్‌ ఉత్పత్తిని ప్రోత్సహిస్తుంది. దీంతో జుట్టు కుదుళ్లు దృఢంగా మారతాయి, కొత్త జుట్టు రావడం మొదలవుతుంది. ఉల్లిపాయ రసాన్ని మీ తలకు అప్లై చేస్తే వల్ల రక్త ప్రసరణ మెరుగుపడుతుంది, మీ కుదుళ్లకు పోషణ లభిస్తుంది. ఉల్లిపాయను గ్రైండ్ చేసి దానినుంచి రసం తీయండి. ఈ రసాన్ని తలకు పట్టించి.. 15 నిమిషాల పాటు ఆరనివ్వండి. ఆ తర్వాత తేలికపాటి షాంపూతో తలస్నానం చేయండి.
Also Read: ఉల్లిపాయ దీనితో మిక్స్ చేసి తలకు అప్లై చేస్తే.. హెయిర్‌ ఫాల్‌ ఆగుతుంది..!
కొబ్బరి నూనే
కొబ్బరి నూనె సహజమైన మాయిశ్చరైజర్. ఇది జుట్టు చిట్లడం, జుట్టు రాలడాన్ని నివారించడంలో సహాయపడుతుంది. కొబ్బరి నూనెలో లారిక్ యాసిడ్ పుష్కలంగా ఉంటుంది. దీనికీ యాంటీమైక్రోబయల్ లక్షణాు ఉంటాయి. ఇది మీ స్కాల్ప్‌ను ఇన్ఫెక్షన్ల నుంచి రక్షిస్తుంది. మీరు హెయిర్‌ ఫాల్‌ సమస్యతో బాధపడుతుంటే.. కొబ్బరి నూనెను డబుల్‌ బాయిలర్‌ విధానంలో వేడి చేసి తలకు అప్లై చేసి మసాజ్‌ చేయండి. రాత్రంతా అలాగే ఉంచి ఉదయం తలస్నానం చేయండి.
మెంతులు..
మెంతులలో ప్రొటీన్లు, నియాసిన్‌, అమైనో యాసిడ్స్‌, పొటాషియం,ఐరన్, మాంగనీస్, మెగ్నీషియం వంటి పోషకాలు ఉంటాయి. ఇవి హెయిర్‌ ఫాల్‌ సమస్యను దూరం చేసి.. జుట్టు పెరుగుదలకు తోడ్పడతాయి. మెంతి గింజలను రాత్రంతా నీళ్లలో నానబెట్టి ఉదయం పేస్ట్‌ చేసుకోవాలి. ఈ పేస్ట్‌ని మీ తలకు పట్టించి 30 నిమిషాల పాటు ఆరనివ్వండి. ఆ తర్వాత తలస్నానం చేయండి.
మెంతులతో ఇలా ప్యాక్‌ వేస్తే.. జుట్టు పొడవుగా పెరుగుతుంది..!
జుట్టు బాగా రాలుతుందా?
కలబంద..
కలబందలోని ఔషధ గుణాలు.. జుట్టు పెరుగదలను ప్రోత్సహిస్తాయి, జుట్టు రాలడాన్ని నిరోధిస్తాయి. కలబందలోని ఎంజైమ్స్‌ హెయిర్‌ ఫాల్ను కంట్రోల్‌ చేస్తాయి. కలబంద మీ స్కాల్ప్ pH బ్యాలెన్స్‌ను పునరుద్ధరించడంలోనూ సహాయపడుతుంది. తాజా కలబంద గుజ్జును మీ తలకు అప్లై చేసి 30 నిమిషాల పాటు ఆరనివ్వండి. ఆ తర్వాత మైల్డ్‌ షాంపుతో తలస్నానం చేయండి. ఇలా వారానికి రెండు సార్లు చేస్తే.. హెయిర్‌ ఫాల్‌ తగ్గి, జుట్టు ఒత్తుగా పెరుగుతుంది. (image source - Pexels)
గ్రీన్ టీ..
గ్రీన్ టీలో యాంటీఆక్సిడెంట్లు పుష్కలంగా ఉంటాయి, ఇవి మీ జుట్టు కుదుళ్లను దెబ్బతినకుండా కాపాడతాయి. ఇందులో కేటెచిన్స్ కూడా ఉంటాయి, ఇవి హెయిర్‌ గ్రోత్‌ను ప్రోత్సహిస్తాయి. ఒక కప్పు నీటిలో స్పూన్‌ గ్రీన్ టీ వేసి మరిగించండి. ఆ నీళ్లు చల్లారిన తర్వాత తలకు పట్టింటి.. ఒక గంట తర్వాత తల శుభ్రం చేసుకోండి. (image source - Pexels)
Also read: ఈ డ్రింక్స్‌ ఉదయం పూట తాగితే.. అందమైన మెరిసే చర్మం మీ సొంతం..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.