Holi Hair and Skin Care: హోలీ ఆడేముందు రంగులతో జుట్టు, చర్మం పాడవ్వకుండా ఇలా చేయండి..

ఇదివరకటి రోజులు హోలీకి సహజ కలర్స్ వాడేవారు. కానీ, ఈ రోజులు కెమికల్స్ కలిసిన కలర్స్ వాడడం వల్ల జుట్టు, చర్మానికి కాస్తా ఇబ్బందిగా ఉంటుంది. హోలీ సమయంలో నీరు కలిపిన హోలీ కలర్స్ చర్మం, జుట్టుపై పడడం వల్ల అవి ఆరిపోయి నష్టాన్ని కలిగిస్తున్నాయి. అలా కాకుండా ఉండాలంటే కొన్ని టిప్స్ ఫాలో అవ్వొచ్చు. అవేంటంటే..

హోలీ రోజున స్కిన్ రొటీన్ ఫాలో అవ్వాలి. ఉదయాన్ని ముఖాన్ని క్లీన్ చేసి రోజ్ వాటర్, పచ్చి పాలతో క్లెన్స్ చేయండి. తర్వాత టోనర్ అప్లై చేయండి. దీంతో మురికి, జిడ్డు తొలగిపోతుంది. తర్వాత ముఖం, మెడ, చేతులు, పాదాలకు మాయిశ్చరైజర్ అప్లై చేయండి.
​Also Read : కాఫీ పౌడర్‌లో ఈ రెండు కలిపి ఫేస్‌ప్యాక్ వేస్తే ముఖం మెరుస్తుంది.​

అదే విధంగా, హోలీ ఆడే ముందు జుట్టు, చర్మానికి కచ్చితంతగా ఆయిల్ అప్లై చేయండి. దీనికోసం బాదం, కొబ్బరినూనె ఏదైనా అప్లై చేయొచ్చు. ఇవి మీకు రక్షణ పొరలా హోలీ కలర్స్‌తో మీపై ఎఫెక్ట్ పడకుండా చూస్తాయి. ఈ కారణంగా కెమికల్స్ చర్మం, వెంట్రుకల్లోకి చొచ్చుకుపోకుండా కాపాడుకోవచ్చు. పైగా హోలీ కలర్స్‌ని కూడా త్వరగా పోగొట్టుకోవచ్చు.

అదే విధంగా సన్‌స్క్రీన్ మర్చిపోవద్దు. SPF ఉన్న సన్‌స్క్రీన్‌ని వాడితే ఎండ నుంచి మనల్ని మనం కాపాడుకోవచ్చు. యూవీ కిరణాల నుండి మన చర్మాన్ని కాపాడుకోవచ్చు. దీనికోసం SPF 40 కంటే ఎక్కువగా ఉన్నదే సన్‌స్క్రీన్ తీసుకుని ప్రతి రెండు గంటలకి ఓసారి స్కిన్‌కి రాయండి.
​Also Read : షాంపూలో దీనిని కలిపి తలస్నానం చేస్తే జుట్టు రాలడం తగ్గి పెరుగుతుందట..​

అదే విధంగా, చర్మం, జుట్టుని కాపాడుకున్నట్టే గోర్లని కూడా కాపాడాలి. లేకపోతే నీరు, సింథటిక్ కలర్స్ గోర్లని బలహీనంగా చేస్తుంది. రంగు నీరు అనేది బ్యాక్టీరియా వృద్ధికి తోడ్పడుతుంది. దీని వల్ల ఫంగల్, బ్యాక్టీరియల్ ఇన్ఫెక్షన్, రంగు మారడం, గోళ్ళ నొప్పులు వస్తాయి. అందుకే, గోర్లు, చుట్టూ ఉన్న స్కిన్‌కి కూడా నూనె రాయండి. గోర్లని పాలిష్ చేస్తే కెమికల్స్ నుంచి మిమ్మల్ని మీరు కాపాడుకోవచ్చు.

అదే విధంగా, కలర్స్ నుంచి మీ జుట్టుని కాపాడుకోవాలంటే టోపీ, స్కార్ప్ వాడొచ్చు. బాడీ మొత్తాన్ని కప్పి ఉంచే తేలికైన కాటన్ దుస్తులు ధరించండి. లూజ్ బట్టలు వేసుకుంటే కలర్స్ చర్మంలోపలికి వెళ్ళకుండా ఉంటాయి. వీలైతే షూ వేసుకోండి.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More : Beauty News and Telugu News