తులసి..
తులసి ప్రతి ఇంట్లోనూ ఉండనే ఉంటుంది. ఈ ఆకుల్లో గొప్ప గుణాలు ఎక్కువగా ఉన్నాయి. అందుకే ఈ ఆకుల్ని ఆయుర్వేదంలో వాడతారు. దీనిని వాడి ఎన్నో వ్యాధుల్ని దూరం చేస్తారు. ఆరోగ్య సంరక్షణతో పాటు చర్మ సంరక్షణకి కూడా తులసి బాగా ఉపయోగపడుతుంది. తులసిలో యాంటీ బ్యాక్టీరియల్ గుణాలు ముఖంపై మొటిమలని దూరం చేస్తుంది. అదే విధంగా, యాంటీ ఇన్‌ఫ్లమేటరీ లక్షణాలు మొటిమల వల్ల వచ్చే నొప్పి, చీము, ఉపశమనాన్ని దూరం చేస్తాయి. తులసిలోని యాంటీ ఆక్సిడెంట్ గుణాలు చర్మాన్ని మొటిమలు, ఎండ నుంచి వచ్చే సమస్యల్ని దూరం చేస్తాయి.
తులసి, వేప ఫేస్ ప్యాక్
అలోవేరాతో..
తులసి ఆకుల్ని పేస్టులా చేసి అందులో అలోవేరా జెల్ కలపాలి. దీనిని ముఖానికి అప్లై చేయాలి. 15 నుంచి 20 నిమిషాల తర్వాత దీనిని చన్నీటితో కడిగేయాలి.
Also Read : Summer Serum : సమ్మర్‌లో ఈ సీరమ్‌తో స్కిన్ బ్రైట్‌గా మారుతుందట..x
తేనె..
అదే విధంగా, తులసి ఆకు పేస్టులో కొద్దిగా తేనె వేసి బాగా కలపాలి. దీనిని పేస్టులా చేసి ముఖానికి అప్లై చేయాలి. ఇలా రెగ్యులర్‌గా చేస్తుంటే మొటిమలు, మొటిమలతో వచ్చే నల్ల మచ్చలు కూడా దూరమవుతాయి.
వేపాకుతో..
అదే విధంగా, సమాన పరిమాణంలో వేపాకు, తులసి ఆకుల్ని తీసుకుని పేస్టులా చేయాలి. ఇందులో రెండు చుక్కల టీట్రీ ఆయిల్ వేసి బాగా మిక్స్ చేసి ముఖానికి అప్లై చేయాలి. వారానికి 3 సార్లు ఇలా తయారైన పేస్ట్‌ని అప్లై చేస్తే మొటిమలు తగ్గిపోతాయి.
చందనం..
తులసి ఆకుల్ని మెత్తగా పేస్టులా చేసి అందులో చందనాన్ని కలపాలి. దీనిలో కొద్దిగా రోజ్ వాటర్ కలిపి ముఖానికి అప్లై చేయాలి. 15 నిమిషాల తర్వాత కడిగేయాలి. ఇలా చేస్తుంటే మొటిమలు తగ్గిపోవడమే కాకుండా మెరుస్తుంది.
Also Read : Wrinkle free skin : వీటిని ముఖానికి రాసినా, తిన్నా ముడతలు మాయం..
పెరుగుతో..
ఓ పిడికెడు తులసి ఆకుల్ని మెత్తగా పేస్టులా చేసి అందులో 2 చెంచాల పెరుగు వేసి బాగా కలపాలి. దీనిని ముఖానికి అప్లై చేసి 20 నిమిషాల పాటు ఉండండి. ఇది మొటిమలు తగ్గేలా చేస్తుంది.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Beauty News and Telugu News