గుడ్లు..
గుడ్లలో విటమిన్లు, మినరల్స్‌, ఇతర పోషకాలు పుష్కలంగా ఉంటాయి. దీనిలో విటమిన్ డి, ఇ, కె, ఏ, బి2, బి5, బి12, బి6, వంటి విటమిన్లు, ఐరన్, ఫాస్ఫరస్, క్యాల్షియం, జింక్, ఫోలేట్, సెలీనియం వంటి పోషకాలు ఉంటాయి. దీనిలో బయోటిన్, జింక్, సెలీనియం, ప్రొటీన్లు జుట్టును ఆరోగ్యంగా ఉంచుతాయి. హెయిర్ ఫాల్‌ను కంట్రోల్‌ చేయడానికి.. ప్రోటీన్‌ అవసరం. ప్రొటీన్ హెయిర్ గ్రోత్‌ను ప్రేరేపిస్తుంది. దీనిలో బయోటిన్ అధికంగా ఉంటుంది. ఇంటర్నేషనల్ జర్నల్ ఆఫ్ ట్రైకాలజీలో 2016లో జరిపిన అధ్యయనంలో 38% మంది మహిళల్లో బయోటిన్ లోపం వల్ల జుట్టు రాలుతున్నట్లు తేలింది. (image source - pixabay)
రోజూ గుడ్లు తినడం ఆరోగ్యానికి మంచిదేనా?
పండ్లు..
బెర్రీలు, చెర్రీస్, ఆప్రికాట్లు, ద్రాక్ష, కమల వంటి పండ్లలో విటమిన్ సి, యాంటీఆక్సిడెంట్లు మెండుగా ఉంటాయి. విటమిన్ సీ ఫ్రీ రాడికల్స్ నుంచి హెయిర్ ఫాలికల్స్‌ను రక్షిస్తుంది. జుట్టు చిట్లిపోవడం, రాలడం, పొడిబారడం వంటి సమస్యలను దూరం చేస్తాయి. పండ్లలో ఉండే.. విటమిన్ సి కొల్లాజెన్‌ ఉత్పత్తికి సహాయపడుతుంది. ఇది జుట్టును బలపరుస్తుంది, జట్టు రాలడం తగ్గిస్తుంది. (image source - pixabay)
ఆకు కూరలు..
ఆకుకూరల్లో ఐరన్, బీటా-కెరోటిన్, ఫోలేట్, విటమిన్ సి, విటమిన్ ఎ మెండుగా ఉంటాయి. విటమిన్ ఏ జుట్టును హెల్తీగా ఉంచుతుంది. ఇది సెబమ్ అనే నూనె ఉత్పత్తికి సహాయపడుతుంది. మాడును తేమగా ఉంచి, జుట్టు కుదుళ్లను బలంగా ఉంచుతుంది. పాలకూర, తోటకూర, బచ్చలికూర వంటి ఆకు కూరలు మీ డైట్‌లో చేర్చుకోండి. రోజూ ఒక కప్పు ఆకుకూరలు తీసుకోవడం వల్ల జుట్టు ఆరోగ్యంగా పెరుగుతుంది.
(image source - pixabay)
సోయా..
సోయా ప్రొటీన్ స్టారో హౌస్‌. దీనిలో ఎక్కువ భాగం ప్రొటీన్ ఉంటుంది. మన జుట్టు ఆరోగ్యంగా ఉండటానికి 90 % ప్రొటీన్ అవసరం. సోయాలో ఐరన్, జింక్, ఫోలేట్ వంటి ఖనిజాలు మెండుగా ఉంటాయి. ఇది ఆరోగ్యకరమైన జుట్టు పెరుగుదలను ప్రోత్సహిస్తుంది. హెయిర్ ఫోలికల్స్ పెళుసుదనాన్ని తగ్గించడంలో సహాయపడుతుంది. (image source - pixabay)
Also Read: వెజిటేరియన్స్‌ ఇవి తింటే.. ప్రొటిన్స్‌ లోపం రాదు..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.