ఉసిరి..
ఉసిరి ఆరోగ్యానికే కాదు.. జుట్టు సంరక్షణకు తోడ్పడుతుంది. దీనిలో విటమిన్ సీ సహా.. యాంటీ ఆక్సిడెంట్లు, మినరల్స్‌, అమినో యాసిడ్స్ మెండుగా ఉంటాయి. ఇవి జుట్టు పెరుగుదలను ప్రేరేపిస్తాయి. ఉసిరికాయ జ్యూస్‌ రోజూ తాగితే.. జుట్టు రాలడం, చివర్లు చిట్లడం, తెల్లబడటం.. వంటి సమస్యలు పరిష్కారం అవుతాయి. ఉసిరి కాయను పచ్చిగా తినొచ్చు, తేనెలో కలిపి తీసుకోవచ్చు. ఉసిరి పొడి కూడా మన ఆహారంలో చేర్చుకోవచ్చు.
మజ్జిగ..
ప్రతిరోజూ ఒక గ్లాసు మజ్జిగ తాగడం వల్ల రక్తంలో కొలెస్ట్రాల్‌ స్థాయిలు తగ్గుతాయి. ఇది జుట్టు ఆరోగ్యానికీ మేలు చేస్తాయి. మజ్జిగలోని క్యాల్షియం కంటెంట్ జుట్టు కుదుళ్లకు రక్షణ కల్పిస్తుంది. జుట్టు రాలే సమస్యను పరిష్కరిస్తుంది. మీరు హెయిర్ ఫాల్‌తో బాధపడుతుంటే.. రోజూ ఒక గ్లాస్‌ మజ్జిగ తాగండి.
బాదం..
బాదంలో విటమిన్ ఇ, ఒమేగా 3 ఫ్యాటీ యాసిడ్స్, బయోటిన్ సమృద్ధిగా ఉంటాయి. బాదం జుట్టు పెరుగుదలకు సహాయపడుతుంది. మీ జుట్టు ఒత్తిగా పెరగాలంటే.. రోజు నానబెట్టిన బాదం తీసుకుంటే మేలు జరుగుతుంది. బాదంలోని పోషకాలు జుట్టు కుదుళ్లను బలంగా ఉంచుతాయి. బాదం మీ కేశాలు సిల్కీగా, ప్రకాశవంతంగా మెరిసేలా చేస్తుంది.
మునగాకు..
మునగాకులో విటమిన్ ఎ, విటమిన్ B1 (థయామిన్), B2 (రిబోఫ్లావిన్), B3 (నియాసిన్), B-6, ఫోలేట్ వంటి పోషకాలు పుష్కలంగా ఉంటాయి. మునగాకులోని యాంటీ ఆక్సిడెంట్లు.. జుట్టు డ్యామేజ్‌ను నివారిస్తాయి. మునగాకు మన ఆహారంలో తరచుగా తీసుకుంటే.. హార్మోన్ల అసమతుల్యత దూరం అవుతుంది. మునగాకులో పుష్కలంగా ఉంటే.. ఐరన్ జుట్టు కుదుళ్లను బలంగా మారుస్తుంది. మునగాకు జుట్టు నెరవడం ఆలస్యం చేస్తుంది.
వేరుశనగ..
వేరుశనగలో కాల్షియం, సిలికా, విటమిన్ ఇ, జింక్, మెగ్నీషియం, బయోటిన్ పుష్కలంగా ఉంటాయి. ఈ పోషకాలు జుట్టు కుదుళ్ల దృఢంగా మారుస్తాయి. జుట్టు ఒత్తుగా పెరిగేలా సహాయపడతాయి.
నెయ్యి..
ఆయుర్వేదంలో నెయ్యికి ప్రత్యేక స్థానం ఉంది. నెయ్యి శారీరక ఆరోగ్యానికే కాదు.. జుట్టును ఆరోగ్యంగా ఉంచుతుంది. నెయ్యిలో ఉండే.. విటమిన్ డి, ఎ, ఇ కేశ సంరక్షణలో సహాయపడతాయి. రోజూ ఉదయం ఒక చెంచా నెయ్యి తింటే.. మంచిది.
కరివేపాకు..
కరివేపాకులో విటమిన్ సి, విటమిన్ బి, ప్రోటీన్లు, యాంటీఆక్సిడెంట్లు ఉంటాయి. ఈ పోషకాలు సెల్యులార్ పునరుత్పత్తికి దోహదం చేస్తాయి, మాడుపై రక్తప్రసరణను ప్రోత్సహిస్తాయి, స్కాల్ప్‌ను ఆరోగ్యంగా ఉంచుతాయి. ఇవి జుట్టును బలంగా, ఒత్తుగా చేస్తాయి. కరివేపాకు మీ ఆహారంలో చేర్చుకుంటే.. బాల మెరుపు రాకుండా ఉంటుంది, జుట్టు నెరిసే ప్రక్రియ కూడా నెమ్మదిగా జరుగుతుంది.
గుడ్డు..
గుడ్డులో ప్రొటీన్‌, విటమిన్ బి12, ఐరన్, జింక్ ఒమేగా 6 ఫ్యాటీ యాసిడ్స్ కురుల పెరుగుదలకు సహాయపడతాయి. ఈ పోషకాలు జుట్టు పెరుగుదలను అడ్డుపడే కారకాలను నిరోధిస్తాయి. గుడ్డు పచ్చసొనలో ఉండే.. విటమిన్ A,E, బయోటిన్, ఫోలేట్ జుట్టు ఒత్తుగా, ఆరోగ్యంగా పెరిగేలా తోడ్పడతాయి. మీ జుట్టు ఆరోగ్యంగా ఉండాలంటే.. రోజుకొక గుడ్డు తినండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.