యాంటీ ఏజింగ్‌ గుణాలు..
కంజీలోని క్యారెట్‌లో బీటా కెరోటిన్‌, ఆవాలలో ఫినాలిక్‌ సమ్మేళనాలు వంటి యాంటీఆక్సిడెంట్లు పుష్కలంగా ఉంటాయి. ఈ యాంటీఆక్సిడెంట్లు శరీరంలోని ఫ్రీ రాడికల్స్‌ను న్యూట్రల్‌ చేయడానికి సహాయపడతాయి, ఆక్సీకరణ ఒత్తిడిని తగ్గిస్తాయి. కంజీలోని యాంటీఆక్సిడెంట్లు... వృద్ధాప్య ఛాయలు త్వరగా రాకుండా అడ్డుకుంటాయి. క్యారెట్‌లో సమృద్ధిగా ఉండే.. విటమిన్‌ సి కొల్లాజెన్‌ సంశ్లేషణలో కీలక పాత్ర పోషిస్తుంది. చర్మం స్థితిస్థాపకత, దృఢత్వాన్ని నిర్వహించడానికి కొల్లాజెన్‌ అవసరం. ఇది ఫైన్‌ లైన్స్‌, ముతల రూపాన్ని తగ్గించడానికి సహాయపడుతుంది.
ప్రకాశవంతమైన ఛాయను ప్రోత్సహిస్తుంది..
కంజీలో విటమిన్‌ సి, విటమిన్‌ ఇ, పొటాషియం వంటి విటమిన్లు, మినరల్స్‌ చర్మ కణాలకు పోషణ అందించడానికి, హైడ్రేటింగ్‌గా ఉంచడానికి తోడ్పడుతుంది. తద్వారా ఆరోగ్యకరమైన చర్మాన్ని ప్రోత్సిహిస్తుంది. కంజీని క్రమం తప్పకుండా తీసుకుంటే.. మెరుగైన ఛాయను ప్రోత్సహిస్తుంది, మెరుగైన చర్మ ఆకృతికి దోహదపడుతుంది.
మొటిమలు, మచ్చలు, పగుళ్లను నివారిస్తుంది..
కంజీ డ్రింక్‌ను పులియబెట్టి తీసుకుంటారు. దీనిలో ప్రయోజనకరమైన ప్రోబయోటిక్స్‌, ఎంజైమ్‌లను ఉత్పత్తి చేస్తుంది. ఇది గట్ ఆరోగ్యాన్ని మెరుగుపరుస్తుంది, జీర్ణక్రియకు మద్దతు ఇస్తుంది. మొటిమలు, వాపు వంటి చర్మ సమస్యలకు కారణం అయ్యే టాక్సిన్స్‌, వ్యర్థ పదార్థాలను శరీరంలో నుంచి తొలగించడానికి తోడ్పడుతుంది. చర్మం ఆరోగ్యంగా ఉండటానికి జీర్ణక్రియ అవసరం, ఇది చర్మానికి అవసరమైన పోషకాలు బాగా గ్రహించడానికి తోడ్పడుతుంది. కంజీలోని ప్రోబయోటిక్ కంటెంట్ ఆరోగ్యకరమైన గట్ మైక్రోబయోమ్‌కు మద్దతు ఇస్తుంది. ఇది స్పష్టమైన, ఆరోగ్యకరమైన చర్మానికి దారి తీస్తుంది.
తేమను అందిస్తుంది..
కంజీలో క్యారెట్‌ ఉంటుంది, దీనిలో వాటర్‌ కంటెంట్ సమృద్ధిగా ఉంటుంది. ఇది చర్మాన్ని తేమగా, హైడ్రేట్‌గా ఉంచడానికి తోడ్పడుతుంది. చర్మం మృదువుగా ఉండటానికి, చర్మాన్ని ఆరోగ్యంగా ఉంచడానికి.. హైడ్రేషన్‌ చాలా ముఖ్యం. కంజీలోని ఎసిడిక్‌ స్వభావం.. చర్మ pH స్థాయిలను సమతుల్యం చేయడానికి తోడ్పడుతుంది. ఇది మొటిమలు, జిడ్డు చర్మం వంటి సమస్యలను నివారిస్తుంది.
వాపును తగ్గిస్తుంది..
కంజీలో ఆవాలు ఉంటాయి. దీనిలో యాంటీఇన్ఫ్లమేటరీ గుణాలు ఉంటాయి. చర్మం చికాకు నుంచి ఉపశమనం ఇస్తాయి. మొటిమలు, తామర, సోరియాసిస్‌ వంటి చర్మ సమస్యలతో సంబంధం ఉన్న.. వాపును తగ్గించడానికి తోడ్పడుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.