నిమ్మతో చుండ్రు మాయం..
- కొబ్బరి నూనె, నిమ్మరసం సమాన పరిమాణంలో తీసుకుని తలకు అప్లై చేయండి. అలా 15 నిమిషాలు ఉంచి, షాంపూతో తలస్నానం చేయండి. ఇలా వారానికి రెండుసార్లు చేస్తే డ్యాండ్రఫ్‌ మాయం అవుతంది.
- నిమ్మరసం, ఎగ్‌ వైట్‌ , ఉల్లిరసం సమపాళ్లలో తీసుకుని, ఆ మిశ్రమాన్ని కుదుళ్లకు రాయండి. కాసేపు మర్దన చేశాక తలస్నానం చేస్తే మంచి రిజల్ట్స్‌ ఉంటాయి.
- గిన్నెలో కప్పు కొబ్బరి నూనె వేసి వేడిచేయాలి. దీనికి పావు కప్పు వేపనూనె కలపాలి. దీన్ని రాత్రి నిద్రపోయే ముందు తలకు రాసుకొని మరుసటి రోజు తలస్నానం చేయాలి. ఇలా వారానికి రెండు సార్లు చేస్తే చుండ్రు దూరం అవుతుంది.
వేపతో డ్యాండ్రఫ్‌కు చెక్‌..
- రాత్రంతా నానబెట్టిన మెంతులకు కొన్ని వేపాకులు వేసి మిక్సీ పట్టుకోండి. ఈ పేస్టే కొద్దిగా పెరుగు కలుపుకోండి. ఈ పేస్ట్‌ను తలకు ప్యాక్‌లా వేసుకోవాలి. గంట తర్వాత తలస్నానం చేస్తే చుండ్రు సమస్య దూరం అవుతుంది.
- గుప్పెడు వేపాకులను తీసుకొని పదినిమిషాల పాటు నీటిలో ఉంచాలి. ఆ తర్వాత వాటిని మెత్తటి పేస్ట్‌లా మిక్సీ పట్టుకోవాలి. దీనికి కాస్త కలబంద గుజ్జుని యాడ్‌ చేసి పేస్ట్‌లా చేసుకోండి. దీన్ని తలకు అప్త్లె చేసుకొని అరగంట తర్వాత తలస్నానం చేస్తే మంచి రిజల్ట్స్‌ ఉంటాయి. మంచి ఫలితం కనిపిస్తుంది.
కలబంద..
శీతాకాలంలో కుదుళ్లు పొడిబారడం వల్ల చుండ్రు సమస్య ఎక్కువగా ఉంటుంది. దీనికి కలబంద ఎఫెక్టివ్‌గా పనిచేస్తుంది. కలబంద గుజ్జులో వేపాకుల పొడిని కలపాలి. దీనికి కొన్ని చుక్కల ఉసిరి నూనె యాడ్‌ చేసి మిక్స్‌ చేసుకోండి. ఈ పేస్ట్‌ను తలకు అప్లై చేసి ఆరగంట పాటు ఆరనివ్వండి. ఆ తర్వాత గోరువెచ్చని నీటితో తలస్నానం చేయండి. ఇలా వారానికి రెండు సార్లు చేస్తే మీ సమస్య దూరం అవుతుంది.
మందారం..
జుట్టుకు మందార ఆకులు, పువ్వులు కండిషనర్‌‌లా పనిచేస్తాయి. మందార ఆకులు/ పువ్వులు పేస్ట్‌లా చేసి తలకు ప్యాక్‌లా అప్లై చేయండి. ఈ ప్యాక్‌తో జుట్టు ముదురు రంగులోకి మారుతుంది. చండ్రు సమస్య కూడా దూరం అవుతుంది.
యాపిల్ సైడర్‌ వెనిగర్‌..
యాపిల్ సిడర్ వెనిగర్‌ కుదుళ్ల పీహెచ్ స్థాయులను అదుపులో ఉంచి తలలో ఫంగస్ పెరగనివ్వకుండా చేస్తుంది. అరకప్పు నీటిలో పావు కప్పు యాపిల్ సిడర్ వెనిగర్‌ను కలపాలి. దీన్ని స్ప్రేబాటిల్లో వేసి మాడుపై స్ప్రే చేసుకోవాలి. ఆ తర్వాత తలకు టవల్ చుట్టి.. పావుగంట నుంచి అరగంట పాటు ఆరనివ్వాలి. ఆ తర్వాత తలస్నానం చేస్తే సరిపోతుంది. ఇలా వారానికి రెండు సార్లు చేస్తే రిజల్ట్స్‌ ఉంటాయి.
ఈ జాగ్రత్తలు తీసుకోండి..
- తలస్నానం చేసే నీళ్లు పొగలు కక్కేంత వేడిగా/ వణుకు పుట్టించేంత చల్లగా ఉండకూడదు. తలస్నానం చేసే నీళ్లు గోరువెచ్చగా ఉంటే సరిపోతుంది.
- శీతాకాలం రోజూ తలస్నానం చేయకూడదు. ఇలా చేస్తే కుదుళ్లు పొడిబారిపోతాయి.
- మాసిపోయిన దుప్పట్లను, తలగడలను వాడటం, దుమ్ము, ధూళి పడే ప్రదేశంలో పని చేయకండి
- చల్లగాలికి ఎక్కువగా తిరగొద్దు. ఇంట్లోనూ హ్యుమిడిఫయర్‌ని ఏర్పాటు చేసుకుంటే గాలిలో తేమ ఏర్పడుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.