పిగ్మెంటేషన్‌ దూరం అవ్వాలంటే..
పిగ్మెంటేషన్‌ సమస్యతో బాధపడే వారు.. చెంచా చొప్పున పాలపొడి, శనగపిండి, నారింజ రసాన్ని కలిపి పేస్ట్‌లా తయారు చేసుకోవాలి. ఈ పేస్ట్‌ను ముఖానికి ప్యాక్‌లా అప్లై చేసి.. 15 నిమిషాల పాటు ఆరనివ్వాలి. ఆ తర్వాత చల్లని నీటితో ముఖం శుభ్రం చేసుకోండి. ఇలా తరచుగా చేస్తే ఎండ కారణంగా కమిలిన చర్మం తాజాగా మారుతుంది.
రెండు చెంచాల పెరుగు, చెంచా పాలపొడి, అరచెంచా నిమ్మరసం కలిపి పేస్ట్‌లా తయారు చేసుకోండి. దీన్ని ముఖానికి ప్యాక్‌లా అప్లై చేసి 20 నిమిషాల పాటు ఆరనివ్వండి. ఇలా వారానిరి రెండుసార్లు చేస్తే.. పిగ్మెంటేషన్‌ మచ్చలు దూరం అవుతాయి.
(image source - unsplash)
ముఖం తేమగా ఉండాలంటే..
టొమాటో పేస్ట్‌లో పావుచెంచా పసుపు, స్పూన్‌ పెరుగు, ఒక స్పూన్‌ పాలపొడి వేసి పేస్ట్‌లా తయారు చేయండి. ఈ పేస్ట్‌ను ముఖానికి అప్లై చేసి 20 నిమిషాలపాటు ఆరనివ్వండి. ఆ తర్వత చల్లటి నీళ్లతో శుభ్రం చేసుకోండి. ఇలా తరచుగా చేస్తే.. చర్మానికి తేమ అంది.. మృదువుగా మారుతుంది. (image source - pexels)
మొటిమలు మాయం..
మొటిమలతో బాధపడేవారు.. స్పూన్‌ పసుపు, తేనె, రెండు స్పూన్ల పాలపొడి వేసి పేస్ట్‌లా తయారు చేసుకోండి. ఈ పేస్ట్‌ను ముఖానికి అప్లై చేసి.. 20 నిమిషాలపాటు ఆరనివ్వండి. ఆ తర్వాత గోరువెచ్చని నీటితో ముఖం శుభ్రం చేసుకోండి. ఇలా వారానికి రెండు సార్లు చేస్తే.. మొటిమల సమస్య దూరం అవుతుంది.
జిడ్డు పోవాలంటే..
వేసవికాలం.. చాలామంది జిడ్డు చర్మంతో బాధపడుతుంటారు. జిడ్డు దూరమై, ముఖం తాజాగా మారాలంటే.. స్పూన్‌ ముల్తానీ మట్టి, రెండు స్పూన్ల పాల పొడి, తగినంత గులాబీ నీటిని కలిపి పేస్టులా చేసి ముఖానికి ప్యాక్‌లా అప్లై చేయండి. ఆ తర్వాత గోరు వెచ్చని నీటితో శుభ్రం చేసుకోండి. ఇలా వారానికి రెండు సార్లు చేస్తే.. మంచి రిజల్ట్స్‌ ఉంటాయి.
Also Read: మొటిమలు శాశ్వతంగా దూరం కావాలంటే.. ఈ టిప్స్‌ ఫాలో అవ్వండి..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.