డెడ్‌ సెల్స్‌ తొలగుతాయి..
కాఫీ పొడి చర్మానికి మంచి స్క్రబ్‌గా పనిచేస్తుంది. స్నానం చేసే సమయంలో కాఫీపొడిని నేరుగా చర్మంపై రుద్దుకోండి. ఇలా చేస్తే చర్మంపై ఉన్న మృతకణాలు తొలగుతాయి. స్క్రబింగ్ కోసం కాఫీ గింజలను కూడా వాడొచ్చు. కాఫీ పొడిలో.. చిన్న పలుకుల పంచదార, రోజ్‌ వాటర్‌ వేసి కూడా ముఖాన్ని స్క్రబ్‌ చేసుకోవచ్చు. ఇలా చేస్తే ముఖం తాజాగా మారుతుంది.
ముడతలు మాయం..
కాఫీ పొడిలో యాంటీఏజింగ్‌ గుణాలు మెండుగా ఉంటాయి. మీ ముఖంపై ముడతలను పోగొట్టుకోవాలంటే.. కాఫీ పొడిలో టీట్రీ ఆయిల్, కొన్ని చుక్కల నీరు వేసి పేస్ట్‌లా తయారు చేసుకోండి. ఈ మిశ్రమాన్ని ముఖానికి ప్యాక్‌లా అప్లై చేసుకోండి. ఈ ప్యాక్‌తో చర్మం బిగుతుగా మారడంతో పాటు, చర్మంపై పేరుకున్న డెడ్‌ సెల్స్‌ తొలగుతాయి.
డార్క్‌ సర్కిల్స్‌కు చెక్‌ పెట్టండి..
ఈ రోజుల్లో.. డిజిటల్స్‌ స్క్రీన్స్‌ ఎక్కువగా వాడటం, నిద్రలేమి, బిజీ లైఫ్స్టైల్ కారణంగా.. కంటి కింద డార్క్‌ సర్కిల్స్‌ సమస్యతో ఎక్కువమంది బాధపడుతున్నారు. ఈ సమస్యకు చెక్‌ పెట్టడానికి.. కాఫీ ఎఫెక్టివ్‌గా పని చేస్తుంది. కళ్ల చుట్టూ.. కాఫీ డికాక్షన్‌ను రుద్దితే మంచి రిజల్ట్స్‌ ఉంటాయి. కాఫీలోని విటమిన్‌ 'కె' కళ్లను రిలాక్స్‌ చేస్తాయి. దీనిలో ఉండే కెఫిన్‌ కళ్ల కింద చర్మాన్ని బిగుతుగా, గ్లోగా చేస్తాయి.
ముఖాన్ని మెరిపించండి..
జిడ్డు చర్మం ఉన్నవారు... కాఫీ డికాక్షన్లో కొద్దిగా పెరుగు , శెనగపిండి కలిపి ముఖానికి అప్లై చేసి.. పది నిమిషాల తర్వాత శుభ్రం చేసుకోండి. దీనివల్ల చర్మంపై ఉన్న మృతకణాలు తొలగిపోయి చర్మం బిగుతుగా తయారవుతుంది. పిగ్మెంటేషన్ సమస్య కూడా దూరమవుతుంది.
coffe face pack3
కాఫీకి ఆలివ్ ఆయిల్ ని జోడించి ఆ మిశ్రమంతో ముఖాన్ని శుభ్రపరిస్తే మొటిమల బాధ తగ్గుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.