రెటినోల్ అంటే..
రెటినోల్ చర్మం సంరక్షణకు సహాయపడే విటమిన్‌ A డెరివేటివ్‌. రెటినోల్ చర్మాన్ని మృదువుగా ఉంచుతుంది, చర్మాన్ని రక్షిస్తుంది. రెటినాల్‌ చర్మంలో పేరుకున్న మురికి, వ్యర్థ పదార్థాలు, టాక్సిన్స్‌ను తొలగించి ఆరోగ్యంగా ఉంచుతుంది. రెటినోల్ కొల్లాజెన్‌ ఉత్పత్తిని ప్రేరేపించడంలో కీలక పాత్ర పోషిస్తుంది. సిన్‌ స్పషెలిస్ట్స్‌ తగిన నిష్పత్తిలో రెటినోల్ ఉన్న ఉత్పత్తులను.. చర్మ సంరక్షణకు సూచిస్తూ ఉంటారు.
రెటినోల్ అన్ని రకాల చర్మ సమస్యలకు ఒకే పరిష్కారం అని చెప్పొచ్చు. రెటినోల్‌ను సరైన పద్ధతిలో, సరైన నిష్పత్తిలో చర్మానికి అప్లై చేస్తే అనేక ప్రయోజనాలు పొందవచ్చు. ఇది చర్మంపైను మృతకణాలను, మురికిని తొలగిస్తుంది. రక్తప్రసరణను మెరుగుపరచి, చర్మాన్ని కాంతివంతంగా మారుస్తుంది. స్కిన్ కేర్‌లో రెటినోల్‌ని రెగ్యులర్‌గా ఉపయోగిస్తే.. స్కిన్ టోన్ మెరుగుపడుతుంది. కాలుష్యం, సూర్యకాంతి వల్ల ఏర్పడే డార్క్ స్పాట్‌లను తొలగిస్తుంది. స్కిన్ ఎలాస్టిసిటీని సరిచేసి చర్మాన్ని బిగుతుగా మారుస్తుంది. చర్మాన్ని స్మూత్‌గా మార్చుతుంది. ముడతలు, ఫైన్‌ లైన్లను తొలగిస్తుంది. వద్ధాప్య ఛాయలు త్వరాగా రాకుండా అడ్డుకుంటుంది. ముఖంపై ఉన్న నల్ల మచ్చలు, మొటిమలు, మొటిమల మచ్చలను మాయం చేస్తుంది. రెటినోల్ స్పాట్‌లెస్‌ బ్యూటీని అందిస్తుంది.
ఎవరు వాడొచ్చు..?
రెటినోల్ ఎలాంటి చర్మ సమస్యలకైనా ఉపయోగించవచ్చు. ముఖ్యంగా,
- మొటిమలు ఎక్కువగా ఉన్నవారు,
- చర్మం ముడతలు తొలగించడానికి
- జిడ్డు చర్మం ఉన్నవారు
- పెద్ద రంధ్రాలున్న వ్యక్తులు
- డార్క్ స్పాట్స్ ఎక్కువగా ఉంటే
- హైపర్‌పిగ్మెంటేషన్‌
- యవ్వనంగా కనిపించాలనుకునే వారు
- ప్రతి ఒక్కరూ తమ చర్మ సంరక్షణలో రెటినోల్‌ను ఉపయోగించవచ్చు.
ఎవరు వాడొద్దు..
- గర్భిణీ స్త్రీలు
- పాలిచ్చే తల్లులు
- సున్నితమైన చర్మం ఉన్నవారు
- రెటినాల్‌ సిన్సిటివిటీ ఉన్నవారు.
ఎలా వాడాలి..?
రెటినోల్‌ను నైట్‌ స్కిన్‌కేర్‌లో మాత్రమే ఉపయోగించాలి. సున్నితమైన క్లెన్సర్‌ని ఉపయోగించి మీ ముఖాన్ని బాగా శుభ్రం చేసుకోవాలి. మాయిశ్చరైజర్/ సన్‌స్క్రీన్‌ని యధావిధిగా అప్లై చేయండి. అది ఆరిన తర్వాత.. చిన్న మొత్తంలో రెటినోల్ సీరమ్/ జెల్‌/ క్రీమ్‌ను చర్మానికి అప్లై చేసి.. 5 నిమిషాలు మసాజ్ చేయండి. ఉదయం లేచిన తర్వాత చల్లని నీళ్లతో ముఖం శుభ్రం చేసుకోండి.
Lip Care:అధరాల అందం అదిరేలా.. ఈ టిప్స్‌ ఫాలో అవ్వండి..!
ఈ సైడ్‌ ఎఫెక్ట్స్‌ ఉంటాయి..
రెటినోల్ చాలా తక్కువ మొత్తంలోనే ఉపయోగించాలి. ఇది అధిక మోతాదులో వాడితే.. చర్మం పొడిగా మారుతుంది. రెటినోల్ ఎక్కవగా వాడితే.. చర్మం వేగంగా మృదువుగా మారుతుంది. నీటి శాతం తగ్గడం ప్రారంభమవుతుంది. రెటినోల్‌ను నేరుగా చర్మానికి అప్లై చేయవద్దు. ఇలా చేస్తే వాపు, ఎరుపు వంచి సమస్యలు ఎదురవుతాయి. దీన్ని ఎప్పుడూ మాయిశ్చరైజర్‌తో పాటు వాడాలి. పగటిపూట రెటినోల్ ఉపయోగించవద్దు. సూర్యకాంతి నుంచి వచ్చే అతినీలలోహిత కిరణాలు చర్మంపై అధిక ప్రభావాన్ని చూపుతాయి. కాబట్టి రాత్రిపూట మాత్రమే వాడాలి.
Anti - Aging Foods: మీ వయస్సు తగ్గించే ఆహారాలు ఇవే..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.