మొటిమల మచ్చలు మాయం..
రోజూ కొంచెం బెల్లం తింటే అందులో ఉండే ఐరన్, క్యాల్షియం వల్ల చర్మంలోని మలినాలు, బ్లాక్ హెడ్స్ తొలగిపోయి మొటిమలు ఏర్పడకుండా చేస్తాయి. అర చెంచా బెల్లం పొడిని తీసుకుని అందులో కొద్దిగా రోజ్ వాటర్ కలిపి పేస్ట్‌లా చేయండి. ఈ పేస్ట్‌ను మొటిమల వల్ల ఏర్పడే బ్లాక్ హెడ్స్, మచ్చలపై అప్లై చేసి.. 20 నిమిషాల పాటు ఆరనివ్వండి. ఆ తర్వాత ముఖం శుభ్రం చేసుకోండి. ఇలా చేస్తే బ్లాక్‌హెడ్స్‌, మొటిమల మచ్చలు త్వరగా మాయం అవుతాయి.
ముడతలకు చెక్‌..
బెల్లంలో సెలీనియంతో సహా శక్తివంతమైన మినరల్స్ ఉంటాయి. దీనిలో యాంటీ ఏజింగ్‌ లక్షణాలు ఉన్నాయి. నవ్వుల నూనెలో కొంచెం బెల్లం పొడి, కాస్త అలోవెరా జెల్‌ వేసి పేస్ట్‌లా చేసుకోవాలి. ఈ ముఖానికి అప్లై చేసుకోండి. ఆరిన తర్వతా ముఖాన్ని నీళ్లతో శుభ్రం చేసుకోండి. వారానికి రెండు సార్లు ఈ ప్యాక్‌ వేసుకుంటే.. చర్మంపై ముడతలు, ఫైన్‌ లైన్స్‌ తగ్గి.. యవ్వనంగా కనిపిస్తారు.
చర్మానికి తేమనందిస్తుంది..
క్లెన్సర్‌లా పనిచేస్తుంది..
బెల్లంలో విటమిన్లు, మినరల్స్ పుష్కలంగా ఉంటాయి. ఇది న్యాచురల్‌ క్లెన్సర్‌లా పని చేస్తుంది. చర్మం నుంచి టాక్సిన్స్‌ను బయటకు పంపుతుంది. బెల్లంలోని యాంటీఆక్సిడెంట్లు తేలికపాటి డిటాక్స్‌గా పనిచేస్తాయి. ప్రీ-రాడికల్స్‌తో పోరాడుతాయి. ఇవి చర్మంలోని మలినాలను తొలగిస్తాయి. చర్మానికి రక్తప్రసరణను మెరుగుపరుస్తుంది.
జుట్టు రాలడం తగ్గుతుంది..
ఐరన్ లోపం వల్ల జుట్టు రాలడం పెరుగుతుంది. బెల్లంలో ఐరన్ కంటెంట్ జుట్టు రాలడాన్ని తగ్గిస్తుంది. ఇది శరీరంలో హిమోగ్లోబిన్ స్థాయిని పెంచి.. శరీరంలో రక్త ప్రసరణను మెరుగుపరుస్తుంది. ఇది తలకు కూడా రక్త ప్రసరణను పెంచుతుంది. జుట్టు కుదుళ్లను స్ట్రాంగ్‌ చేస్తుంది. మన డైట్‌లో బెల్లం తరచుగా తీసుకుంటే.. జుట్టు రాలడం తగ్గుతుంది, జుట్టు ఫాస్ట్‌గా పెరుగుతుంది, బెల్లం జుట్టుకు మంచి మెరుపును కూడా ఇస్తుంది.
బెల్లం రెండు టీ స్పీన్లు, ముల్తానీ మట్టి రెండు టేబుల్‌ స్పూన్లు, పెరుగు కొద్దిగా తీసుకుని.. ఈ మూడింటినీ మిక్స్‌ చేసి పేస్ట్‌లా చేయండి. ఈ పేస్ట్‌ మీ తలకు, జుట్టుకు పట్టించండి. 20 నిమిషాలు ఆరనిచ్చి, మైల్డ్‌ షాంపుతో తలను శుభ్రం చేసుకోండి. ఇలా వారానికి ఒక సారి చేస్తే.. మెరిసే జుట్టు పొందవచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.