పింపుల్స్‌ మాయం అవుతాయి..
- తాజా తులసి ఆకులను తినడం వల్ల రక్తం శుద్ధిపడి మొటిమలు క్రమంగా తగ్గుముఖం పడతాయి.
- తులసి, వేప ఆకులను తీసుకుని రాత్రంతా నీటిలో నానబెట్టండి. ఉదయం వీటిని పేస్ట్లా చేసి, దానిలో తేనె కలుపుకుని దాన్ని ముఖానికి అప్లై చేయండి. పావుగంట తర్వాత.. నీరు వెచ్చని నీటితో ముఖాన్ని కడగండి. రోజూ ఈ పేస్టే అప్లై చేస్తే.. ఏడు రోజుల్లో మీకు మొటిమలు తగ్గుముఖం పడతాయి.
- తులసి ఆకుల రసానికి పుదీనా ఆకుల రసం కలిపి ముఖానికి పట్టిస్తే మొటిమల నుంచి ఉపశమనం కలుగుతుంది.
- తులసి ఆకులను నీటిలో ఉడికించి చల్లార్చి ఆ లిక్విడ్‌ను టోనర్‌గా వాడుకోవచ్చు. దీనివల్ల పింపుల్స్‌ తగ్గడమే కాదు ముఖం గ్లో అవుతుంది.
- తులసి పొడిని రోజ్‌వాటర్‌తో కలిపి ముఖానికి పట్టిస్తే.. మొటిమలు దూరం అవుతాయి, ఇతర చర్మ సమస్యలు నయం అవుతాయి.
ముఖం మెరుస్తుంది..
తులసి ఆకులను పేస్ట్లా చేసి. ఒక టీ స్పూన్‌ పేస్ట్‌కు, ఓట్స్‌ పొడి, చిటికెడు పసుపు, ఒక టీ స్పూన్‌ తేనె కలపండి. ఈ మిశ్రమాన్ని 2 నుంచి 3 నిమిషాల పాటు ముఖానికి స్క్రబ్‌ చేయండి. ఆ తర్వాత 15 నిమిషాల పాటు అలాగే ఉంచండి. ఇలా చేస్తే మీ ముఖం గ్లో పెరుగుతంది. వారానికి 3 సార్లు కంటే.. ఎక్కువసార్లు అప్లై చేసుకోవద్దు.
నల్ల మచ్చలు తొలగుతాయి..
- ముఖంపై నల్ల మచ్చలతో చాలా మంది బాధపడుతూ ఉంటారు. నల్ల మచ్చలు తొలగించడానికి తులసి ఎఫెక్టివ్‌గా పనిచేస్తుంది. తులసి పేస్ట్‌, కమల తొక్కల పొడి, శనగ పిండి, ఒక టీస్పూన్ రోజ్ వాటర్, ఒక టీస్పూన్ నిమ్మరసం, ఒక చిటికెపు ఒక గిన్నెలో తీసుకుని కలపండి. ఆ పేస్ట్‌ని నల్ల మచ్చలు ఉన్న ప్రదేశాలలో రాయండి. దీన్ని ముఖంతో పాటు శరీరంలోని ఇతర భాగాలపై కూడా రాసుకోవచ్చు. వారానికి రెండు సార్లు ఇలా చేస్తే.. నల్లమచ్చలు తొలగుతాయి, ముఖంపై గ్లో కూడా పెరుగుతుంది.
- తులసి ఆకుల రసానికి అంతే మోతాదులో నిమ్మరసం కలిపి ముఖానికి పట్టించాలి. అరగంట తరువాత చల్లని నీటితో కడగాలి. ఇలా క్రమం తప్పకుండా రోజుకు ఒకసారి చేయడం వల్ల ముఖంపై ఉన్న నల్లమచ్చలు తగ్గడంతో పాటు చర్మం కాంతివంతంగా మారుతుంది.
స్కిన్‌ టైటెన్‌ అవుతుంది..
తులసి ఆకులు, గుడ్డు తెల్లసొన కలిపి పేస్ట్లా తయారుచేసి 20 నిమిషాలు ముఖానికి పట్టించి కడిగేయాలి. వారానికి ఒకసారి ఇలా చేస్తే చర్మం బిగుతుగా మారి ముఖం కాంతివంతమవుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
టోనర్‌ తయారు చేసుకోవచ్చు..
మీ చర్మాన్ని ఆరోగ్యంగా ఉంచుకోవడానికి తులసి టోనర్‌ని ఉపయోగించవచ్చు. దీన్ని ఇంట్లోనే సులభంగా తయారు చేసుకోవచ్చు. ఒక పాత్రలో నీటిని తీసుకుని అందులో కడిగిన తులసి ఆకులను వేయండి. నీరు మరిగిన తర్వాత, సుమారు 5 నిమిషాలు సిమ్ మీద మరిగించండి. చల్లారిన తర్వాత దాన్ని ఫిల్లర్‌ చేసి.. స్ప్రే బాటిల్లో వేసుకోండి. ఇది న్యాచురల్‌ టోనర్‌లా పనిచేస్తుంది. ఇది మీరు రోజూ వాడుకోవచ్చు.