హెయిర్ సీరమ్..
గ్రీన్ టీ..
ఆరోగ్యాన్ని కాపాడడమే కాదు.. గ్రీన్‌టీని జుట్టు ఆరోగ్యాన్నిపెంచేందుకు కూడా వాడొచ్చు. గ్రీన్ టీలోని యాంటీ ఆక్సిడెంట్స్ జుట్టు ఆరోగ్యాన్ని పెంచుతాయి. ఇందుకోసం గ్రీన్ టీని తల, జుట్టుపై అప్లై చేయాలి. దీని వల్ల జుట్టు బలంగా తయారవుతాయి. గ్రీన్ టీలోని పెథనాల్, విటమిన్ బి ఇన్ఫెక్షన్స్‌ని దూరం చేసి బలంగా పెరిగేలా చేస్తాయి. ఇందుకోసం గ్రీన్ టీని డైరెక్ట్‌గా జుట్టుకి అప్లై చేయొచ్చు.
పెరుగు..
ఇంట్లో ఉండే పదార్థాలల్లో పెరుగు కూడా ఒకటి. ప్రతి వంటగదిలో ఉండే ఈ పెరుని జుట్టు ఆరోగ్యాన్ని కాపాడేందుకు వాడొచ్చు. ఇందులో కాల్షియం ఎక్కువగా ఉంటుంది. విటమిన్స్ బి5, డి, జింక్, మెగ్నీషియం, పొటాషియం వంటి ఖనిజాలు, ఫ్యాటీ యాసిడ్స్, ప్రోటీన్స్ కూడా జుట్టుని ఆరోగ్యంగా చేస్తాయి.
ప్రోబయోటిక్స్ పుష్కలంగా ఉండే పెరుగు జుట్టుకి సంబధించిన చాలా సమస్యల్ని దూరం చేస్తుంది. పొడిగా ఉన్న జుట్టుని నిగనిగలాడేలా చేసేందుకు పెరుగులోని ప్రోబయోటిక్స్ హెల్ప్ చేస్తాయి. అందుకోసం పెరుగుని తేనెతో కలిపి ఆ మిశ్రమాన్ని జుట్టుకి అప్లై చేసి 30 నిమిషాల తర్వాత కడిగేయాలి.
Also Read: Ghee for Beauty : నెయ్యిని ఇలా వాడితే మీ ముఖం, జుట్టు మెరవడం పక్కా..
అలోవేరా..
అలోవేరా కూడా జుట్టుని హెల్దీగా చేసే మరో పదార్థం. దీనిని వాడడం వల్ల జుట్టు పెరుగుదల సరిగ్గా ఉంటుంది. ఇందులోని ఎంజైమ్స్ జుట్టు పెరుగుదలకి హెల్ప్ చేస్తుంది. అలోవెరా జెల్‌ని తలకు అప్లై చేసి 30 నిమిషాల తర్వాత క్లీన్ చేస్తే జుట్టు ఆరోగ్యంగా పఉంటుంది. కొబ్బరినూనె, తేనె వంటి పదార్థాలతో కలిపిన అలోవేరా జెల్ జుట్టుకి అదనపు పోషణని అందిస్తుంది. ఏవైనా ప్యాక్స్‌లో అలోవెరా జెల్‌ని కలిపి అప్లై చేయొచ్చు.
Also Read: Lipstick : లిక్విడ్ లిప్‌స్టిక్ వాడాలనుకుంటున్నారా.. ఇలా చేయండి..
గుడ్డు..
జుట్టు ఆరోగ్యంగా ఉండాలంటే ప్రోటీన్స్, విటమిన్స్ ఉన్న ఫుడ్స్ తీసుకోవాలి. ఇందులో భాగంగా గుడ్డుని తీసుకుంటే జుట్టు ఒత్తుగా పొడుగ్గా పెరుగుతుంది. గుడ్డులోని ప్రోటీన్, బయోటిన్ జుట్టుని ఆరోగ్యంగా, అందంగా పెంచుతుంది. అంతేకాకుండా, స్కాల్ప్‌ని ఆరోగ్యంగా చేస్తుంది. స్కాల్ప్‌పై ఉన్న సహజనూనెని కంట్రోల్ చేసి జుట్టు చిట్లడాన్ని తగ్గించేందుకు గుడ్డు బాగా పనిచేస్తుంది. ఇందుకోసం ఓ గుడ్డులో స్పూన్ ఆలివ్ ఆయిల్ మిక్స్ చేసి తలకి అప్లై చేయండి. 30 నిమిషాల తర్వాత క్లీన్ చేసుకోండి.
ఇది గుర్తుపెట్టుకోండి..
ఇక్కడ ఓ విషయాన్ని గుర్తుపెట్టుకోవాలి. కొన్ని పదార్థాలు కొంతమందికి పడితే.. మరికొంతమందికి పడవు. అందుకే, వీటిని అప్లై చేసే ముందు కచ్చితంగా ప్యాచ్ టెస్ట్ చేయాలని గుర్తుపెట్టుకోండి.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Beauty News and Telugu News