గ్రీన్‌ టీతో అందమైన కనురెప్పలు పొందండి..
మీ కనురెప్పలు ఒత్తుగా, అందంగా మార్చడానికి గ్రీన్‌ టీ సహాయపడుతుంది. గ్రీన్‌ టీలోని ఫ్లేవనాయిడ్స్ కనురెప్పలు ఒత్తుగా పెరిగేలా సహాయపడతాయి. వేడి నీటిలో గ్రీన్‌టీ బ్యాగ్‌ ముంచి.. అవి చల్లారిన తర్వాత, టీ బ్యాగ్‌ను నీటిలో నుంచి బయటకు తీయండి. ఈ నీటిలో దూది ముంచి.. దాన్ని బాగా పిండాలి. ఈ దూదితో.. కనురెప్పలపై రాయాలి. 10 నిమిషాల తర్వాత.. చల్లటి నీళ్లతో శుభ్రం చేసుకోండి. ఇలా రోజుకు రెండు సార్లు చేస్తే.. కొన్ని నెలల తర్వాత మంచి రిజల్ట్స్‌ కనిపిస్తాయి. ఈ టిప్‌ ఫాలో అయ్యేప్పుడు.. గ్రీన్‌ టీ కంటిలోకి వెళ్లకుండా జాగ్రత్త పడండి.
కొబ్బరి పాలతో..
కొబ్బరిపాలలోని ఫ్యాట్స్‌, ప్రొటీన్లు, లారిక్ ఆమ్లం, విటమిన్ ఇ, ఐరన్ ఐలాషెస్‌ ఒత్తుగా పెరిగేలా సహాయపడతాయి. మీకు అందమైన, ఒత్తైన కనురెప్పలు కావాలంటే.. కొబ్బరి పాలలో దూదిని ముంచి.. రెప్పలపై రాయండి. పది నిమిషాల పాటు ఆరనివ్వండి. ఇలా రోజూ చేస్తే మంచి రిజల్ట్స్‌ వస్తాయి.
అముదంతో..
మీకు ఒత్తైన కనురెప్పలు కావాలంటే.. ఆముదం అద్భుతంగా పని చేస్తుంది. మీరు నిద్రపోయే ముందు అముదంలో దూదిని ముంచి నిద్రపోయే ముందు కనురెప్పలకు రాసుకోవాలి. ఆ తర్వత రోజు ఉదయం.. గోరువెచ్చని నీటితో కళ్లు శుభ్రం చేసుకోండి. ఇలా రోజూ చేస్తే.. మీ కనురెప్పులు ఒత్తుగా పెరుగుతాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.