టు లేయర్డ్ లెహంగాలు..
ఈ లెహంగాలు చూడ్డానికి ఎంతో బావుంటాయి. పొడుగ్గా ఉన్నవారికి మరింత బావుంటాయి. ఇవి అనేక ప్యాటర్న్స్లో వస్తున్నాయి. అదే విధంగా డిఫరెంట్ కలర్స్లో చూడ్డానికి ఎంతో అందంగా ఉంటున్నాయి. కొన్ని ఒకే ఫ్యాబ్రిక్తో రెడీ అవుతుంటే.. మరి కొన్ని వేర్వేరు మెటీరియల్తో డిజైన్ చేసిన లెహంగాలు మగువల మనసు దోచేందుకు సిద్ధంగా ఉన్నాయి. ఇవన్నీ కూడా వేటికవే భిన్నంగా ఎంతో అందంగా తయారయ్యాయి. మరి వాటిని మీరూ ట్రై చేయండి. మెరిసిపోండి. ట్విన్ లేయర్డ్ లెహంగాలుగా పేరున్న ఇవి ఎలాంటి అకేషన్స్లోనైనా అందంగా ఉండడమే కాకుండా అందరినీ ఆకర్షిస్తాయి.
అన్ని సమయాల్లోనూ అందంగా..
ఈ డబుల్ లేయర్డ్ లెహంగాలు ఎక్కువ పార్టీలు, ఫంక్షన్స్ల్లో ఎంతో బావుంటాయి. చూడ్డానికి క్యాజువల్గా కనిపించిన ఫుల్లీ కలర్ఫుల్గా ఉంటాయి. దీనిని డబుల్ గ్లామర్ అని పేరు తెచ్చుకున్న ఈ డ్రెస్సెస్ అందరినీ తెగ అట్రాక్ట్ చేస్తున్నాయి. ఇండియన్ ఫేమస్ డిజైనర్ మనీష్ మల్హోత్రా ఈ ఏడాది వెడ్డింగ్ సీజన్లో భాగంగా డబుల్ లేయర్డ్ లెహంగాలను డిజైన్ చేశారు. అప్పట్నుంచీ ఎంతోమంది నుంచి మంచి కాంప్లీమెంట్స్ని అందుకున్నాయి. ఎక్కువగా వెడ్డింగ్ సమయాల్లో వధువు నలుగురిలో వెలిగిపోవడానికి గ్రాండ్ ఎంబ్రాయిడరీతో పాటు ట్విన్ లేయర్డ్ కూడా మెయిన్ రీజన్ అంటున్నారు డిజైనర్ మనీష్ మల్హోత్రా.
ఫ్లేయర్ లెహంగా..
ఫ్లెయర్ లెహంగా.. దీని గురించి మన భాషలో చెప్పుకోవాలంటే కుచ్చుల లెహంగా. ఎన్నో కుచ్చులతో ఉండే ఈ లెహంగా.. పెద్ద ఫ్లెయర్తో మగువల మనసు దోచేస్తుంది. వీటిని ఎక్కువగా నార్త్ ఇండియాల్లో దాండియా వేడుకల్లో ఉంటుంది. ఇప్పుడు ఇవి కూడా మరింతగా ట్రెండ్ అవుతున్నాయి. ఈ డిజైన్కి ఇప్పుడు సౌత్ ఇండియా టచ్ ఇచ్చి సరికొత్తగా మార్కెట్లోకి విడుదల చేశారు డిజైనర్స్. దీంతో ఈ ట్రెండీ వేర్ కూడా అమ్మాయిల మనసులను దోచేస్తున్నాయి. లెహంగా పార్ట్ని తక్కువ కొలత తీసుకుని దాని అంచు దగ్గర పొరగా కుచ్చుల భాగాన్ని జత చేస్తే ఈ సూపర్ ట్రెండీ లెహంగా రెడీ అవుతుంది.
లాంగ్ జాకెట్ లెహంగా..
ఇదే లెహంగాని మరింత మోడ్రన్గా మార్చాలంటే దీనికి లాంగ్ జాకెట్ ప్రిఫర్ చేస్తే సరి.. ఎంబ్రాయిడరీ చోలీ దీనికి మరింత అందాన్ని తీసుకొస్తుంది.. ఇవే బాగా పాపులర్ అయ్యాయి కాబట్టి.. వీటిని రకరకాల ఫ్యాబ్రిక్స్తో తయారు చేస్తున్నారు. కాటన్, సిల్క్, నెట్టెడ్ ఇలా ఏ ఫ్యాబ్రిక్ అయిన సరే ఆ డ్రెస్కే మరింత అందాన్ని తీసుకొస్తుంది. కాబట్టి వీటిని మీరూ ట్రై చేయొచ్చు.