పసుపు..
పసుపును ఫేస్ ప్యాక్స్‌లో ఎక్కువగా వాడుతూ ఉంటారు. పసుపులో యాంటీ ఎలర్జిక్, యాంటీ బ్యాక్టీరియల్, యాంటీ ఫంగల్, యాంటీ సెప్టిక్, యాంటీ మైక్రోబియల్, యాంటీ ప్యారసైటిక్ గుణాలు ఉంటాయి. ఇవి చర్మ సమస్యలను దూరం చేస్తాయి, చర్మాన్ని ఆరోగ్యంగా ఉంచుతాయి. అయితే.. కొంతమందికి పసుపు కారణంగా వాపు, చికాకు, దద్దుర్లు వచ్చే అవకాశం ఉంది. కాబట్టి.. పసుపును మీ బ్యూటీ కేర్‌లో యాడ్‌ చేసుకునే ముందు కచ్చితంగా ప్యాచ్‌ టెస్ట్‌ చేసుకోండి. (image source - pixabay)
కలబంద..
కలబందను సౌందర్య సాధనాల్లో ఎక్కువగా ఉపయోగిస్తారు. కలబందలోని ఔషధ గుణాలు చర్మానికి తేమనందిస్తాయి, డెడ్‌ స్కిన్ సెల్స్‌ తొలగిస్తాయి, మొటిమలు, సన్ బర్న్‌, టాన్ సమస్యను దూరం చేస్తాయి. అయితే, కొంతమందికి కలబంద వాడటం వల్ల చర్మంపై దద్దుర్లు, కంటి కింద ఎర్రగా మారడం, చికాకు వంటి సమస్యలు ఎదురవుతాయి. కలబందను మీ బ్యూటీ ప్యాక్స్‌లో వాడే ముందు.. ఒకసారి ప్యాచ్‌ టెస్ట్‌ చేయండి.
కాంతివంతమైన స్కిన్ కోసం కలబంద ఫేస్ మాస్క్
యాక్టివేటెడ్‌ చార్‌కోల్‌..
యాక్టివేటెడ్‌ చార్‌కోల్‌ చర్మం పొరల్లోకి లోతుగా వెళ్లి.. లోపల పేరుకున్న దుమ్ము, దూళిని తొలగిస్తుంది. బ్లాక్ హెడ్స్, వైట్ హెడ్స్ తొలగించడానికి సహాయపడుతుంది. ఓపెన్‌ పోర్స్‌ సమస్యను తగ్గిస్తుంది. యాక్టివేటెడ్‌ చార్‌కోల్‌ చర్మంలో నుంచి నూనె, తేమను తొలగిస్తుంది.. దీని కారణంగా చికాకు కలగవచ్చు. ఇది ఫేస్ ప్యాక్స్‌లో వాడటం మంచిదే కానీ.. ఎక్కువగా వాడొద్దు. వారానికి ఒకటి, రెండుసార్లు బ్యూటీ కేర్‌లో యాడ్‌ చేసుకుంటే చాలు. దీని తరచుగా వాడటం వల్ల చర్మం పొడిబారుతుంది.
చందనం..
చందనంలో యాంటీ ఇన్ఫ్లమేటరీ, యాంటీమైక్రోబయల్, యాంటీప్రొలిఫెరేటివ్, యాంటీవైరల్, యాంటీ బ్యాక్టీరియల్ గుణాలు మెండుగా ఉంటాయి. గంధం చర్మాన్ని మృదువుగా మారుస్తుంది. సన్ టాన్, పిగ్మెంటేషన్‌ను తొలగిస్తుంది. ముఖంపై ముడతలు, గీతలు తొలగిస్తుంది. అయితే, సెన్సిటివ్‌ స్కిన్ ఉన్నవారికి గంధం వాడితే చికాకు పెట్టవచ్చు. దీన్ని వాడే ముందు ప్యాచ్‌ చేసుకోండి.
గంధంతో.. మీ అందానికి మెరుగులు పెట్టండిలా..!
పంచదార..
చాలా మంది స్క్రబ్బింగ్‌కు పంచదార వాడుతూ ఉంటారు. చక్కెరతో ఎక్కువగా స్క్రబ్బింగ్‌ చేస్తే.. కొల్లాజెన్, ఎలాస్టిన్ అనే ప్రొటీన్‌లు విచ్ఛిన్నమవుతాయి. ఇవి చర్మం ఆకృతిని మారుస్తాయి, దృఢత్వాన్ని ఇస్తాయి. దీని కారణంగా వృద్ధాప్య ఛాయలు త్వరగా వస్తాయి. మీరు చక్కెరతో స్క్రబ్బింగ్‌ చేసేప్పుడు సున్నితంగా చేయాలి. ఇలా చేస్తే మంచి రిజల్ట్స్‌ ఉంటాయి.
షుగర్‌ లెవల్స్‌ అమాంతంగా పడిపోతే.. ఏమి చేయాలి..?
నిమ్మరసం..
విటమిన్ సి సమృద్ధిగా ఉండే నిమ్మతో చర్మ సౌందర్యం మెరుగుపర్చుకోవచ్చు. అయితే, చర్మం pH లెవల్స్‌ను మారుస్తుంది. నిమ్మరసం వల్ల చర్మం చికాకు, , హైపర్‌పిగ్మెంటేషన్, UV సెన్సిటివిటీకి కారణమవుతుంది. (image source - pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.