ఈ జాగ్రత్తలు పాటిస్తే జుట్టు రాలడం తగ్గడమే కాదు.. ఒత్తుగా పెరుగుతుంది..

తలస్నానం రోజూ చేయడం జుట్టు ఆరోగ్యానికి మేలు చేస్తుందనుకుంటారు చాలా మంది. కానీ, అందులో ఏ మాత్రం నిజం లేదు. దీని వల్ల జుట్టులోని సహజ నూనెలు తగ్గి జుట్టు పొడిబారుతుంది. కాబట్టి, వారానికి రెండు మూడ్రోజులు చేయడం మంచిది.

అదే విధంగా, షాంపూని ఎక్కువసార్లు, ఎక్కువపరిమాణంలో వాడొద్దు. కేవలం తలకి మురికి పట్టిందనుకున్నప్పుడు, తలకి నూనె రాసినప్పుడు మాత్రమే వాడాలి. అదీ కూడా తక్కువ పరిమాణంలో దీని వల్ల డ్రైనెస్ తగ్గుతుంది. జుట్టుకి మంచి షైన్, వాల్యూమ్‌ని ఇస్తుంది. షాంపూ వాడాక కండీషనర్ వాడడం మరిచిపోవద్దు.
​Also Read : కేవలం రెండే పదార్థాలతో తెల్లజుట్టుని నల్లగా మార్చండిలా..​

జుట్టు ఆరోగ్యంగా ఉండాలంటే మంచి ఫుడ్ తీసుకోవాలి. మరీ ముఖ్యంగా, ప్రోటీన్ ఐరన్ తీసుకోవాలి. అదే విధంగా బయోటిన్ జుట్టుని ఆరోగ్యంగా చేస్తుంది. గుడ్లు, నట్స్, చేపలు తినడం వల్ల జుట్టు పెరుగుతుంది. ఇవన్నీ జుట్టుని పొడుగ్గా పెంచే ఫుడ్స్.
​Also Read : కొబ్బరిపాలలో వీటిని మిక్స్ చేసి అప్లై చేస్తే జుట్టు పొడుగ్గా పెరుగుతుంది..​

అదే విధంగా ఎక్కువగా నూనె రాయడం కూడా మంచిది కాదు. తలస్నానం చేసే ముందు హెయిర్ ఆయిల్ వాడండి. అంతేకానీ, తలపై ఎప్పుడు నూనె ఉంటే చుండ్రు వంటి సమస్యలొస్తాయని గుర్తుపెట్టుకోండి.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More : Beauty News and Telugu News