యోగా చేస్తే ఆస్తమా తగ్గుతుందా.. నిపుణులు ఏం చెబుతున్నారంటే..

ఆస్తమా అనేది ప్రపంచవ్యాప్తంగా 300 మిలియన్ల ప్రజలను ప్రభావితం చేసిన ఓ వ్యాధిగా అందరికీ తెలుసు. ఈ వ్యాధి సాధారణ లక్షణాలు శ్వాసలో లోపాలు, దగ్గు, ఛాతీ ఇబ్బందిగా మారడం, శ్వాస సరిగ్గా ఆడకపోవడం.

"యోగా అనేది ఆస్తమా సమస్యకు పరిష్కారంగా, దాని లక్షణాలలో కనీస మెరుగుదలకు దారితీస్తుందని మా పరిశోధనలు సూచించాయి" అని చైనీస్ హాంకాంగ్ యూనివర్శిటీకి చెందిన ప్రధాన రచయిత జుయావో యాంగ్ అన్నారు.

Also Read : ఈ టీ తాగితే చాలు.. ఎంత బరువున్నా ఈజీగా తగ్గుతారు..

కోక్రాన్ డేటాబేస్ ఆఫ్ సిస్టమాటిక్ రివ్యూస్ లో ప్రచురించబడిన ఈ అధ్యయనంలో 15 క్రమంలేని కంట్రోల్డ్ ట్రయల్స్ ఉన్నాయి. ఇందులో 1,048 మంది పాల్గొన్నారు. అధిక శాతం ట్రయల్స్ భారతదేశంలోనే జరిగాయి, ఆ తరువాత వరుసలో యూరప్, యుఎస్ ఉన్నాయి. మనదేశంలోనే ఎక్కువ ట్రయల్స్ జరగడానికి కారణం, దేశంలో యోగా చేసే వారి సంఖ్య ఎక్కువ కాబట్టి.

Also Read : పాలకూర తింటే కాన్సర్ రాదా..

ఈ ట్రైల్స్ లో పాల్గొన్న వారిలో అధికంగా ఆరు నెలల నుండి 23 సంవత్సరాల కన్నా ఎక్కువ కాలం ఈ ఆస్థమా సమస్యతో బాధపడేవారు ఉన్నారు. ఈ అధ్యయనాలలో, ఆరు అధ్యయనాలు, యోగా సమయంలో ఒంటరిగా శ్వాస తీసుకోవడం మీద ప్రభావాలను పరిశీలించగా, ఇతర అధ్యయనాలు యోగా ప్రభావాలను అంచనా వేసింది. ఈ ఇతర అధ్యయనాలలో శ్వాస, భంగిమ, ధ్యానం వంటి అంశాలు ఉన్నాయి.

అనేక మంది ప్రజలు అధ్యయనాలలో పాల్గొనే సమయంలో వారు తరచుగా వేసుకునే మందులను కూడా వాడారు. ఈ అధ్యయనాలు రెండు వారాల నుండి నాలుగు సంవత్సరాలకుపైగా జరిగాయి. యోగా ప్రజల జీవన నాణ్యతను మెరుగుపరచడమే కాకుండా, ఉబ్బసం సమస్యని తగ్గిస్తుందని ఐదు అధ్యయనాలు చెబుతున్నాయి. దీంతో పరిశోధకులు నాణ్యతా ప్రమాణాలతో కూడిన కొన్ని ఆధారాలను కూడా చూపెట్టారు.

Also Read : ఇంట్లోనే అన్‌వాంటెడ్ హెయిర్‌ని తొలగించుకోండిలా..

"అయితే, యోగా ఊపిరితిత్తుల పనితీరుపై స్థిరమైన ప్రభావాన్ని చూపుతుందా లేదా అనేది స్పష్టంగా తెలియదు. యోగా ఆస్తమా ఔషధ వినియోగాన్ని తగ్గించగలదా, లేదా ఉబ్బసం ఉన్నవారికి యోగాతో కూడిన దుష్ప్రభావాలు ఉన్నాయా అనే విషయాల గురించి తెలుసుకోవాలి" అని పరిశోధకుడు యాంగ్ చెబుతున్నారు

సో.. ఆస్తమాతో బాధపడేవారు హ్యాపీగా యోగా చేయండి.. సమస్యని దూరం చేసుకోండి..