Exercise To lower cholesterol:రోజూ 30 నిమిషాల పాటు ఈ వర్కవుట్స్‌ చేస్తే.. కొలెస్ట్రాల్‌ కరుగుతుంది..!

రోజూ 30 నిమిషాల పాటు జాగింగ్, రన్నింగ్‌ చేస్తే.. రక్తంలోని కొలెస్ట్రాల్‌ కరుగుతుంది. మీకు రన్నింగ్‌ చేయండం ఇష్టం లేకపోతే.. రోజూ కొన్ని మైళ్లు నడిచినా.. కొలెస్ట్రాల్‌ను సులభంగా తగ్గించుకోవచ్చు. రన్నింగ్‌, జాగింగ్‌ చేస్తే.. మీ బ్లడ్‌ ప్రెజర్‌ కూడా కంట్రోల్‌లో ఉంటుంది. (image source - pixabay)

బరువు తగ్గడానికి చాలామంది ఎంచుకునే వ్యాయామం స్విమ్మింగ్‌. స్విమ్మింగ్ ఆహ్లాదకరమైన వ్యాయామం. ఇది ఏరోబిక్‌ ఎక్సఅర్‌సైజ్‌లలో ఒకటి. స్విమ్మింగ్‌ కొలెస్ట్రాల్‌ను కరిగించడానికి ఎఫెక్టివ్‌గా ఉంటుందని నిపుణులు చెబుతున్నారు. రోజూ ఈత కొడితే.. కొలెస్ట్రాల్‌ కరగడంతో పాటు.. బరువు తగ్గుతారని అధ్యయనాలు స్పష్టం చేస్తున్నాయి. (image source - pixabay)

Also Read: కొలెస్ట్రాల్‌ కరగాలంటే.. ఈ 5 ఫుడ్స్‌ తినండి..!​

వారంలో మూడుసార్లైనా సైకిల్‌ తొక్కితే.. కొలెస్ట్రాల్‌, రక్తపోటు అదుపులో ఉంటాయి. ఇలా చేయడం వల్ల ఒత్తిడి కూడా అదుపులో ఉంటుంది. సైకిలు తొక్కినప్పుడు మెదడు నుంచి న్యూరోట్రాన్స్‌మీటర్లు విడుదలవుతాయి. ఇవి జీవక్రియల పనితీరును మెరుగుపరుస్తాయి. ఓ గంట సైకిలు తొక్కితే కనీసం 300 కెలొరీలు ఖర్చవుతాయి. (image source - pixabay)

మీరు కార్డియో ఎక్సఅర్‌సైజ్‌లు ఇష్టం లేకపోతే.. కొలెస్ట్రాల్‌ను కరిగించడానికి యోగా బెస్ట్‌ ఆప్షన్‌. యోగా శారీరక, మానసిక ఆరోగ్యాన్ని మెరుగుపరుస్తుంది. హృదయనాళాల పనితీరును మెరుగుపరుస్తుంది, హృదయ స్పందన రేటును సక్రమంగా ఉంచుతుంది. యోగా ఒత్తిడిని కూడా దూరం చేస్తుంది.

Also read: వేసవిలో ఈ 5 ఫుడ్స్‌ తింటే.. కొలెస్ట్రాల్‌ కరుగుతుంది..!

వారంలో రెండు మూడు సార్లు కాస్త కష్టమైన వ్యాయామాలను ప్రయత్నించండి. వారంలో 3 నుంచి 5 రోజులు బరువులు ఎత్తే వర్కవుట్లను చేస్తే... కొలెస్ట్రాల్‌ స్థాయిలు కంట్రోల్‌లో ఉంటాయి.

(image source - pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.