పరిశోధకులు ఏం చెబుతున్నారంటే..
ఉదయాన్నే వర్కౌట్ చేయడం వల్ల క్యాన్సర్ వచ్చే అవకాశం తక్కువగా ఉంటుందని నిపుణులు చెబుతున్నారు. నైట్ షిఫ్ట్ వర్క్ చేసేవారు, రాత్రుళ్ళు లేట్‌గా డిన్నర్ చేసేవారు, సరైన లైఫ్‌స్టైల్ లేని వారు క్యాన్సర్ బారిన పడే అవకాశం ఉందని చెబుతున్నారు పరిశోధకులు.
క్యాన్సర్ గురించి కొన్ని నిజాలు..
రెగ్యులర్ వర్కౌట్‌తో..
ఓ వ్యక్తి రెగ్యులర్‌గా వర్కౌట్ చేస్తుంటే క్యాన్సర్ రిస్క్ తగ్గుతుందని చాలా అధ్యయనాలు చెబుతున్నాయి. అందుకే రెగ్యులర్ వర్కౌట్ చేయాలని చెబుతున్నారు నిపుణులు.
అండాశయ క్యాన్సర్..
మహిళలకి వచ్చే క్యాన్సర్‌లో అండాశయ క్యాన్సర్ కూడా ఒకటి. రెగ్యులర్‌గా వర్కౌట్ చేస్తే ఈ క్యాన్సర్ నుండి కూడా బయటపడొచ్చు. వర్కౌట్ అసలే చేయని వారిలో ఈ క్యాన్సర్ వస్తుందని డాక్టర్స్ చెబుతున్నారు.
లంగ్ క్యాన్సర్..
రెగ్యులర్ వర్కౌట్‌తో కంట్రోల్ చేసే మరో క్యాన్సర్ ఇది.
ఎక్కువగా పొగత్రాగేవారిలో ఈ క్యాన్సర్ వస్తుంది. తక్కువ వర్కౌట్, అసలు వర్కౌట్ చేయని వారికి ఈ సమస్య వచ్చే రిస్క్ ఎక్కువగా ఉంటుంది.
ప్రేగు క్యాన్సర్..
ఈ క్యాన్సర్ లక్షణాలని ముందుగానే గుర్తిస్తే సమస్యని త్వరగా దూరం చేయొచ్చు. కానీ, కొన్నిసార్లు లక్షణాలు తెలియకుండానే సమస్య పెరుగుతుంది. ఆహారం, వర్కౌట్ ద్వారా దీనిని ఈజీగా తగ్గించుకోవచ్చు.
Also Read : Belly Fat : బెల్లీ తగ్గాలంటే ఉదయం, రాత్రి ఈ డ్రింక్స్ తాగండి చాలు..
ఎండోమెట్రియల్ క్యాన్సర్..
ఆడవారు వారానికి 150 నిమిషాలు, అంతకంటే ఎక్కువసేపు వర్కౌట్ చేస్తే ఎండోమెట్రియల్ క్యాన్సర్‌ని దూరం చేసుకోవచ్చని చెబుతున్నారు నిపుణులు. గర్భాశయం అంచు నుంచి వచ్చే ఈ సమస్య ఊబకాయం కారణంగా పెరుగుతుందని చెబుతున్నారు.
క్యాన్సర్ ముప్పు తగ్గడం..
అవును.. మార్నింగ్ వర్కౌట్ చేయడం వల్ల ఈ ప్రాణాంతక క్యాన్సర్ల ముప్పు తగ్గుతుందని ఆరోగ్య నిపుణులు చెబుతున్నారు.
మధ్యాహ్నం, సాయంత్రం వర్కౌట్ చేయకపోతే రాత్రి ఉత్పత్తి చేయాల్సిన మెలటోనిన్ హార్మోన్ రిలీజ్ అవ్వదు.
ఉదయాన్నే 8 నుంచి 10 మధ్యలో వర్కౌట్ చేయడం వల్ల ఈ సమస్య దూరమవుతుంది.
బ్రెస్ట్, ప్రొస్టేట్ క్యాన్సర్..
ఇంటర్నేషనల్ జర్నల్ ఆఫ్ క్యాన్సర్‌లో ప్రచురించిన నివేదిక ప్రకారం రెగ్యులర్‌గా వర్కౌట్ చేయకపోతే రొమ్ము, ప్రొస్టేట్ క్యాన్సర్ అవకాశం పెరుగుతుంది. కాబట్టి రెగ్యులర్‌గా వర్కౌట్ చేయాలి.
Also Read : Weight loss story : ఈ రెండు చేంజ్ చేసి 159 కిలోల బరువు తగ్గాడు.. ఎలానో తెలుసా..
రోజుకి రెండుసార్లు..
రెగ్యులర్‌గా వర్కౌట్ చేయడం వల్ల గ్యాస్ట్రిక్ సమస్యలని దూరం చేసుకోవచ్చు. యూరోపియన్ జర్నల్ ఆఫ్ క్యాన్సర్‌లో జరిపిన పరిశోధన ప్రకారం వారానికి మూడు సార్లు వర్కౌట్ చేసేవారికి క్యాన్సర్ రిస్క్ 20 నుంచి 40 శాతం వరకూ తగ్గుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More :Fitness Newsand Telugu News