వ్యాయామం కంటే ఆరోగ్యకరమైన ఆహారం బరువు తగ్గించడంలో పెద్ద పాత్ర పోషిస్తుందని నిపుణులు భావిస్తున్నారు. మీరు త్వరగా బరువు తగ్గాలనుకుంటే.. ప్రోటీన్, ఫైబర్, తక్కువ కేలరీలు ఉన్న ఆహారాన్ని ఎక్కువగా తీసుకోవాలి. మీ బరువు తగ్గించడానికి.. పప్పుధాన్యాలు ఎంతగానో సహాయపడతాయని నిపుణులు చెబుతున్నారు. పప్పుధాన్యాలలో.. కేలరీలు తక్కువగా ఉంటాయి, ప్రొటీన్లు అధికంగా ఉంటాయి. ప్రముఖ పోషకాహార నిపుణురాలు, డైటీషియన్‌, ఫ్యాట్‌ టూ స్లిమ్‌ డైరెక్టర్‌ శిఖా అగర్వాల్‌ శర్మ బరువు తగ్గడానికి మీ రోజువారీ ఆహారంలో చేర్చుకోవలసి పప్పుల గురించి వివరించారు.
రాజ్మా..
రాజ్మా కర్రీ అంటే చాలా మంది ఇష్టపడుతూ ఉంటారు. బరువు తగ్గాలనుకునేవారికి.. రాజ్మా బెస్ట్‌ డైట్‌ ఆప్షన్‌ అని నిపుణులు చెబుతున్నారు. దీనిలో ప్రొటీన్, ఫైబర్ పుష్కలంగా ఉంటాయి. రాజ్మాలో గ్లైసెమిక్‌ ఇండెక్స్‌ కూడా తక్కువగా ఉంటుంది. ఇది గుండెను ఆరోగ్యంగా ఉంచడంలో, రక్తంలో చక్కెర స్థాయిలను నియంత్రించడంలో కూడా సహాయపడుతుంది.
శనగలు..
శనగలలో ప్రోటీన్, విటమిన్లు, కాల్షియం, పొటాషియం, మెగ్నీషియం వంటి పోషకాలు మెండుగా ఉంటాయి. ఈ పోషకాలన్నీ.. ఆరోగ్యకరమైన, బలమైన జీర్ణక్రియను ప్రోత్సహిస్తాయి. అలాగే ఎముకలను దృఢంగా మారుస్తాయి. శనగలలో ఫైబర్, ప్రొటీన్ అధికంగా ఉంటాయి. ఇవి మీరు బరువు తగ్గడానికి సహాయపడతాయి.
ఉడకబెట్టిన వేరుశనగలు ఆరోగ్యానికి మంచివేనా?
కందిపప్పు..
కందిపప్పులలో ప్రొటీన్, ఫైబర్ మెండుగా ఉంటాయి. మీ రోజువారీ ఫైబర్ అవసరాలలో 32 శాతం దీనినుంచి అందుతాయి. ఫైబర్ కారణంగా మీ కడుపు నిండుగా ఉన్న అనుభూతి ఉంటుంది. మీరు చిరుతిళ్లు ఎక్కువగా తీసుకోకుండా.. కంట్రోల్‌లో ఉంచుతుంది. కంది పప్పులో బీ కాంప్లెక్స్, ఫాస్ఫరస్, మెగ్నీషియం, పొటాషియం, మెగ్నీషియం వంటి పోషకాలు మెండుగా ఉంటాయి. కంది పప్పు మీ డైట్‌లో చేర్చుకుంటే.. బరువు తగ్గడమే కాదు గుండె జబ్బులు, స్ట్రోక్, మధుమేహం వచ్చే ప్రమాదం తగ్గుతుంది.
(Image sources- pixabay)
పెసరపప్పు..
పెసరపప్పు చాలా తేలికగా జీర్ణం అయ్యే ఆహారం. వేసవిలో పెసరపప్పు తీసుకుంటే.. శరీర వేడి కూడా కంట్రోల్‌ ఉంటుంది. పెసరపప్పులో కాపర్, పొటాషియం, జింక్, మాంగనీస్, మెగ్నీషియం, పొస్పరస్‌, ఫోలేట్ విటమిన్లు, ప్రోటిన్లు, ఫైబర్లు మెండుగా ఉంటాయి. దీనిలో ప్రొటీన్లు అధికంగా ఉంటాయి, కార్బోహైడ్రేట్లు తక్కువగా ఉంటాయి. పెసరపప్పు కడుపును ఎక్కువసేపు నిండుగా ఉంచుతుంది, మీ క్యాలరీ ఇన్‌టేక్‌ను తగ్గించడంలో సహాయపడుతుంది. పెసరపప్పు తింటే.. రీరంలో కొలెస్ట్రాల్‌ స్థాయిలు తగ్గుతాయి, గుండె సమస్యల ముప్పు తగ్గుతుంది. (Image sources- pixabay)
ఉలవలు..
ఉలవులు మన రోజూవారీ ఆహారంలో చేర్చుకుంటే.. బరువు కంట్రోల్‌లో ఉంటుందని నిపుణులు చెబుతున్నారు. ఉలవల్లో ఫైబర్, విటమిన్లు, ఖనిజాలు అధికంగా ఉంటాయి.ఉలవలులో కేలరీలు తక్కువగా ఉంటాయి. ఇది శరీరంలో పేరుకున్న కొవ్వను కరిగించడానికి సహాయపడుతుంది. శాఖాహారులు ప్రోటిన్‌ కోసం, ఉలవలు తీసుకుంటే చాలా మంచిది.
Heat stroke: వడదెబ్బ తగలకుండా.. ఈ జాగ్రత్తలు తీసుకోండి..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.