అధికబరువుతో...
బరువు తగ్గడానికి చాలా మంది ఫుడ్ డైట్‌లో చేంజెస్, వర్కౌట్స్ ఇలా ఎన్నో ప్రయత్నాలు చేస్తారు. బరువు తగ్గడానికి ఆహర మార్పులు, వ్యాయామాలు బాగా హెల్ప్ చేస్తాయి. వీటితో పాటు ఆయుర్వేద చిట్కాలు కూడా బాగా పనిచేస్తాయి.
ఇందుకోసం నోయిడా E-260 సెక్టార్‌లోని 27లో కపిల్ త్యాగి ఆయుర్వేదిక్ క్లినిక్ డైరెక్టర్ డా. కపిల్ త్యాగి ఓ బెస్ట్ పౌడర్ గురించి చెబుతున్నారు. ఆయుర్వేద మూలికలతో దీనిని తయారు చేస్తారు.
ఆయుర్వేద మూలికలు..
వైద్యుల ప్రకారం, బరువు తగ్గించేందుకు ఆయుర్వేదంలో అనేక మూలికలు ఉన్నాయి. సోంపు, కొత్తిమీర, ఇంగువ వంటి సుగంధ ద్రవ్యాలు కొవ్వుని కరిగిస్తాయి. అందుకే వీటితో తయారైన పౌడర్ జీర్ణ సమస్యల్ని దూరం చేయడంతో పాటు బరువుని తగ్గిస్తాయి.
కావాల్సిన పదార్థాలు..
జీలకర్ర
ధనియాలు
సోంపు
ఇంగువ
ఎలా తయారు చేయాలి..
ముందుగా జీలకర్ర, ధనియాలు, సోంపు సమాన పరిమాణంలో ఫ్రై చేయాలి. అందులో కొద్దిగా ఇంగువ కలపాలి. దీనిని పొడిలా చేయాలి.
ఈ పౌడర్‌ని ఎయిర్ టైట్ కంటెయినర్‌లో పెట్టాలి.
ఎలా తీసుకోవాలి..
ఉదయాన్నే దీనిని ఖాళీ కడుపుతో తీసుకోవడం వల్ల బరువు తగ్గుతారు. కాబట్టి.. ప్రతి రోజూ ఉదయాన్నే ఓ గ్లాసు గోరువెచ్చని నీటిలో ఓ చెంచా పొడిని తీసుకొండి. నీటిలో కలిపి దీనిని తీసుకోవచ్చు. అలా కాకుండా సలాడ్స్‌పై మసాలాగాకూడా స్ప్రింకిల్ చేయొచ్చు.
బరువుని తగ్గించి, అందాన్ని పెంచే అల్లం, పుదీనా టీ
ఎలా పనిచేస్తుంది..
జీలకర్ర, ధనియాలు, సోంపు, ఇంగువలని ఆయుర్వేదంలో ఎక్కువగా వాడతారు. వీటన్నింటి కలయిక అధిక బరువుని తగ్గించడంలో ఎఫెక్టివ్‌గా పనిచేస్తుంది. జీర్ణ వ్యవస్థను ఆరోగ్యంగా ఉంచడంలో, గ్యాస్ట్రిక్ సమస్యల్ని తొలగించడంలో బాగా పనిచేస్తాయి. శరీరంలోని జీవక్రియని సక్రమంగా ఉంచడంలో ఈ మసాలాలు బాగా హెల్ప్ చేస్తాయి.
జీలకర్ర, ధనియాలు, సోంపు, ఇంగువ పొడిలో యాంటీ ఇన్‌ఫ్లమేటరీ గుణాలు కడుపు సమస్యల్ని దూరం చేస్తాయి. ఆకలిని కంట్రోల్ చేయడంలో, ఎక్కువ కేలరీలు తీసుకోకుండా చేస్తుంది. దీంతో త్వరగా బరువు తగ్గుతారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Health News and Telugu News