బరువు తగ్గేందుకు ప్రయత్నించేవారు అరటి పండ్లకు దూరంగా ఉంటారు. అరటి పండ్లలో అధిక క్యాలరీలు, పిండి పదార్థాల శాతం ఎక్కువగా ఉండటమే ఇందుకు కారణం. అయితే, పూర్తిగా అరటి పండ్లను పక్కన పెట్టేయడమంటే.. శరీరానికి కావల్సిన ముఖ్యమైన పోషకాలను పక్కన పెట్టేస్తున్నట్లే లెక్క. ఒక మీడియం అరటి పండులో 105 క్యాలరీలు, 27 గ్రాముల పిండి పదార్థాలు ఉంటాయి. ప్రోటీన్లు తక్కువగా ఉంటాయి. అయితే, బరువు తగ్గాలని భావించేవారు రోజుకు కనీసం ఐదు ఇంచుల అరటి పండునైనా సరే తినాలి. మరి, బరువు పెరగకుండా.. అరటి పండులోనే పోషకాలను పొందడం ఎలా? అని సందేహిస్తున్నారా? ఇదిగో ఇలా ప్రయత్నించండి.
బనానా ఓట్ మీల్: మీరు బరువు తగ్గాలంటే.. ఎప్పటికీ బ్రేక్ఫాస్ట్ను మిస్ కావద్దు. రోజంతా మీరు ఉత్సాహంగా ఉండాలంటే బ్రేక్ఫాస్ట్ తప్పనిసరి. ఉదయాన్నే మీరు మాంచి ప్రోటీన్లు, ఫైబర్ తదితర పోషకాలు కలిగిన బ్రేక్ఫాస్ట్ను తీసుకున్నట్లయితే క్యాలరీ బాగా ఖర్చయ్యి త్వరగా బరువు తగ్గుతారు. అరటి పండులో ఉండే పిండి పదార్థం, పొటాషియం కడుపు నిండుగా ఉన్న భావన కలిగిస్తాయి. అంతేగాక శరీరానికి శక్తిని కూడా అందిస్తాయి. సగం అరటి పండును ఓట్స్, చియా సీడ్స్తో కలిపి తీసుకుంటే మంచిది.
నట్ బటర్ లేదా నట్స్తో..: వ్యాయామానికి ముందు, ఆ తర్వాత తినేందుకు అరటి పండే తగినదని నిపుణులు తెలుపుతున్నారు. అరటి పండు తక్షణ శక్తిని అందిస్తుంది. వ్యాయమం ద్వారా శక్తిని కోల్పోయేవారికి ఇది చాలా ముఖ్యం. అరటి పండులోని పొటాషియం వల్ల వ్యాయమం తర్వాత కలిగే కండరాల తిమ్మిరి, మైకాన్ని నివారిస్తాయి. అయితే, ఇందులో చాలా తక్కువ ప్రోటీన్ ఉంటుంది. కాబట్టి.. నట్ బటర్ లేదా నట్స్తో కలిపి అరటి పండు తీసుకుంటే శరీరానికి కావల్సినన్ని పోషకాలు అందుతాయి.
తొక్కతోపాటు బనానా స్మూతీ: అరటి పండులో ఉండే పిండి పదార్థం జీవక్రియను పెంపొందిస్తుందని ఓ స్టడీలో వెల్లడించారు. ఇందులోని పోటాషియం శరీరంలోని కణాలకు పోషకాలను అందించడంలో సహకరిస్తుంది. ‘జర్నల్ న్యూట్రిషన్ అండ్ మెటబాలిజం’లో పేర్కొన్న అధ్యయనం ప్రకారం.. రోజు తీసుకొనే కార్బోహైడ్రేట్లలో కేవలం 5 శాతాన్ని పిండి పదార్ధంతో భర్తీ చేస్తే.. భోజనం తర్వాత 23 శాతం కొవ్వు కరుగుతుంది. అయితే, తొక్క తీయని అరటి పండులో అత్యధిక పిండి పదార్థం ఉంటుంది. కాబట్టి.. తొక్క తీయకుండానే అరటి పండును శుభ్రం చేసుకుని స్మూతీగా తయారు చేసుకుని తాగేయాలి. అయితే, ఇది కొంచెం వగరుగా అనిపించవచ్చు. దీనికి కాస్త తేనె, నట్స్ జోడిస్తే.. వ్యాయమం తర్వాత కూడా మీకు ఆకలి వేయదు.
గమనిక: డయాబెటీస్, గుండె, రక్త సంబంధిత సమస్యలతో బాధపడేవారు తప్పకుండా వైద్యులు, ఆహార నిపుణుల సూచన తీసుకున్న తర్వాతే ఈ డైట్లను పాటించడం మంచిది.
ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే ఈ కథనం. ఇది అర్హత కలిగిన వైద్యుల అభిప్రాయానికి ప్రత్యామ్నాయం అస్సలు కాదు. వీటిని మీ డైట్లో చేర్చుకోవాలని నిర్ణయించుకున్నా లేదా మరింత సమాచారం తెలుసుకోవాలన్నా తప్పకుండా వైద్యులను, ఆహార నిపుణులను సంప్రదించాలని మనవి. ఈ సమాచారానికి ‘సమయం తెలుగు, టైమ్స్ ఆఫ్ ఇండియా’ ఎటువంటి బాధ్యత వహించదని గమనించగలరు.
బనానా ఓట్ మీల్: మీరు బరువు తగ్గాలంటే.. ఎప్పటికీ బ్రేక్ఫాస్ట్ను మిస్ కావద్దు. రోజంతా మీరు ఉత్సాహంగా ఉండాలంటే బ్రేక్ఫాస్ట్ తప్పనిసరి. ఉదయాన్నే మీరు మాంచి ప్రోటీన్లు, ఫైబర్ తదితర పోషకాలు కలిగిన బ్రేక్ఫాస్ట్ను తీసుకున్నట్లయితే క్యాలరీ బాగా ఖర్చయ్యి త్వరగా బరువు తగ్గుతారు. అరటి పండులో ఉండే పిండి పదార్థం, పొటాషియం కడుపు నిండుగా ఉన్న భావన కలిగిస్తాయి. అంతేగాక శరీరానికి శక్తిని కూడా అందిస్తాయి. సగం అరటి పండును ఓట్స్, చియా సీడ్స్తో కలిపి తీసుకుంటే మంచిది.
నట్ బటర్ లేదా నట్స్తో..: వ్యాయామానికి ముందు, ఆ తర్వాత తినేందుకు అరటి పండే తగినదని నిపుణులు తెలుపుతున్నారు. అరటి పండు తక్షణ శక్తిని అందిస్తుంది. వ్యాయమం ద్వారా శక్తిని కోల్పోయేవారికి ఇది చాలా ముఖ్యం. అరటి పండులోని పొటాషియం వల్ల వ్యాయమం తర్వాత కలిగే కండరాల తిమ్మిరి, మైకాన్ని నివారిస్తాయి. అయితే, ఇందులో చాలా తక్కువ ప్రోటీన్ ఉంటుంది. కాబట్టి.. నట్ బటర్ లేదా నట్స్తో కలిపి అరటి పండు తీసుకుంటే శరీరానికి కావల్సినన్ని పోషకాలు అందుతాయి.
తొక్కతోపాటు బనానా స్మూతీ: అరటి పండులో ఉండే పిండి పదార్థం జీవక్రియను పెంపొందిస్తుందని ఓ స్టడీలో వెల్లడించారు. ఇందులోని పోటాషియం శరీరంలోని కణాలకు పోషకాలను అందించడంలో సహకరిస్తుంది. ‘జర్నల్ న్యూట్రిషన్ అండ్ మెటబాలిజం’లో పేర్కొన్న అధ్యయనం ప్రకారం.. రోజు తీసుకొనే కార్బోహైడ్రేట్లలో కేవలం 5 శాతాన్ని పిండి పదార్ధంతో భర్తీ చేస్తే.. భోజనం తర్వాత 23 శాతం కొవ్వు కరుగుతుంది. అయితే, తొక్క తీయని అరటి పండులో అత్యధిక పిండి పదార్థం ఉంటుంది. కాబట్టి.. తొక్క తీయకుండానే అరటి పండును శుభ్రం చేసుకుని స్మూతీగా తయారు చేసుకుని తాగేయాలి. అయితే, ఇది కొంచెం వగరుగా అనిపించవచ్చు. దీనికి కాస్త తేనె, నట్స్ జోడిస్తే.. వ్యాయమం తర్వాత కూడా మీకు ఆకలి వేయదు.
గమనిక: డయాబెటీస్, గుండె, రక్త సంబంధిత సమస్యలతో బాధపడేవారు తప్పకుండా వైద్యులు, ఆహార నిపుణుల సూచన తీసుకున్న తర్వాతే ఈ డైట్లను పాటించడం మంచిది.
ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే ఈ కథనం. ఇది అర్హత కలిగిన వైద్యుల అభిప్రాయానికి ప్రత్యామ్నాయం అస్సలు కాదు. వీటిని మీ డైట్లో చేర్చుకోవాలని నిర్ణయించుకున్నా లేదా మరింత సమాచారం తెలుసుకోవాలన్నా తప్పకుండా వైద్యులను, ఆహార నిపుణులను సంప్రదించాలని మనవి. ఈ సమాచారానికి ‘సమయం తెలుగు, టైమ్స్ ఆఫ్ ఇండియా’ ఎటువంటి బాధ్యత వహించదని గమనించగలరు.