Weight Loss : రాగులని ఇలా తింటే ఈజీగా బరువు తగ్గుతారు

ప్రోటీన్ తీసుకుంటే త్వరగా బరువు తగ్గుతారు. కొన్ని ఫుడ్ ఐటెమ్స్‌లో ప్రోటీన్ ఎక్కువగా ఉంటాయి. అలానే కొద్ది మొత్తంలో కార్బోహైడ్రేట్స్ కూడా ఉంటాయి. అయితే, బరువు తగ్గాలనుకునేవారు మొత్తం కార్బ్స్‌ని తినకూడదని కాదు. కొద్దిగా తీసుకోవచ్చు. అలాంటి ఫుడ్ ఐటెమ్స్ ఏంటో చూద్దాం.

మనగాకు ఆరోగ్యానికి చాలా మంచిది. దీనికి షుగర్‌ని కంట్రోల్ చేసే శక్తి ఉందంటారు. అదే విధంగా బొప్పాయి కూడా ఆరోగ్యానికి చాలా మంచిది. ఈ రెండింటి కాంబినేషన్‌లో మంచి రెసిపీ ట్రై చేయండి. దీనికోసం
​
కావాల్సిన పదార్థాలు..

పచ్చి బొప్పాయి 40 గ్రాములు
మునగాకు 20 గ్రాములు
కొబ్బరి తురుము 10 గ్రాములు
1 టేబుల్ స్పూన్ కరివేపాకు
ఆవాలు పావు టీ స్పూన్
అర టీ స్పూన్ స్పూన్
పావు టీ స్పూన్ నల్ల ఉప్పు
కొబ్బరినూనె 1 స్పూన్

ముందుగా పచ్చి బొప్పాయిని తరగాలి. మునగాకులని కూడా సన్నగా తరగాలి. పాన్‌లో నూనె వేసి అది వేడయ్యాక ఆవాలు, కరివేపాకు, పచ్చిమిర్చి వేసి ఫ్రై చేయండి. ఇప్పుడు పచ్చి బొప్పాయి, మునగాకులని వేసి బాగా ఫ్రై చేయండి. ఇప్పుడు వీటిపై మూత పెట్టి 5 నిమిషాలు ఉడికించాలి. ఆ తర్వాత కొబ్బరి తురుము, పసుపు, ఉప్పు వేసి బాగా కలపండి. ఆ తర్వాత వేడి వేడిగా సర్వ్ చేయండి.

మొలకలు ఆరోగ్యానికి చాలా మంచివి. అయితే, వాటిని పచ్చివి అలానే తినడానికి పెద్దగా ఇష్టపడరు. అలాంటివారు మొలకల్ని కొద్దిగా టేస్టీగా చేసుకుని తినొచ్చు. అందులో ఒకటే మొలకల సలాడ్. దీనిని ఎలా చేయాలో చూద్దాం.
​
కావాల్సిన పదార్థాలు..

పచ్చి శనగల మొలకలు -ఓ కప్పు
కొత్తిమీర -పావు కప్పు
ఆలివ్ ఆయిల్ -అర టేబుల్ స్పూన్
నల్ల ఉప్పు-చిటికెడు
నిమ్మరసం - రుచికి సరిపడా
దోసకాయ ముక్కలు -కప్పు

ముందుగా ఓ మిక్సింగ్‌ బౌల్ తీసుకుని అందులో దోసకాయ ముక్కలు, శనగల మొలకలు, ఉప్పు, కొత్తిమీర, నిమ్మరసం, మీకు ఇష్టమైతై ఉల్లిపాయ, టమాట ముక్కలు కూడా వేయండి. కొంతమందికి స్పైసీగా కావాలనుకుంటే పై నుంచి చాట్ మసాలా, కొద్దిగా మిరియాల పొడి వేయండి. అంతే రుచికి రుచి.. హెల్దీకి హెల్దీ అయిన సలాడ్ రెడీ.

రాగులు ఆరోగ్యానికి చాలా మంచిది.. ముఖ్యంగా ఎండాకాలంలో వీటిని తీసుకోవడం వల్ల త్వరగా శరీరంలోని వేడి తగ్గడమే కాకుండా బరువు కూడా తగ్గుతారు. మరి వీటితో దోశ ఎలాఇప్పుడు చూద్దాం.
​
కావాల్సిన పదార్థాలు..

రాగులు 30 గ్రాములు
మినపపప్పు 20 గ్రాములు
పెసరపప్పు 10 గ్రాములు
ఆయిల్ అర టేబుల్ స్పూన్
అల్లం పావు టీస్పూన్
బ్లాక్ సాల్ట్ రుచికి సరిపడా
​Also Read : Chickpeas for weight loss : ఈజీగా రెడీ అయ్యే ఈ రెసిపీస్‌తో ఫాస్ట్‌గా బరువు తగ్గుతారట..​

ముందుగా రాగులు, మినపప్పు, పెసరపప్పుని కడిగి 4 గంటలైనా నానబెట్టి మిక్సీ పట్టండి. ఇందులో అల్లం, ఉఫ్పు వేసి బాగా కలపండి. దీనిని దోశపిండిలా చేసి పాన్‌ని వేడి చేసి కొద్దిగా నూనెతో గ్రీజ్ చేసి సన్నని దోశలా వేయండి. రెండువైపులా కాల్చి వేడివేడిగా పల్లీ చట్నీతో ఆరగించడమే.