Weight Loss During Lockdown 5 Genius Tips To Avoid Overeating In Quarantine
లాక్డౌన్లో బరువు పెరుగుతున్నారా? ఈ 5 చిట్కాలతో ఈజీగా చిక్కిపోవచ్చు!
ఈ లాక్డౌన్లో ఇంట్లో కుర్చొని కుర్చొని బరువు పెరిగిపోతున్నారా? అయితే, తప్పకుండా ఈ ఐదు చిట్కాలు పాటించండి. కొద్ది రోజుల్లోనే బరువు తగ్గిపోయండి.
Samayam Telugu13 May 2020, 9:49 pm
లాక్డౌన్లో ఏ పనీ లేకుండా ఇంట్లో ఖాళీగా ఉండటం కష్టమే. టైంపాస్ కావడం కోసం రోజూ నోట్లో ఏదో ఒకటి వేసి నమిలేయడం వల్ల.. చాలామంది తెలియకుండానే బరువు పెరిగిపోతున్నారు. కొంతమంది మధ్యాహ్నం వేళల్లో హాయిగా కునుకు తీస్తూ.. బరువు పెంచుతుంటే.. మరికొందరు టీవీలు చూస్తూ.. మొబైళ్లు చూస్తూ ఫిట్నెస్ కోల్పోతున్నారు. ప్రస్తుతం ఇంట్లోనే ఉంటున్నాం కాబట్టి.. ఈ బరువు మనకు పెద్ద భారంగా కనిపించకపోవచ్చు. కానీ, భవిష్యత్తులో లాక్డౌన్ ఎత్తేసిన తర్వాత ఎన్నో సమస్యలను తెచ్చిపెడుతుంది.
ఇన్ని రోజులూ బిజీ లైఫ్ వల్ల మనకు కనీసం వ్యాయమం చేయడానికి కొంచెం కూడా సమయం చిక్కలేదు. ఇప్పుడు లాక్డౌన్ దయవల్ల చేతిలో బోలెడంత టైమ్ ఉంది. ఇప్పుడు అంతా సమయానికి భోజనం చేస్తున్నారు, నిద్రపోతున్నారు. కాబట్టి.. ఆరోగ్యం కోసం చింత అవసరం లేదు. కానీ, వ్యాయమం చేయకుండా బరువు పెంచితేనే సమస్యలు వస్తాయి. వ్యాయమం చేయడం మీకు బద్దకం అనిపిస్తే.. ఈ సులభమైన చిట్కాలను పాటించండి. రోజువారీ జీవితంలో వీటిని మీ అలావాట్లుగా మార్చుకోండి.
ఇంటిని శుభ్రం చేయండి
లాక్డౌన్లో చాలామంది సెలబ్రిటీలు ఇంటిని శుభ్రం చేస్తూ ఛాలెంజులు విసిరిన సంగతి తెలిసిందే. ఒక విధంగా వారు చేసింది కూడా మంచి పనే. దీనివల్ల శరీరానికి మంచి వ్యాయమం లభిస్తుంది. మీరు కూడా ఈ ఛాలెంజ్ను స్వీకరించి ఇంటి పనులు మొదలుపెట్టండి. ఇంటిని పరిశుభ్రం చేసుకోవడం ద్వారా.. ఇల్లూ శుభ్రమవుతుంది, మీ బరువు కూడా తగ్గుతుంది. ఇలా ప్రతి రోజూ ఇంటిని శుభ్రం చేయడం ద్వారా ఒంట్లో తిష్టవేసిన బోలెడన్నీ కెలోరీలను కరిగించేయొచ్చు.
రోజూ కారు, బైక్ను వాష్ చేయండి
మీకు కారు లేదా బైక్ ఉన్నట్లయితే.. రోజూ శుభ్రం చేస్తుండండి. లాక్డౌన్ వల్ల వాటిని పెద్దగా వాడటం లేదు కదా వేస్టు అనుకోకండి. వాటిని అలా వదిలేసినా దుమ్ము పట్టేస్తాయి. వాటిని శుభ్రం చేయడంతోపాటు రోజూ స్టార్ట్ చేస్తూ ఉండండి. దీనివల్ల మీతోపాటు అవి కూడా ఆరోగ్యంగా ఉంటాయి. మీకు ఒక వేళ సైకిల్ ఉన్నట్లయితే.. కాసేపు వీధుల్లో అటూ ఇటూ తొక్కండి. కొవ్వు కరిగి.. ఫిట్గా తయారవుతారు. కారు లేదా బైక్లను శుభ్రం చేయడం ద్వారా గంటకు 280 కెలోరీలు ఖర్చవుతాయట. మీకు అర్థమవుతుందా!!
ఎక్కువ సేపు కుర్చోకండి
ఇన్ని రోజుల్లో ఉద్యోగ ధర్మం కోసం ఆఫీసుల్లో కుర్చీలకు అతుక్కునిపోయి ఉంటారు. లాక్డౌన్లో కూడా అదే పనిచేయకండి. టీవీలు చూస్తూ.. కుర్చీల్లో ఎక్కువ సేపు గడపకండి. మంచాలపై వాలిపోయి రిలాక్స్ కాకుండా కాసేపు నిలబడి.. అటూ ఇటూ తిరగండి. గంటల తరబడి కుర్చుంటే అనారోగ్యం తలుపుతట్టి ఇంట్లోకి వస్తుంది. బరువు పెరిగి కొత్త సమస్యలు వస్తాయి. రోజులో కనీసం గంటకు ఓసారి.. 15 నిమిషాలైనా లేచి నిలబడండి.. కుదిరితే ఓ పది అడుగులు వేయండి. ఇలా చేస్తే.. శరీరంలో 36 కెలోరీలు కరిగిపోతాయి.
పిల్లలతో ఆడుకోండి
లాక్డౌన్ వల్ల ఇప్పుడు అంతా ఇళ్లల్లోనే ఉన్నారు. కాబట్టి.. పిల్లలతో ఆడేందుకు కాసేపు సమయం కేటాయించింది. టిక్టాక్ వీడియోల మోజులో పడకుండా.. ఉల్లాసాన్ని అందించే ఇండోర్ లేదా ఔట్డోర్ గేమ్స్ ఆడండి. ఈ ఆటలు కేవలం మీ ఇంట్లోవారికే పరిమితం కావాలి. కరోనా వైరస్ నేపథ్యంలో ఇరుగుపొరుగువారితో అష్టచెమ్మా, లుడో, పేకాటలు ఆడటం అంత శ్రేయస్కరం కాదు. ఇంట్లో దాగుడు మూతలు, టచ్ మీ నాట్, కరెంట్-షాక్ వంటి ఆటలు ఆడటానికి ప్రయత్నించండి. క్యారెమ్స్, లుడో, బిజినెస్, చెస్ ఆటలు వల్ల శరీరానికి ఎలాంటి ప్రయోజనం ఉండదు. పిల్లలతో ఔట్డోర్ గేమ్స్ ఆగితే గంటకు 80-137 కెలోరీలు కరుగుతాయ్. మరి ఇంకెందుకు ఆలస్యం.. ఈ లాక్డౌన్లో బరువు తగ్గి ఫిట్గా ఉండండి.
లిఫ్ట్ వద్దు.. మెట్లు ఎక్కండి
ఈ రోజుల్లో లిఫ్ట్ ఎక్కడం అంత శ్రేయస్కరం కాదు. కరోనా రోగులు ఎక్కి ఉంటే.. ఆ వైరస్ మిమ్మల్ని తాగే ప్రమాదం ఉంది. కాబట్టి.. మెట్లను ఎక్కేందుకే మొగ్గు చూపండి. మెట్లు ఎక్కేప్పుడు సైడు గోడలు పట్టుకోవద్దు. మీరు అపార్టుమెంటులో ఉన్నట్లయితే వాటిని పట్టుకోకుండానే మెట్లు ఎక్కండి. ఎందుకంటే వాటికి కూడా వైరస్ అంటుకుని ఉండవచ్చు. కనీసం ఐదు నిమిషాల పాటూ మెట్లు ఎక్కి దిగితే దాదాపు 144 కేలరీలు కరిగించేయొచ్చు. సుగర్లెస్ చూయింగ్ గమ్స్ నమలడం వల్ల కూడా బరువును తగ్గించవచ్చట. చూయింగమ్స్ నమలడం ద్వారా.. దవడ కండరాలు కదిలి.. గంటకు 11 కెలోరీలు ఖర్చవుతాయట.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.