అధ్యయనం గురించి..
హార్వర్డ్ మెడికల్ స్కూల్ చేసిన పరిశోధన ప్రకారం రోజుకి 21 నిమిషాల పాటు నడవడం వల్ల గుండె జబ్బులు వచ్చే ప్రమాదం 30 శాతం తగ్గుతుంది. వారానికి చూస్తే ఇది రెండున్నర గంటలుగా ఉంటుంది. సరిగ్గా చేస్తే కాదు కాదు నడిస్తే బరువు తగ్గడం, రక్తపోటు, కొలెస్ట్రాల్ తగ్గడం, జ్ఞాపకశక్తి పెరగడం, అలాగే గుండెజబ్బులు, మధుమేహం, కాన్సర్, మరి కొన్ని సమస్యలు దూరం అవుతుందని హార్వర్డ్ మెడికల్ స్కూల్ తన సమీక్షలో తెలిపింది.
Also Read : Monkeypox : చర్మంపై దద్దుర్లు వస్తే మంకీపాక్స్ వచ్చినట్టేనా..
మహమ్మారి కారణంగా..
హార్వర్డ్ మెడికల్ చేసిన పరివోధనలో మహమ్మారి వైరస్ కూడా గుండె ఆరోగ్యంపై ఎఫెక్ట్ చేస్తుందని తేలింది. తేలికపాటి వైరస్ కూడా గుండె, శరీర ఆరోగ్యంపై తీవ్ర ప్రభావం చూపుతుందని అధ్యయనాలు చెబుతున్నాయి. నేచర్ మెడిసిన్‌లో ప్రచురించబడిన ఇటీవలి అధ్యయనం ప్రకారం, మహమ్మారి వంటి తేలికపాటి వైరస్ లక్షణాలు వచ్చిన తగ్గిన తర్వాత ఓ సంవత్సరం వరకూ గుండె సమస్యల ప్రమాదం పెరుగుతున్నాయి.
గుండె ఫెయిల్ అవ్వడం, స్ట్రోక్ వంటి అనేక సమస్యలు, వ్యాధి లేని సాధారణ వ్యక్తులకంటే మహమ్మారి వైరస్ సోకిన వారికి ఎక్కువగా ఉన్నాయని తేలింది.
Also Read : Finger Pain : కాలి, చేతుల వేలినొప్పులుగా ఉన్నాయా.. కారణాలివే..
నడకతో లాభాలు..
అమెరికన్ హార్ట్ అసోసియేషన్ (AHA) ప్రకారం, గుండె ఆరోగ్యానికి నడక అనేది బెస్ట్ ఎక్సర్‌సైజ్. ఇది శక్తిని పెంచడమే కాకుండా కొలెస్ట్రాల్, రక్తపోటు స్థాయిలను కూడా మెరుగుపరుస్తాయి. అలాకాకుండా, నడక టైప్ 2 డయాబెటీస్, కొన్ని కాన్సర్స్‌ల ప్రమాదాన్ని కూడా తగ్గిస్తాయి. ఎముకల సాంద్రతని కూడా నిర్వహిస్తుంది. నడక అనేది ఒత్తిడిని కూడా తగ్గిస్తుందని నిపుణులు చెబుతున్నారు. ఒత్తిడి అనేది గుండె సమస్యలకి ముఖ్య కారణం.
హార్వర్డ్ మెడికల్ స్కూల్ పరిశోధనలో నడవడం.. డిప్రెషన్‌కి మెడిసిన్‌లా పనిచేస్తుందని తేలింది. రెగ్యులర్‌గా నడవడం వల్ల ఒత్తిడి నుంచి ఉపశమనం లభిస్తుంది.
గుండెజబ్బులు, స్ట్రోక్, అధిక రక్తపోటు, కాన్సర్, టైప్ 2 డయాబెటీస్ సహా వివిధ సమస్యలను తగ్గించేందుకు నడక సరైన మార్గం. అంతే కాకుండా కార్డియో వాస్కులర్ ఫిట్‌నెస్‌ని మెరుగుపరచడంలో సాయపడుతుంది. ఎముకలు, కండరాలను బలంగా చేస్తుంది. శక్తి స్థాయిలను పెంచుతుంది. శరీరాన్ని ఆరోగ్యంగా ఉంచుతుంది. బరువుని కంట్రోల్‌లో ఉంచుతుంది.
చివరిగా..
యూఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్(CDC) తాజా పండ్లు, కూరగాయలు తీసుకోవడం, ప్రాసెస్డ్ ఫుడ్‌‌కి దూరంగా ఉండడం మంచిదని చెబుతోంది. ఆరోగ్య సంస్థ ప్రకారం, సంతృప్త కొవ్వు, ట్రాన్స్ ఫ్యాట్ అధికంగా ఉండే ఆహారాలు గుండెజబ్బులకి కారణం అవుతాయి. వీటిని తీసుకోవడం వల్ల తెలియకుండానే బరువు పెరుగుతాం. వీటితో పాటు మద్యపానం, ధూమపాన అలవాట్లని తగ్గించడం కూడా గుండె సమస్యల్ని దూరం చేస్తుంది. కాబట్టి నడకతో పాటు ఈ జాగ్రత్తలు పాటించాలి.
Also Read : Vastu : ఇంట్లో బీరువా ఈ దిక్కున పెడితే డబ్బుకి లోటు ఉండదట..
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.