యోగాతో గుండెకి మేలు :
ఈ రోజు గ్రాండ్ మాస్టర్ అక్షర్ మన కోసం కొన్ని యోగాసనాల గురించి చెప్పారు. వీటిని కనుక అనుసరిస్తే కచ్చితంగా గుండె ఆరోగ్యం బాగుంటుంది. గుండె పనితీరు మెరుగుపడుతుంది. హార్ట్ ఎటాక్ మొదలైన హృదయ సంబంధిత సమస్యలకు దూరంగా ఉండొచ్చు.
గుండె ఆరోగ్యం బాగుండాలంటే ప్రతి రోజు మీరు యోగాని చేయాలి. శారీరకంగా మాత్రమే కాదు. మానసికంగా కూడా యోగ ద్వారా ఎన్నో ప్రయోజనాలను పొందొచ్చు. గుండె పనితీరును కూడా యోగా మెరుగుపరుస్తుంది. కొన్ని రకాల యోగాసనాల వలన గుండె ఆరోగ్యంగా ఉంటుందని నిపుణులు చెబుతున్నారు. అయితే మీరు యోగాని మొదలు పెట్టే ముందు కొన్ని చిన్న చిన్న వ్యాయామాలతో మొదలుపెడితే మంచిది.
ఇక్కడ ఉండే ఆసనాలలో మీకు నచ్చిన వాటిని ఎంపిక చేసుకుని రోజుకు ఐదు ఆసనాలు వేస్తే మంచిది. ఒక్కో ఆసనానికి 15 నుండి 30 సెకన్లు కేటాయిస్తే సరిపోతుంది.
వజ్రాసనం Vajrasana :
చాలా మందికి సరైన అవగాహన లేకపోవడం వల్ల హృదయ సంబంధిత సమస్యలు వస్తాయి. దీని వల్ల గుండె ఆరోగ్యం బాగా దెబ్బతింటుంది. పైగా ఆరోగ్యం బాగుండాలంటే సరైన జీవన విధానాన్ని అనుసరించాలి. మానసికంగా కూడా బాగుండేలా చూసుకోవాలి.
ముందు మీరు మీ మోకాళ్ళ మీద కూర్చుని తరువాత మీ పెల్విస్‌ని మీ కాళ్ళ దగ్గర ఉంచండి. తర్వాత మీ రెండు అర చేతులను మీ కాళ్ళ పైన పెట్టండి. ఇలా మీరు వజ్రాసనాన్ని వేయొచ్చు. ఈ ఆసనం వేయడం వల్ల హృదయ సంబంధిత సమస్యలు దూరమవుతాయి.
మాలాసనం Malasana:
మాలాసనంతో కూడా మీ గుండె ఆరోగ్యంగా ఉంటుంది. ఈ ఆసనం వేయడం వల్ల హృదయ సంబంధిత సమస్యలు దూరమవుతాయి. మీ రెండు కాళ్ళని దూరంగా పెట్టి కాళ్ళు, బ్యాక్ సపోర్టుతో నేల మీద కూర్చోండి. మీ చేతులని జోడించండి. మీ భుజాలని ఉపయోగించి ఎంత వీలైతే అంత తొడల్ని పుష్ చేయండి.
సంతోలనాశన Santolanasana :
దీని కోసం మీ రెండు చేతులను నేల మీద ఉంచండి. మీ పొట్ట మీద మీ బాడీని ఆనించి... మీ భుజాల కింద మీ చేతులు రావాలి. మీ బాడీని పైకి లేపండి అలానే మీ మోకాళ్ళను కూడా పైకి ఉంచండి. సంతోలనాశన వేయడం వల్ల హృదయ సంబంధిత సమస్యలు దూరమవుతాయి.
అదోముఖి స్వనాశనం Adomukhi Svanasana :
మొదట మీరు ఈ ఆసనం కోసం నిలబడండి. తర్వాత ముందుకు మీ బాడీని బెండ్ చేయండి. అంటే మీరు రెండు చేతులు రెండు కాళ్ళ మీద నిలబడాలి. మీ రెండు చేతుల్నీ తల వెనక్కి ఉండేటట్టు పెట్టి రెండు చేతుల్ని నేలకు ఆన్చాలి. మీ కాళ్లు రెండు నేల మీద ఉండాలి. ఇన్వర్టెడ్ వి షేప్‌లో మొత్తం మీ బాడీ ఫార్మ్ అవ్వాలి.
Also Read : Hair care : ఈ షాంపూతో తలస్నానం చేస్తే జుట్టు బాగా పెరుగుతుందట..
భుజంగాసనం Bhujangasana:
మీ పొట్టని కిందకి ఉంచి పడుకోండి. మీ చేతుల్ని భుజాల కిందికి వచ్చేటట్టు చూసుకోండి. పూర్తిగా శ్వాస తీసుకుని శ్వాసని హోల్డ్‌లో ఉంచి మీ తలని పైకి ఎత్తండి. అలానే చెస్, భుజాలు కూడా పైకి ఎత్తండి. మీ బొడ్డు ప్రదేశం మాత్రం కింద ఉండాలి. భుజంగాసనం వేయడం వల్ల హృదయ సంబంధిత సమస్యలు దూరమవుతాయి.
వృక్షాసనం Vrukshasanam :
వృక్షాసనం వేయడం వల్ల హృదయ సంబంధిత సమస్యలు దూరమవుతాయి. మీరు మొదట నుంచుని ఒక కాలనీ మడిచినట్లుగా మరో కాలు తొడ దగ్గర పెట్టండి. మీ రెండు చేతులను దండం పెడుతున్నట్లు పైకి ఉంచండి. మీ రెండు చేతులు కూడా మీ తల పైకి రావాలి. ఒంటి కాలి మీద నిలబడాలి. ఇదే వృక్షాసనం.
తాడాసనం Tadasana:
ఈ ఆసనం కోసం మీరు మొదట నిలబడండి మీ రెండు పాదాలను ఎడం చేయండి. రెండు కాళ్ల మీద మీ బాడీ వెయిట్ పడేటట్టు చూసుకోండి. మీ చేతులు రెండూ పైకి ఉంచండి. గుండె సంబంధిత సమస్యలు తగ్గుతాయి.
డిప్రెషన్, యాంగ్జైటీ, ఆరోగ్యకరమైన ఆహారాన్ని తీసుకోకపోవడం, ఆహారంలో పోషక పదార్థాలు లేకపోవడం మొదలైన కారణాల వల్ల అనారోగ్య సమస్యలు వస్తున్నాయి. ఇటువంటివి రాకుండా జాగ్రత్తగా ఉంటే మంచిది.
Also Read : Pregnancy Tips : ఈ ట్యాబ్లెట్ వేసుకుంటే 40 తర్వాత కూడా ప్రెగ్నెన్సీ వస్తుందట..
సమకోణాసనం Samakonasana :
మొదట మీరు కూర్చుని రెండు కాళ్లను ఎడం చేయండి. పూర్తిగా రెండు కాళ్ళను ఎడం చేసిన తర్వాత పాదాలను రెండూ పైకి పెట్టండి. మీ రెండు చేతులను ఇరువైపులా పెట్టండి. ఇలా ఈ ఆసనాలను రెగ్యులర్‌గా ప్రాక్టీస్ చేస్తే కచ్చితంగా గుండె ఆరోగ్యంగా ఉంటుంది గుండె సంబంధిత సమస్యలు కూడా తగ్గుతాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.