జాతీయ సర్వే ప్రకారం, 61 శాతం మంది అమెరికన్లు రాత్రిపూట టీవీ ఆన్‌లో ఉంటేనే పడుకోగలరు. ప్రతి 9 మందిలో ఒకరు.. రాత్రి నిద్రపోయే ముందు.. ఏదొక రకమైన ఎలక్ట్రానిక్ పరికరాన్ని ఉపయోగిస్తున్నారని నేషనల్ స్లీప్ ఫౌండేషన్, జర్నల్ ఆఫ్ క్లినికల్ మెడిసిన్ నిర్వహించిన అధ్యయనంలో తేలింది. మన దేశంలోనూ చాలా మందికి.. నిద్రపోయే ముందు టీవీ ఆన్‌ చేసి నిద్రపోవడం, ఫోన్‌ చూస్తూ నిద్రపోయే అలవాటు ఉంటుంది. కానీ, ఈ ఎలక్ట్రానిక్ పరికరాలు మన ఆరోగ్యాన్ని పాడు చేస్తే ప్రమాదం ఉందని నిపుణులు చెబుతున్నారు.
ఊబకాయం ముప్పు..
JAMA ఇంటర్నల్ మెడిసిన్‌లో ప్రచురించిన 2019 అధ్యయనం ప్రకారం, బెడ్‌రూమ్‌లో టీవీని ఆన్‌లో ఉంచుకుని నిద్రపోతే.. బరువు పెరగడం, అధిక బరువు, స్థూలకాయం ముప్పు పెరుగుతుంది. ఈ అధ్యయనంలో పరిశోధకులు.. 43,000 మంది మహిళల నుంచి డేటా విశ్లేషించారు. టీవీ నుంచి వెలువడే బ్లూ లైట్ ఆరోగ్యానికి హాని చేస్తుంది.
కళ్లకు హాని జరుగుతుంది..
Webmd ప్రకారం,Webmd ప్రకారం, టీవీ నుంచి విడుదల అయ్యే.. బ్లూ రే రెటీనాను దెబ్బతీస్తుంది. ఎలుకలపై చేసిన ప్రయోగంలో.. బ్లూలైట్ కంటి రెటీనా ద్వారా రిసెప్టెర్‌లోకి ప్రవేశించిందని, కొన్నిరోజుల తర్వాత ఆ ప్రాంతం నల్లగా మారిపోయింది.
మెదడుకు ప్రమాదం..
మొబైల్ ఫోన్‌లు హానికరమైన రేడియేషన్‌ను విడుదల చేస్తాయి. ఇవి మన మెదడును దెబ్బతీస్తాయి. దీని వల్ల తలనొప్పి, కండరాల నొప్పి ఇతర ఆరోగ్య సమస్యలను ఎదుర్కొంటారు.
క్యాన్సర్ రిస్క్‌ పెరుగుతుంది..
బ్లూ లైట్ ఎక్స్పోజర్ కారణంగా కొన్ని క్యాన్సర్ల ముప్పు పెరుగుతుంది. రాత్రిపూట టీవీ/ ల్యాప్‌టాప్‌ని ఉపయోగించేవారికి, వాటిని ఆన్‌లో పెట్టి నిద్రపోయేవారికి రొమ్ము క్యాన్సర్, ప్రోస్టేట్ క్యాన్సర్, కొలొరెక్టల్ క్యాన్సర్ ముప్పు ఎక్కువగా ఉంటుందని ఓ అధ్యయనం వెల్లడించింది.
డిప్రెషన్‌కి లోనవుతారు
రాత్రిపూట ఎక్కువ ఎలక్ట్రానిక్ పరికరాలను ఉపయోగించే వ్యక్తులు మిగిలిన వ్యక్తుల కంటే డిప్రెషన్‌కు గురయ్యే ప్రమాదం ఎక్కువగా ఉంటుంది. టీవీ నుంచి వెలువడే బ్లూ రే నిద్రపోయిన తర్వాత కూడా.. బ్రెయిన్‌ను అలర్ట్‌ మోడ్‌లో ఉంచుతుంది. దీని వల్ల మెదడుకు తగినంత విశ్రాంతి లభించక, విపరీతమైన అలసట కారణంగా ఒత్తిడికి గురవుతుంది.
చర్మం దెబ్బతింటుంది..
హై-ఎనర్జీ బ్లూ లైట్‌కి గురికావడం వల్ల DNA దెబ్బతింటుందని అధ్యయనాలు చెబుతున్నాయి. దీనితో పాటు, కణాలు, కణజాలాం, చర్మం దెబ్బతినే ప్రమాదం ఉంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.