గ్యాస్‌ సమస్యలు దూరం..
జీలకర్ర వాటర్‌ తాగితే.. ఎసిడిటీ, కడుపు ఉబ్బరం, అజీర్ణం నుంచి ఉపశమనం లభిస్తుందని శిఖా అగర్వాల్‌ అన్నారు. జీలకర్రలో యాంటీఇన్ఫ్లమేటరీ గుణాలు పుష్కలంగా ఉంటాయి. కడుపు నొప్పని తగ్గించడంలో ఔషదంలా పనిచేస్తుంది. జీరావాటర్ జీర్ణ ఎంజైమ్‌ల స్రావాన్ని ప్రేరేపిస్తుంది, జీర్ణక్రియ ప్రక్రియను వేగవంతం చేస్తుంది. జీలకర్ర నీరు తాగితే గట్‌ సమస్యలు దూరమవుతాయి.
గర్భిణులకు మేలు చేస్తుంది..
జీరా వాటర్‌ గర్భధారణ సమయంలో జీర్ణక్రియను మెరుగుపరుస్తుంది. జీలకర్ర కార్బోహైడ్రేట్లు, ఫ్యాట్స్‌ జీర్ణక్రియకు అవసరమైన ఎంజైమ్‌లను పెంచుతుంది. గర్భదారణ సమయంలో ఎదురయ్యే చాలా సమస్యలను దూరం చేయడంలో జీలకర్ర సహాయపడుతుంది.
పాల ఉత్పత్తి పెరుగుతుంది..
బాలింతలు.. జీరా వాటర్‌ తాగితే పాల ఉత్పత్తి పెరుగుతుంది. జీలకర్రలో ఐరన్‌ పుష్కలంగా ఉంటుంది. ఇది రక్తహీనతను దూరం చేస్తుంది.
ఇమ్యూనిటీ పెరుగుతుంది..
జీలకర్రలో ఐరన్‌, ఫైబర్‌ పుష్కలంగా ఉంటాయి. ఇవి రోగనిరోధక శక్తిని మెరుగుపరుస్తాయి. వర్షాకాలంలో జీలకర్ర నీరు తాగితే.. వ్యాధుల నుంచి దూరంగా ఉండొచ్చు.
డయాబెటిస్‌కు చెక్‌..
డయాబెటిక్‌ పేషెంట్స్‌కు జీలకర్ర నీరు మేలు చేస్తాయి. ప్రతి రోజూ ఉదయం ఖాళీ కడుపుతో జీలకర్ర నీరు తీసుకుంటే రక్తంలో చక్కెర స్థాయులు కంట్రోల్‌లో ఉంటాయి. జీలకర్ర శరీరంలో ఇన్సులిన్ ఉత్పత్తిని ప్రేరేపిస్తుంది, ఇది రక్తంలో చక్కెర స్థాయిలను నియంత్రించడంలో సహాయపడుతుంది.
శ్వాసకోశ వ్యవస్థకు మంచిది..
జీరా వాటర్‌ శ్వాసకోశ వ్యవస్థపై సానుకూల ప్రభావం చూపుతుంది. జీలకర్ర రక్తప్రసరణను మెరుగుపరుస్తుంది. ఛాతీలో పేరుకుపోయిన శ్లేష్మాన్ని తొలగించడంలో సహాయపడుతుంది. మీకు శ్వాసకోశ సమస్యలు ఉంటే.. ఉదయం ఒక గాస్‌ జీలకర్ర నీరు తాగితే మేలు జరుగుతుంది.
బీపీ కంట్రోల్‌ అవుతుంది..
జీలకర్ర నీటిలో పొటాషియం ఎక్కువగా ఉంటుంది. శరీరంలో సోడయం స్థాయులను నియంత్రించడానికి పొటాషియం సహాయ పడుతుంది. దీంతో హైపర్‌టెన్షన్ కంట్రోల్‌లో ఉంటుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.