సపోటాతో కిడ్నీలో రాళ్లకు చెక్!!

సపోటాలో ఉండే పోషకాలు అన్నీ ఇన్నీ కావు. సపోటా గుజ్జులో ఫైబర్లు అధికంగా ఉండటంతో మలబద్దకంతోపాటు జీర్ణాశయ కేన్సర్ కారకాలను కూడా అడ్డుకుంటుంది. అలాగే శరీరానికి శక్తినిచ్చే గ్లూకోజ్‌ లభిస్తుంది. సపోటాలో ఉండే విటమిన్ ఎ వల్ల కంటికి మేలు కలుగుతుంది. వృద్ధాప్యంలో వచ్చే అంధత్వ నివారణకు సహాయపడుతుంది. దీంతో పాటు విటమిన్ బి, సి కూడా ఉంటాయి.

విటమిన్ సి వల్ల శరీరంలో రోగనిరోధక శక్తి పెరుగుతుంది. దీనిలో కాల్షియం, ఫాస్పరస్‌ పుష్కలంగా లభించడం వల్ల ఎముకల గట్టిదనంతోపాటు పెరుగుదలకు ఉపయోగపడుతుంది. అలాగే ఆరోగ్యానికి మేలు చేసే నియాసిన్, కాపర్, ఐరన్ లాంటి మూలకాలు కూడా ఇందులో ఉన్నాయి.


పిండిపదార్థాలతోపాటు శరీరానికి అవసరమైన ఇతర పోషకాలు సపోటాలో అధికంగా ఉండటం వల్ల గర్భిణీలకు, పాలు ఇచ్చే తల్లులకు చాలా మేలు చేస్తుందని ఆరోగ్య నిపుణులు పేర్కొంటున్నారు. అంతే కాకుండా నరాల ఒత్తిడిని తగ్గించి ఉపశమనాన్ని ఇస్తుంది. సపోటా జ్యూస్‌ను రోజూ తీసుకుంటే జుట్టు పెరగడమే కాదు రాలడం కూడా తగ్గుతుంది. అలాగే చుండ్రు సమస్యను కూడా తగ్గిస్తుంది.

నిద్రలేమి, అందోళనతో ఇబ్బందులు పడే వ్యక్తులు సపోటా తీసుకుంటే ఆ సమస్య నుంచి బయటపడొచ్చు. అలాగే జలుబు, దగ్గు తగ్గడానికి కూడా దోహదం చేస్తుంది. అంతే కాకుండా కిడ్నీల్లో ఏర్పడే రాళ్లను తొలగించడానికి సపోటా సహాయపడుతుందని వైద్య నిపుణులు అంటున్నారు. స్థూలకాయ సమస్యకు సపోటా విరుగుడుగా పనిచేస్తుందట.