Salad tips: సలాడ్‌‌ ఇలా చేస్తే.. ఆరోగ్యానికి మంచిది కాదు..!

సలాడ్ తింటే ఆరోగ్యానికి మంచిదని చాలామందికి తెలుసు. మన శరీరానికి విటమిన్లు, ఖనిజాలు, ఫైబర్ పుష్కలంగా అందించడానికి.. సలాడ్స్‌ పర్ఫెక్ట్‌ మార్గం అని చెప్పాలి. అయితే అన్ని సలాడ్లు ఆరోగ్యకరం కాదని నిపుణులు చెబుతున్నారు. కొన్ని సలాడ్లు తింటే ఆరోగ్యానికి హాని కలుగుతుందని హెచ్చరిస్తున్నారు. కొంతమంది సలాడ్‌ తయారుచేసేప్పుడు కొన్ని తప్పులు చేస్తుంటారని నిపుణులు అంటున్నారు. దీని వల్ల సలాడ్‌లోని పోషకాలు పోతాయని.. అవి తింటే ఆరోగ్య పాడయ్యే ప్రమాదం ఉందని హెచ్చరిస్తున్నారు. మీరు పర్ఫెక్ట్‌, హెల్తీ సలాడ్‌ తయారు చేయడానికి ప్రముఖ ఆయుర్వదే డాక్టర్‌ డింపుల్ జాంగ్‌ కొన్ని సూచనలు చేశారు. సలాడ్‌ ఎలా తయారు చేయాలో వివరిస్తూ.. ఇన్‌స్టాగ్రామ్‌ ఓ పోస్ట్‌ చేశారు. (Salad tips)

సలాడ్‌ పచ్చిగా తింటున్నారా..?

పచ్చి సలాడ్‌ను ఎంజాయ్‌ చేయాలంటే.. జీర్ణవ్యవస్థ స్ట్రాంగ్‌గా ఉండాలని డా. డింపుల్ జాంగ్‌ అన్నారు. కానీ, అందరి జీర్ణ వ్యవస్థ స్ట్రాంగ్‌గా ఉండదని.. పచ్చి కూరలతో చేసిన సలాడ్‌ తింటేస కడపు సంబంధిత సమస్యలు వచ్చే అవకాశం ఉందని అన్నారు. కడుపు ఉబ్బరం, ఎసిడిటీ, గ్యాస్‌ వంటి సమస్యలు వస్తాయి. సలాడ్‌ పచ్చిగా తింటే జీర్ణశక్తిపైనా ప్రభావం పడుతుంది. జీర్ణశక్తి తక్కువగా ఉన్నవారు పండి పండ్లు, వేడి ఆహారం మాత్రమే తీసుకోవాలని ఆయుర్వేదం సూచిస్తుంది. దోసకాయ, క్యారెట్‌ పచ్చిగా తిన్నా ఎలాంటి హాని జరగదని డా. డింపుల్‌ జాంగ్‌ అన్నారు.
ఆకుకూరలు ఉడకబెట్టండి..

సలాడ్‌లో ఆకుకూరలు వేస్తుంటే.. వాటిని ఉడకబెట్టాలని డా. డింపుల్‌ జాంగ్‌ అన్నారు. ముఖ్యంగా కాలే, పాలకూర పచ్చిగా తింటే.. ఇరిటేటబుల్‌ బౌల్‌ సిండ్రోమ్‌ను ప్రేరేపిస్తాయని చెప్పారు. కొంతమందికి ఆకుకూరలు పచ్చిగా తింటే.. కడుపు ఉబ్బరం, గ్యాస్, కడుపు ఇన్ఫెక్షన్స్‌ వంటి సమస్యలు వస్తాయన్నారు. మొక్కలు, మనుషుల మాదిరిగానే వాయువును విడుదల చేస్తాయని.. వాటిని కచ్చితంగా ఉడకబెట్టాలని డా. డింపుల్‌ చెప్పారు. ఆకుకూరలు ఉడకబెట్టి తింటే.. శరీరం వాటిలోని పోషకాలును ఎక్కువగా గ్రహిస్తుంది.
కూరగాయలు, పండ్లు కలిపి తినొద్దు..

సలాడ్‌లో కూరగాయలు, పండ్లు కలిపి తినడం చాలా మందికి అలవాటు ఉంటుంది. కూరగాయలు, పండ్లు కలిపి తినొద్దని ఆయుర్వేద నిపుణులు చెబుతున్నారు. వీటిని జీర్ణం చేయడానికి.. మన లివర్‌ రెండు రకాల ఎంజైమ్‌లు విడుదల చేస్తుంది. కూరగాయుల జీర్ణం కావడానికి 6 గంటలు అవసరం, పండ్లు 3 గంటల్లో జీర్ణం అవుతాయి. ఈ వ్యత్యాసం కారణంగా, కడుపు సమస్యలు వచ్చే అవకాశం ఉంది.
సలాడ్‌ ఎప్పుడు తినాలి..

సలాడ్‌ మధ్యాహ్నం సమయంలో తింటే.. మంచిదని డా.డింపుల్‌ జాంగ్‌ అన్నారు. మధ్యాహ్నం ఉష్ణోగ్రతలు ఎక్కువగా ఉంటాయని, దీని వల్ల జీర్ణశక్తి ఎక్కువగా ఉంటుందని చెప్పారు. ఈ సమయంలో సలాడ్‌ జీర్ణం కావడానికి పెద్దగా ఇబ్బంది ఉండదని అన్నారు. సలాడ్‌ ఎప్పుడూ ఫ్రెష్‌గా తినాలని డా.డింపుల్‌ జాంగ్‌ సూచించారు. గంటకంటే ఎక్కువ సేపు నిలవ ఉంచితే.. దానిలో పోషక విలువుల తగ్గిపోతాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.