బూడిద గుమ్మడికాయ వల్ల కలిగే ఆరోగ్య ప్రయోజనాల గురించి ఆయుర్వేద నిపుణుడు డా. మిహిర్‌ ఖత్రీ ఇన్‌స్టా పోస్ట్‌లో వివరించారు. బూడిద గుమ్మడి పేగు ఆరోగ్యానికి, కిడ్నీ, గుండె ఆరోగ్యానికి మేలు చేస్తాయని వివరించారు.
javascript-Instagram
మలబద్ధకానికి చెక్‌..
బూడిద గుమ్మడిని తరచుగా మన ఆహారంలో తీసుకుంటే.. గ్యాస్‌, మలబద్ధకం సమస్యల నుంచి ఉపశమనం లభిస్తుందని డా. మిహిర్‌ ఖత్రీ అంటున్నారు. బూడిద గుమ్మడిలో గ్యాస్ట్రోప్రొటెక్టివ్, యాంటీఆక్సిడెంట్ లక్షణాలు పుష్కలంగా ఉంటాయి. దీని వల్ల మలబద్ధకం, గ్యాస్‌ సమస్యలకు ఔషదంలా పనిచేస్తుంది. దీనిలో ఫైబర్‌ పుష్కలంగా ఉంటుంది. దీని వల్ల కడుపులో మంట, ఉబ్బరం వంటి జీర్ణ సంబంధిత సమస్యలు దూరమవుతాయి.
కిడ్నీలకు మంచిది..
బూడిద గుమ్మడి కిడ్నీలకు మేలు చేస్తుంది. 1995లో జియాంగ్సు జర్నల్ ఆఫ్ అగ్రికల్చర్ సైన్సెస్ ప్రచురించిన ఓ అధ్యయనంలో, కిడ్నీలు దెబ్బతిన్న ఎలుకలకు.. బూడిద గుమ్మడిలోని పదార్థాలను ఇచ్చారు. ఇవి కిడ్నీలను సంరక్షిచండంలో సమర్థవంతంగా పనిచేసినట్లు కొనుగొన్నారు. ఇరానియన్ జర్నల్ ఆఫ్ ఫార్మకాలజీ అండ్ థెరాపాటిక్స్ 2005లో జరిపిన అధ్యయనం ప్రకారం.. బూడిద గుమ్మడి యాంటీ-డయేరియల్ ఏజెంట్‌గా పనిచేస్తుంది. దీనితో పాటు మూత్రవిసర్జన మంట, మూత్రం స్తబ్దత, కిడ్నీలో రాళ్ల సమస్య ఉన్నవారు బూడిద గుమ్మడి తీసుకుంటే మంచిది.
ఊపరితిత్తుల ఇన్ఫెక్షన్‌ నుంచి రక్ష..
ఆయుర్వేదంలో బూడిద గుమ్మడిని ఫ్లూ, జలుబు చికిత్సకు వాడతారు. దగ్గు, జ్వరం, మంటను దూరం చేయడానికి బూడిద గుమ్మడి ప్రభావవంతంగా పనిచేస్తుందని నిపుణులు చెబుతున్నారు. దగ్గు కారణంగా, నోటి నుంచి రక్తస్రావం అవుతూ ఉంటే.. బూడిద గుమ్మడిని తీసుకుంటే మేలు జరుగుతుంది.
గుండెకు మంచిది..
బూడిద గుమ్మడి మీ డైట్‌లో చేర్చుకుంటే.. గుండె కండరాలకు బలాన్ని ఇస్తుంది, గుండెలో రక్త ప్రసరణను మెరుగుపరుస్తుంది. ఇది గుండె జబ్బుల నుంచి రక్షణ కల్పిస్తుంది. హైపర్‌టెన్షన్‌కు బూడిద గుమ్మడి ఔషదంలా పనిచేస్తుంది. కొవ్వులు, కార్బోహైడ్రేట్లు కూడా దీనిలో చాలా తక్కువ పరిమాణంలో ఉంటాయి. కాబట్టి బరువు తగ్గాలనుకునే వారికి ఇది మంచి ఆహారం.
మెదడుకు మంచిది..
మెదడు పనితీరును మెరుగుపరచుకోవాలంటే బూడిద గుమ్మడిని తరచుగా డైట్‌లో చేర్చుకోవాలని నిపుణులు చెబుతున్నారు. ఇది మెదడుకు టానిక్‌లా పనిచేస్తుందని నిపుణులు చెబుతున్నారు. బూడిద గుమ్మడి తీసుకుంటే.. జ్ఞాపకశక్తిని మెరుగుపడుతుంది, నిద్ర ప్రశాంతంగా పుడుతుంది.
ఎలా తీసుకోవాలి..
బూడిద గుమ్మడిని జ్యూస్‌ లేదా మురబ్బా చేసుకుని తీసుకోవచ్చని ఆయుర్వేద డాక్టర్ మిహిర్‌ ఖత్రీ అంటున్నారు. దాని గుజ్జు నుంచి తాజా రసాన్ని తీసి.. ప్రతి రోజూ ఉదయం, మధ్యాహ్నం 20 నుంచి 40 Ml తీసుకుంటే మంచిదని అన్నారు. జలుబు, దగ్గు ఉన్నవారు 2-3 చిటికెల కారం కలుపుకుంటే బాగుంటుందని సూచించారు
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.