ఒక వారంలో కూడా బరువు తగ్గవచ్చని నిపుణులు అంటున్నారు. దీన్ని చాలా సమతుల్య పద్ధతిలో చేయాలి. నేషనల్ ఇన్స్టిట్యూట్ ఆఫ్ హెల్త్ ప్రకారం, వారం రోజుల్లో 0.45–1.36 కిలోల బరువును తగ్గొచ్చు. సగటున, శరీర బరువులో 1 శాతం కోల్పోవడం ఆరోగ్యకరమైనది.
బాడీలోని కొవ్వుని కరిగించే డ్రింక్..
త్రిఫల..
త్రిఫల బరువు తగ్గించడానికి, బెల్లీ ఫ్యాట్‌ కరిగించడానికి సహాయపడుతుందని ధరిషా ఆయుర్వేద వ్యవస్థాపకుడు, ఆయుర్వేద నిపుణుడు రాజిందర్‌ ధమిజా అన్నారు. రాత్రి పడుకునే ముందు ఒక గ్లాసు గోరువెచ్చని నీటిలో త్రిఫల చూర్ణం కలిపి తీసుకుంటే బెల్లీ ఫ్యాట్‌ త్వరగా కరుగుతుంది. ఇది పొట్టను శుభ్రపరచడంతో పాటు, బరువు తగ్గడానికి సహాయపడుతుంది. ఉదయం పూట ఖాళీ కడుపుతో ఇది తాగినా మంచి రిజల్ట్స్‌ ఉంటాయి.
Also Read: ఇవి రోజుకు చిటికెడు తిన్నా.. ఈజీగా బరువు తగ్గుతారు..!
అల్లం టీ..
బరువు తగ్గాలనుకునే వారికి అల్లం టీ బెస్ట్‌ ఆప్షన్‌. అల్లం జీవక్రియ, జీర్ణక్రియను మెరుగుపరుస్తుంది. కడుపు ఉబ్బరం, ఆహారం జీర్ణం కాకపోవటం వంటి సమస్యలనూ దూరం చేస్తుంది. రోజూ అల్లం టీ తాగితే.. బెల్లీ ఫ్యాట్‌ సులభంగా కరుగుతుందని, శరీరం డిటాక్స్‌ అవుతుందని నిపుణులు చెబుతున్నారు. ఉదయం లేవగానే నీటిలో అల్లం వేసి మరిగించాలి. ఈ నీళ్లను వడగట్టి తేనె, పుదీనా ఆకులు వేసుకుని తాగండి.
నిమ్మరసం..
ఉదయం పూట గోరువెచ్చని నీటిలో నిమ్మరసం వేసుకుని తాగే అలవాటు చాలామందికి ఉంటుంది. ఉదయం పూట నిమ్మరసం వేసిన నీళ్లు తాగితే జీవక్రియ మెరుగుపడుతుంది. నిమ్మరసంలో ఉండే.. సిట్రిక్‌ యాసిడ్‌ కొవ్వును విచ్ఛిన్నం చేస్తుంది. నిమ్మలోని విటమిన్‌ సి సీజనల్‌ వ్యాధుల నుంచి రక్షిస్తుంది. శరీరంలోని వ్యర్థాలనూ బయటకు పంపేస్తుంది.
Also Read: బరువు తగ్గాలంటే.. ఈ తప్పులు చేయడం మానేయండి
ఆపిల్‌ సిడార్‌ వెనిగర్‌..
గ్లాసు గోరువెచ్చని నీటికి అరచెక్క నిమ్మ రసం, రెండు స్పూన్ల ఆపిల్‌ సిడార్‌ వెనిగర్‌, చెంచా తేనె కలిపి తీసుకోండి. ఈ వెనిగర్‌లోని ఎసిటిక్‌ యాసిడ్‌ శరీరంలో పేరుకున్న కొవ్వును కరిగించి బరువు తగ్గడంలో సాయపడుతుంది. రక్తంలో చక్కెర స్థాయులను తగ్గించి, తీపి పదార్థాలపై మనసు మళ్లకుండా చూస్తుంది.
Also Read: టేస్టీ టేస్టీగా తింటూ.. బరువు ఎలా తగ్గాలో తెలుసా..?
పసుపు నీళ్లు..
గ్లాసు గోరువెచ్చని నీటిలో పావు స్పూను పసుపు, చెంచా తేనె వేసుకొని తాగండి. పసుపులోని యాంటీ ఇన్‌ఫ్లమేటరీ గుణాలు శరీరంలో ఇన్‌ఫ్లమేషన్‌ను తగ్గిస్తాయి. తేనె చర్మ ఆరోగ్యాన్ని సంరక్షిస్తుంది. ఇన్ఫెక్షన్ల నుంచీ కాపాడుతుంది. పసుపులోని గుణాలు శరీరంలో పేరుకున్న కొవ్వును కరిగిస్తాయి.
ఈ జాగ్రత్తలు తీసుకోండి..
- పైన పేర్కొన్న డ్రింక్స్‌తో పాటు పోషకాహారం తీసుకుంటే, వ్యాయామం చేస్తేనే బరువు తగ్గగలరు. పోషకాహారం తీసుకుంటూ క్రమం తప్పక వ్యాయామం చేస్తే కొవ్వు దానంతట అదే కరుగుతుంది.
- ఉప్పును మోతాదుకు మించి తీసుకుంటే శరీరంలో అధికంగా నీరు రూపంలో నిల్వ ఉంటుంది. దాంతో శరీర ఆకృతి మారిపోతుంది.
- స్వీట్స్‌, ప్రాసెస్డ్‌ ఫుడ్‌, ఫ్రైడ్‌ ఫుడ్స్‌ దూరంగా ఉంటే.. త్వరగా బరువు తగ్గుతారు.
- మీ డైట్‌ తక్కువ క్యాలరీలు, ఎక్కువ ప్రొటీన్‌ ఉండే.. ఆహారం తీసుకోండి.
Also Read: బరువు తగ్గడానికి తిండి మానేస్తున్నారా..? ఈ పప్పులు తింటే సులభం వెయిట్‌ లాస్‌ అవుతారు..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.