నా పేషెంట్లు చాలామంది హైపర్‌టెన్షన్‌, హ్యాంగోవర్, జ్వరం, సాధారణ టీని సమయానికి తీసుకోకపోవడం, మైగ్రేన్, నిద్రలేమి, ఒత్తిడి, కెఫీన్ (టీ/కాఫీ) వంటి నిర్దిష్ట వ్యసనాలను విడిచిపెట్టడానికి ప్రయత్నించినప్పుడు తలనొప్పి వేధిస్తుందని కంప్లైంట్ చేసేవాళ్లు. ఈ ఆయుర్వేదిక్‌ టీ తలనొప్పితో బాధపడేవారికి.. ఎలాంటి మాత్రలు వేసుకోకుండా రిలీఫ్‌ ఇస్తుంది. మీరు మైగ్రేన్, హార్మోన్ల అసమతుల్యత, హ్యాంగోవర్, ఇన్సులిన్ నిరోధకత, ఉబ్బరం, కొన్ని వ్యసనాలను వదిలివేయాలని ప్రయత్నించినట్లయితే, రోగనిరోధక శక్తిని మెరుగుపరచాలనుకునే వారు ఈ ఆయుర్వేదిక్‌ టీని అలవాటు చేసుకోండి"- ఆయుర్వేద వైద్యురాలు దీక్షా భావ్సర్
హెర్బల్‌ టీ
ఇవి తీసుకోండి..
- నీళ్లు - 1 గ్లాసు (300 ml)
- వాము - 1/2 టీ స్పూన్‌
- యాలకులు - 1
- దనియాలు - 1 టేబుల్‌ స్పూన్‌
- పుదీనా ఆకులు - 5
ఇలా తయారు చేసుకోండి..
ఈ పదార్థాలన్నీ.. గ్లాస్‌ నీటిలో వేసి మీడియం మంట మీద.. 3 నిమిషాలు మరిగించండి. దాన్ని ఫిల్టర్‌ చేయండి. మీకు తలనొప్పి తరుచుగా వస్తుంటే.. రోజూ ఉదయం ఈ టీ తాగండి. మీరు తలనొప్పితో బాధపడుతుంటే.. ఈ టీ తయారు చేసుకుని తాగండి.
వాము..
వాములో.. ప్రోటీన్, ఫైబర్, మీనరల్స్‌, కాల్షియం, ఐరన్, ఫాస్పరస్, కెరోటిన్, రిబోఫ్లావిన్, నియాసిన్, థయామిన్, కార్బోహైడ్రేట్లు, యాంటీ ఇన్‌ఫ్లమేటరీ గుణాలు ఉన్నాయి. ఈ పోషకాలు.. ఇన్ఫ్లమేషన్‌, అజీర్ణం, దగ్గు, జలుబు, డయాబెటిస్‌, ఉబ్బసం వంటి సమస్యలను దూరం చేస్తుంది. బరువు తగ్గేవారికి ఇది సహాయపడుతుంది. (Image source - pixabay)
ధనియాలు..
కొత్తిమీరలో ప్రోటీన్, విటమిన్ సి, థయామిన్, రైబోఫ్లావిన్, నియాసిన్, కాల్షియం, ఐరన్, మెగ్నీషియం, ఫాస్పరస్, పొటాషియం, సోడియం, జింక్ వంటి పోషకాలు ఉన్నాయి. ఇవి జీవక్రియ, మైగ్రేన్ తలనొప్పి, హార్మోన్ల అసమతుల్యత, థైరాయిడ్‌ మెరుగుపరచడంలో ఔషధంలా పనిచేస్తుంది.
పుదీనా..
పుదీనాలో యాంటీమైక్రోబయల్, యాంటీవైరల్, యాంటీఆక్సిడెంట్, యాంటిట్యూమర్, యాంటీ అలెర్జిక్ వంటి లక్షణాలు ఉన్నాయి. మానసిక కల్లోలం, నిద్రలేమి, అసిడిటీ, మైగ్రేన్, కొలెస్ట్రాల్ కరిగించడంలో ఎఫెక్టివ్‌గా పనిచేస్తుంది.
యాలకులు..
యాలకులు మౌత్ ఫ్రెషనర్‌గా, ఆహారం రుచి, సువాసన పెంచడానికి ఎక్కువగా వాడుతూ ఉంటారు. కానీ ఇందులోని యాంటీఆక్సిడెంట్ల కారణంగా, వికారం, మైగ్రేన్, హైపర్‌టెన్షన్‌ వంటి సమస్యలను పరిషరిస్తుంది. ఇది చర్మం, జుట్టు ఆరోగ్యానికి మేలు చేస్తుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.