Root vegetables For Diabetic Patients: షుగర్‌ పేషెంట్స్‌ దుంప కూరలు తినొచ్చా..?

Root vegetables For Diabetic Patients: ఈ ఆధునిక జీవనశైలిలో మార్పులు, పని ఒత్తిడి, చెడు ఆహార అలవాట్ల కారణంగా చాలా మంది డయాబెటిస్ సమస్యతో ఇబ్బంది పడుతున్నారు. ప్రపంచ ఆరోగ్య సంస్థ (డబ్ల్యూహెచ్ఓ) అంచనాల ప్రకారం ప్రపంచంలో దాదాపు 422 మిలియన్ల మంది డయాబెటిస్ బారిన పడ్డారు. షుగర్ కారణంగా..ప్రతి సంవత్సరం 1.5 మిలియన్ల మంది మరణిస్తున్నారు. డయాబెటిస్ కారణంగా మనిషి సగటు ఆయుర్దాయం తగ్గిపోతుంది. డయాబెటిస్ను నియంత్రణలో ఉంచుకోకపోతే.. కిడ్నీ, గుండె, ఊపిరితుత్తులు, కంటి సమస్యలు వచ్చే ప్రమాదం ఉంది. డయాబెటిక్ పేషెంట్స్ మెరుగైన జీవితం గడపడానికి.. మధుమేహాన్ని నియంత్రణలో ఉంచుకోవాలని నిపుణులు సిఫార్సు చేస్తున్నారు. డయాబెటిక్ పేషెంట్స్ ఆహారం విషయంలో ఎన్నో జాగ్రత్తలు తీసుకోవాలి. షుగర్ పేషెంట్స్కు దుంపలు ఆహారంగా తీసుకోవచ్చా లేదా అనే అనుమానం ఉంటుంది. అసలు వాళ్లు దుంప కూరగాయలు తీసుకోవచ్చో లేదో ఈ స్టోరీలో చూసేద్దాం.
దుంప కూరలు అంటే మొక్క అడుగుభాగంలో భూగర్భంలో పెరిగేవి. ఉల్లిపాయలు, సెలెరీ రూట్, అల్లం, పసుపు, బీట్రూట్, క్యారెట్లు, పార్స్లీ, చిలగడదుంపలు, బంగాళదుంపలు ఈ లిస్ట్లోకి వస్తాయి. ఇవి మిగిలిన మొక్కకు ఆహారం ఇవ్వడానికి.. నీరు, పోషకాలు గ్రహిస్తాయి. ఈ దుంప కూరలు మనం తీసుకున్నప్పుడు.. ఆ పోషకాలు మన శరీరం గ్రహిస్తుంది.