క్యాన్సర్‌ చికిత్సకు 'నానో రోబో'...!

వైద్యరంగంలో పెనుమార్పులు సంభవిస్తున్నాయి. ముఖ్యంగా కాలానుగుణంగా తీరుమార్చుకుంటున్న క్యాన్సర్ వ్యాధి చికిత్సకు పరిశోధకులు కొత్త మార్గాల్ని కనుగొంటున్నారు. ఇందులో భాగంగా... అమెరికాలోని అరిజోనా స్టేట్ యూనివర్సిటీ శాస్త్రవ్తేతలు 'నానో రోబో'లను అభివృద్ధి చేశారు. డీఎన్‌ఏ నుంచి సేకరించిన కణాలతో ఈ నానో రోబోలను తయారుచేశారు. ఇవి శరీరంలో రక్త సరఫరాను నిలువరించడం ద్వారా క్యాన్సర్ కణితులను నాశనం చేస్తాయి.


నానో రోబోలను సూది మందు ద్వారా శరీరంలోకి ప్రవేశపెడతారు. ఒక్కో రోబో పొడవు 90 నానో మీటర్లు, వెడల్పు 60 నానో మీటర్లుగా ఉంటుంది. రక్తం గడ్డకట్టడంలో కీలక పాత్ర పోషించే 'త్రాంబిన్' అనే ఎంజైమ్ నానో రోబోల ఉపరితలానికి అతుక్కొని ఉంటుంది. నానో రోబోలను ప్రవేశపెట్టగానే రక్త సరఫరా ద్వారా కణితులను పోషిస్తున్న రక్తనాళాలపై ఈ ఎంజైమ్ ప్రభావం చూపుతుంది. ఆరోగ్యకర కణజాలంపై ఏమాత్రం ప్రతికూల ప్రభావం చూపకుండా నేరుగా కణితుల వద్దకు చేరుకొని క్యాన్సర్ కణాలపై మాత్రమే దాడి చేస్తాయి. ఫలితంగా రక్తప్రవాహం నిలిచిపోయి కణితులు నాశనమవుతాయి. ఈ విధంగా అన్ని రకాల క్యాన్సర్లను ఈ నానోరోబోలు నయం చేస్తాయని శాస్త్రవ్తేతలు అంటున్నారు.