గుండెపోటు నుంచి కాపాడే ‘కారం టీ’

మారిన జీవనశైలి, పెరుగుతున్న ఒత్తిడి కారణంగా చాలా మంది చిన్న వయసులోనే గుండె జబ్బుల బారిన పడుతున్నారు. ఆహార అలవాట్లు మారడంతోపాటు, ఎక్కువ సేపు కూర్చోని పనిచేయాల్సి రావడం, శారీరక శ్రమ లేకపోవడం కూడా ఆరోగ్యంపై ప్రభావం చూపుతున్నాయి. ఫలితంగా 40 ఏళ్లకే గుండె జబ్బులు చుట్టు ముడుతున్నాయి. హార్ట్ ఎటాక్‌ల కారణంగా మరణిస్తోన్న వారి సంఖ్య ఇటీవల బాగా పెరిగింది. ధమనుల్లో కొవ్వు పేరుకుపోవడంతో రక్తప్రసరణపై ప్రభావం పడి.. గుండె పనితీరు దెబ్బతింటోంది.

ధమనుల గోడల్లో పేరుకుపోయిన కొవ్వు వల్ల అనేక సమస్యలు ఉత్పన్నమవుతాయి. ఒక్కోసారి గుండెపోటు సంభవించి మరణించే అవకాశం కూడా ఉంటుంది. గుండెపోటు వచ్చిన వారికి కారంతో చేసిన టీని తాగించడం వల్ల మరణించే ముప్పును తగ్గించవచ్చట. ఇంతకూ ఆ టీని ఎలా చేయాలంటే.. ఓ కప్పు నీటిని గోరువెచ్చగా మరిగించి అందులో టీ స్పూన్ కారం కలిపితే ‘కారం టీ’ రెడీ అవుతుంది. గుండెపోటు వచ్చిన వ్యక్తికి ఈ మిశ్రమాన్ని తాగించడం వల్ల ప్రాణాలను కాపాడవచ్చు.

నేచురోపతి డాక్టర్లయిన డేవిడ్ క్రిస్టోఫర్, డాక్టర్ ప్యాట్రిక్ క్విలిన్‌‌లు ఈ వివరాలను వెల్లడించారు. ఎవరికైనా గుండెపోటు వచ్చినప్పుడు కారంతో చేసిన టీ తాగించి.. వెంటనే డాక్టర్లను సంప్రదించడం వల్ల ఫలితం ఉంటుందని, మరణం సంభవించే అవకాశాలు తగ్గుతాయని డాక్టర్ క్రిస్టోఫర్ తెలిపారు. ఈ టీ వల్ల రక్తనాళాలను వెడల్పుగా మారి రక్త సరఫరా మెరుగుపడుతుందని ఆయన తెలిపారు. అలాగని అశ్రద్ధ చేయకుండా.. గుండె పోటు వచ్చిన వ్యక్తిని వెంటనే సమీపంలోని ఆసుపత్రికి తీసుకెళ్లడం వల్ల ప్రాణాలను కాపాడవచ్చు. హాస్పిటల్‌కు చేరేంత వరకూ రోగి ప్రాణాలను నిలిపేందుకు ఉద్దేశించిన టిప్ మాత్రమే ఇది. రోజూ తగిన మోతాదులో కారం పొడిని వంటల్లో భాగం చేసుకొని తీసుకోవడం వల్ల గుండెపోటు వచ్చే ముప్పును తగ్గించవచ్చు.

గమనిక: ఈ ఆర్టికల్‌లో ప్రచురించిన అంశాలు ఆథర్ వ్యక్తిగత అభిప్రాయాలు మాత్రమే. దీనికి ‘సమయం’ బాధ్యత వహించదు.