పిల్లలకి ఒక గ్రాము కొకైన్ ఇస్తున్నట్లే..!

ఊహ తెలియని వయసు నుంచే పిల్లలకి స్మార్ట్ ఫోన్లు ఇవ్వడమంటే వారి చేతికి ఒక గ్రాము కొకైన్ ఇస్తున్నట్లేనని మానసిక శాస్త్రవేత్తలు హెచ్చరిస్తున్నారు. ఇటీవల నిర్వహించిన ఓ సర్వేలో స్మార్ట్ ఫోన్లను ఎక్కువగా వినియోగిస్తున్న పిల్లల ఆలోచన శక్తి క్రమంగా క్షీణిస్తున్నట్లు తేలింది. పిల్లలు తమ పనికి అడ్డుతగలకుండా, అల్లరి చేయకుండా ఒక చోట కూర్చోవాలనే ఉద్దేశంతో కొంతమంది తల్లిదండ్రులు స్మార్ట్ ఫోన్లను వారికి ఇస్తున్నట్లు తేలింది.

‘పిల్లలకి ఫోన్‌కి ఇవ్వడమంటే ఒక మద్యం సీసా లేదా ఒక గ్రామ్ కొకైన్ ఇచ్చినట్లే. ఎందుకంటే స్మార్ట్ ఫోన్‌ని ఎక్కువగా వినియోగించే పిల్లల మొదడు క్రమంగా మద్యం సేవించిన వారిలా మొద్దబారిపోతుంది. తరచూ వెలుతురు వైపు వారు చూస్తుండంతో కళ్లు కూడా తీక్షతను కోల్పోతున్నాయి. స్మార్ ఫోన్‌ని వినియోగించే పిల్లల ప్రవర్తన మొండిగా తయారై చివరికి ధిక్కార స్వరం పెరుగుతూ వస్తోందని’ శాస్త్రవేత్తలు తేల్చారు.

టెక్నాలజీని పిల్లలకి తల్లిదండ్రులు పరిచయం చేయాలి అయితే.. వారు ఫోన్లకి మాత్రం బానిసలవకుండా ఒక కంట కనిపెట్టాలని సూచిస్తున్నారు. అన్ని పనులు స్మార్ట్ ఫోన్లలోనే జరిగిపోతున్న నేటి తరంలో టెక్నాలజీ వల్ల ఉపయోగాలతో పాటు చెడును పిల్లలకి తల్లిదండ్రులు చెప్పాలని బాధ్యత ఉందని శాస్త్రవేత్తలు హెచ్చరిస్తున్నారు.