వందేళ్ల వయసులో.. వేల కోట్ల సామ్రాజ్యానికి అధిపతి..
వందేళ్ల వయసులో రోజూ ఆఫీసుకెళ్తూ.. వివిధ డిపార్ట్మెంట్ల హెడ్లతో మీటింగ్లు నిర్వహించే చాంగ్.. ప్రపంచంలోనే అతిపెద్ద వయస్కుడైన బిలియనీర్గా గుర్తింపు పొందారు..
Samayam Telugu 27 Dec 2018, 5:25 pm
వందేళ్ల వయసులో మీరేం చేద్దాం అనుకుంటున్నారు..? అంత వయసు వచ్చే దాకా బతికితే అదే గొప్ప అదృష్టం అనుకుంటాం కదూ. కానీ సింగపూర్కు చెందిన పెద్దాయన మాత్రం వందేళ్ల వయసులో రోజూ హుషారుగా ఆఫీసుకెళ్తూ.. పని చేస్తున్నారు. ప్రపంచంలోనే అతిపెద్ద వయస్కుడైన బిలియనీర్గా గుర్తింపు పొందిన ఆ పెద్దాయన పేరు చాంగ్ యున్ చుంగ్. పసిఫిక్ ఇంటర్నేషనల్ లైన్స్ (పీఐఎల్) అనే షిప్పింగ్ కంపెనీ వ్యవస్థాపకుడైన ఆయన సంపద అక్షరాలా 1.9 బిలియన్ డాలర్లు. మన కరెన్సీలో చెప్పాలంటే 13 వేల కోట్ల రూపాయల పైమాటే.
చాంగ్ 1967లో రెండు సెకండ్ హ్యాండ్ నౌకలను కొనుగోలు చేసి పీఐఎల్ను ఏర్పాటు చేశారు. ఇప్పుడు ఆ సంస్థ వద్ద 160 నౌకలు ఉన్నాయి. పీఐఎల్లో 18 వేల మందికి పైగా ఉపాధి పొందుతున్నారు. 51 ఏళ్లపాటు అహర్నిశలు శ్రమించిన ఆయన.. ఈ ఏడాది మార్చిలోనే చైర్మన్ బాధ్యతలను తన కుమారుడికి అప్పగించారు. కానీ రోజూ ఆఫీసుకెళ్లడం మాత్రం మానుకోలేదు.
రోజువారీ వ్యవహారాలను డైరీలో నిక్షిప్తం చేయడం చాంగ్కు అలవాటు. కంపెనీలోని అన్ని విభాగాల అధిపతులతో ఆయన నిత్యం భేటీ అవుతుంటారు. ఖాళీగా కూర్చుంటే బోర్ కొడుతుందని చెప్పే చాంగ్.. ఇంట్లో ఉండటానికి ఏమాత్రం ఇష్టపడరు.
ప్రశాంతంగా ఉండటాన్ని ఇష్టపడే చాంగ్.. సిగరెట్లు, ఆల్కహాల్కు ఆమడ దూరం ఉంటారు. రోజూ ఎక్సర్సైజ్ చేయడంతోపాటు ఆరోగ్యకరమైన ఆహారం తీసుకుంటారు. ఈ వయసులోనూ తాను ఇంత చురుగ్గా ఉండటానికి కారణాలివేనని చాంగ్ చెబుతారు.
ఈ స్థాయికి చేరుకునే క్రమంలో చాంగ్ ఎన్నో ఒడుదొడుకులు ఎదుర్కొన్నారు. 2009లో కంపెనీకి చెందిన నౌకను తూర్పు ఆఫ్రికా తీరంలో పైరెట్లు హైజాక్ చేశారు. 75 రోజుల తర్వాత వారికి భారీగా నగదు ముట్టజెప్పి ఆ నౌకలోని సిబ్బందిని సురక్షితంగా ఇంటికి రప్పించగలిగారు. అలాంటి సందర్భంలోనూ ఆయన ఎంతో చాకచక్యంగా వ్యవహరించారే తప్ప.. ఎట్టి పరిస్థితుల్లోనూ సహనం కోల్పోలేదు.
చాంగ్ 1967లో రెండు సెకండ్ హ్యాండ్ నౌకలను కొనుగోలు చేసి పీఐఎల్ను ఏర్పాటు చేశారు. ఇప్పుడు ఆ సంస్థ వద్ద 160 నౌకలు ఉన్నాయి. పీఐఎల్లో 18 వేల మందికి పైగా ఉపాధి పొందుతున్నారు. 51 ఏళ్లపాటు అహర్నిశలు శ్రమించిన ఆయన.. ఈ ఏడాది మార్చిలోనే చైర్మన్ బాధ్యతలను తన కుమారుడికి అప్పగించారు. కానీ రోజూ ఆఫీసుకెళ్లడం మాత్రం మానుకోలేదు.
రోజువారీ వ్యవహారాలను డైరీలో నిక్షిప్తం చేయడం చాంగ్కు అలవాటు. కంపెనీలోని అన్ని విభాగాల అధిపతులతో ఆయన నిత్యం భేటీ అవుతుంటారు. ఖాళీగా కూర్చుంటే బోర్ కొడుతుందని చెప్పే చాంగ్.. ఇంట్లో ఉండటానికి ఏమాత్రం ఇష్టపడరు.
ప్రశాంతంగా ఉండటాన్ని ఇష్టపడే చాంగ్.. సిగరెట్లు, ఆల్కహాల్కు ఆమడ దూరం ఉంటారు. రోజూ ఎక్సర్సైజ్ చేయడంతోపాటు ఆరోగ్యకరమైన ఆహారం తీసుకుంటారు. ఈ వయసులోనూ తాను ఇంత చురుగ్గా ఉండటానికి కారణాలివేనని చాంగ్ చెబుతారు.
ఈ స్థాయికి చేరుకునే క్రమంలో చాంగ్ ఎన్నో ఒడుదొడుకులు ఎదుర్కొన్నారు. 2009లో కంపెనీకి చెందిన నౌకను తూర్పు ఆఫ్రికా తీరంలో పైరెట్లు హైజాక్ చేశారు. 75 రోజుల తర్వాత వారికి భారీగా నగదు ముట్టజెప్పి ఆ నౌకలోని సిబ్బందిని సురక్షితంగా ఇంటికి రప్పించగలిగారు. అలాంటి సందర్భంలోనూ ఆయన ఎంతో చాకచక్యంగా వ్యవహరించారే తప్ప.. ఎట్టి పరిస్థితుల్లోనూ సహనం కోల్పోలేదు.