Signals of heart problems: గోర్లు ఇలా ఉంటే.. గుండె సమస్యకు సిగ్నల్‌‌‌ ఇచ్చినట్లే..!

ప్రపంచవ్యాప్తంగా గుండె జబ్బులతో మరణిస్తున్న వారిసంఖ్య ఏటా పెరుగుతోంది. 2020 లెక్కల ప్రకారం, దేశంలో 40 మిలియన్లకు పైగా ప్రజలు గుండె జబ్బుల కారణంగా మరణించారు. జీవనశైలి మార్పులు, మధుమేహం,రక్తపోటు, అధిక బరువు, పొగతాగడం, మానసిక ఒత్తిడి, కొలెస్ట్రాల్‌‌‌ కారణంగా గుండె సమస్యలు రోజురోజుకూ ఎక్కువ అవుతున్నాయి. గుండె జబ్బులను సైలెంట్‌ కిల్లర్స్‌ అంటారు. గుండె సమస్యలు అకస్మాత్తుగా రావు. కానీ గుండె సమస్యలు వచ్చే ముందు మనకు కొన్ని సిగ్నల్స్‌ ఇస్తాయి. ఈ సంకేతాలను గమనించి.. మొదట్లోనే జాగ్రత్తలు తీసుకుంటే గుండెను కాపాడుకోవచ్చని నిపుణులు అంటన్నారు. గుండె సమస్యలు వచ్చే ముందు గోర్లు, చర్మంపై కొన్ని మార్పులు జరుగుతాయని అంటున్నారు నిపుణులు అవేంటో చూసేయండి.


గోళ్లు వంకరగా అయితే..

గోళ్ల వంకరపోతే.. గుండె సమస్యలకు సిగ్నల్‌ ఇచ్చినట్లే అని నిపుణులు చెబుతున్నారు. గోళ్లు వంకర పోవడానికి క్లబ్బింగ్ నెయిల్స్ అంటారు. గోళ్లు షేప్‌లో ఈ మర్పులు కనిపిస్తే.. శరీరంలో హై కొలెస్ట్రాల్‌ సమస్య ఉండే అవకాశం ఉందని నిపుణులు అంటున్నారు. ఊపిరతిత్తులు, గుండె సమస్యలు ఉన్నా గోర్లలో ఈ రకమైన మార్పులు కనిపిస్తాయి.
గోళ్లుపై రంగు గీతలు..

గోళ్లపై ఎరుపు, ఊదా రంగు గీతలు ఉంటే.. మీ శరీరంలో ఏదో సరిగ్గా లేదని స్పష్టమైన సంకేతం ఇస్తుంది. గుండె జబ్బులతో సహా శరీరంలోని అనేక వ్యాధులకు గోర్లలోని మార్పులు సిగ్నల్‌ ఇస్తాయి. మీరు చాలా కాలం నుంచి గోర్లలో మార్పులు కనిపిస్తే.. అలారం బెల్‌ కావచ్చని నిపుణులు అంటున్నారు. వీటిని నిర్లక్ష్యం చేయకుండా వెంటనే వైద్యుడిని సంప్రదించాలని సూచిస్తున్నారు.
వేళ్ల నొప్పులు..

కాళ్లు, చేతి వేళ్లలో గడ్డల కారణంగా నొప్పి ఉంటే.. శరీరంలో కొలెస్థాయులు ఎక్కువగా ఉన్నాయని అర్థరం. ఈ సమస్య ఎక్కువగా ఉంటే వైద్యుడిని సంప్రదించడం మంచిదని నిపుణులు అంటున్నారు. శరీరంపై వచ్చే అన్ని గడ్డలు హానికరం కానప్పటికీ.. ఇవి తరచుగా వస్తూ ఉంటే.. ప్రమాదానికి సంకేతమని గుర్తుపెట్టుకోవాలి.
శరీరంపై మచ్చలు..

మీ చర్మంపై నీలం, ఊదా రంగు మచ్చలు గమనించినట్లయితే.. మీ వైద్యుడని సంప్రదించడం మంచిది. ఇన్ఫెక్షన్‌, దద్దుర్లు అని నిర్లక్ష్యం చేస్తే.. మీరు ప్రాణాంతక వ్యాధికి గురయ్యే ప్రమాదం ఉంది. ఈ మచ్చలు.. కొలెస్ట్రాల్ ఎంబోలైజేషన్ సిండ్రోమ్ కారణంగా ఏర్పడుతుంది. ధమనుల నిరోధం కారణంగా ఈ పరిస్థితి తలెత్తుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.